మీ గాళ్ ఫ్రెండ్ కి కోపం వస్తే ....?

By B N Sharma

Published: Thursday, June 14, 2012, 15:11 [IST]

కోపంగా వున్నవారితో వ్యవహరించాలంటే, చాకచక్యం కావాలి. అది కూడా... తప్పు మీదైనప్పుడు కొంచెం కష్టమైన పనే. తగవులు, ఒక సంబంధానికి మంచివే. కాని, వాటిని మీరు ఆలస్యం చేయకుండా పరిష్కిరంచుకోవాలి. లేకుంటే, ఆ పరిస్ధితి మీ జీవితాన్నే పూర్తిగా పాడుచేస్తుంది. మీ గాళ్ ఫ్రెండ్ ఏ కారణం చేతైనా సరే మీరంటే చాలా కోపంగా వుంటే, మీరు వెంటనే సమయం తీసుకొని ఆమెను ఓదార్చాలి. లేదా సముదాయించాలి. ఆమె కోపం పోగొట్టి మరోమారు నవ్వించేయాలి? తగవు చేసినందుకు ఒక బహుమతినిచ్చేయండి. ఆ ఇచ్చే బహుమతి చక్కని వివరణతో కూడినదిగా వుంటే, ఆమె కోపం చేసినందుకు పశ్చాత్తాప పడటం కూడా గ్యారంటీ.

దయచేసి నన్ను క్షమించు డార్లింగ్ - ఎంత కోపం వున్న గాళ్ ఫ్రెండ్ కైనా ఈ మాటలు చల్లగా చల్లారుస్తాయి. మీరు తప్పు మీదని ఒప్పుకోండి. మీరు చేసిన తప్పుకు సారీ చెప్పేస్తే, మీపై ఆమెకు గౌరవం పెరుగుతుంది. నన్ను క్షమించు అనే మాటలు ఆమె కోపాన్ని క్షనాలలో కరిగించేసి మీపై మరోమారు అభిమానాన్ని కలిగిస్తాయి.

అయిందేదో అయిపోయింది డార్లింగ్ - అయిందేదే అయిపోయింది ఇకపై ఆ తప్పు చేయనని ఆమె మూడ్ మార్చి రిలాక్స్ చేయండి. అవే అంశాలు మైండ్ లో వుంచుకుంటే సంబంధం మరింత పాడవుతుంది. కోపంగా వున్న గాళ్ ఫ్రెండ్ వద్దకు పోయి ఈ మాటలు చెప్పేయండి. ఆమె ముఖం ఎదుట ధైర్యంగా చెప్పలేకపోతూంటే, చిన్న మెసేజ్ ఇచ్చేయండి. ఆ మెసేజ్ కి ఒక స్మైలీ జతచేయటం మరువకండి. ఈ తీరున మీరు ప్రవర్తిస్తే, మీ గాళ్ ఫ్రెండ్ కోపం నిమిషాల్లో మాయం.

ఓ..కే...డార్లింగ్ నేను మనసులో పెట్టుకుంటా? - చేసిన తప్పును మనసులో పెట్టుకుంటానని, మరల అది రిపీట్ చేయనని మీరు ఆమెకు తెలుపండి. వాదించటం లేదా తిరస్కరించటం చేయకండి. అవి మీ తగవును మరింత పెంచుతాయి. తగవు చిన్నదిగా ఆపేయటానికి మీరు ఈ మాటలు అంటే చాలు ఆమె కోపం నియంత్రణలోకి వచ్చేస్తుంది. తాను ప్రాధాన్యత ఇవ్వబడినట్లు ఆమె భావిస్తుంది. కాని ఆమె తప్పు అని తెలిస్తే మీరు ఈ మాటలు వాడకండి. అది ఆమెను మరింత మొండిగా, మీపై ఆధిపత్యం వహించేలా చేస్తుంది.

కోపం వస్తే నీవెంతో హాట్ - అనే మాటలు వాడండి. మీ గాల్ ఫ్రెండ్ చప్పున చల్లారి నవ్వేస్తుంది. ఈ మాటలు చెవిలో గుస గుస లాడాలి. సెకండ్లలో ఆమె కరిగిపోతుంది. ఆమె ముఖంలో చిరునవ్వు వచ్చేస్తుంది. కాని మీరు చెప్పే ఈ మాటలు ఎంతో సహజంగా వుండాలి. లేదంటే, బ్యాక్ ఫైర్ అయ్యే ప్రమాదం వుంది. ఈ ట్రిక్కు ఉపయోగించి మీ ప్రేమను మరోమారు వెలిగించుకోవచ్చు.

ఈ రీతిగా మీ గాళ్ ఫ్రెండ్ కోపాన్ని చల్లార్చి, అనవసరమైన పట్టుదలలకు పోయి సంబంధాలు చెడగొట్టుకోకుండా చేసుకోవచ్చు. ఆనందించవచ్చు. సూచించిన అంశాలు చాలా చిన్నపాటివే. ఎంతైనా ఆమె మీకు గాళ్ ఫ్రెండ్ అని, మీరంటే పడి చస్తుందనే విషయాన్ని మరువకండి.