అబ్బాయిలు ఈజీగా అమ్మాయిల ప్రేమను మరిచిపోతారు, కానీ అమ్మాయిలు అలా కాదు #mystory351

ఆస్తి కోసమే

కేవలం ఆస్తి కోసం తను తన మరదలిని పెళ్లి చేసుకుని వెళ్లి పోయాడు. నా జీవితం గురించి ఒక్క క్షణం కూడా తను ఆలోచించలేదు. తనపై గంపెడాశాలు పెట్టుకున్న నన్ను అలా వంచిస్తాడని అనుకోలేదు.

బైక్ పై మేమిద్దరం చక్కర్లు కొట్టిన రోజులు

అయితే తను పెళ్లి చేసుకుని హ్యాపీగా ఉన్నా నేను మాత్రం అతన్ని మరిచిపోలేకపోతున్నాను. రోజూ తనతో నేను గడిపిన క్షణాలన్నీ గుర్తొచ్చేవి. తన బైక్ పై మేమిద్దరం చక్కర్లు కొట్టిన రోజులు.. ఒకే కంచంలో ఇద్దరం కలిసి భోజనం చేసిన రోజులు.. ఇలా తనతో గడిపిన ప్రతి క్షణం నాకు మధురమే.

నా బాయ్ ఫ్రెండ్ దూరం అయినందుకు

తన గర్ల్ ఫ్రెండ్ కు పెళ్లయితే అర్జున్ రెడ్డి మూవీలో హీరో ఎలా అయితే బాధపడతాడో అలా నా బాయ్ ఫ్రెండ్ దూరం అయినందుకు అంతకంటే ఎక్కువే బాధపడ్డాను. ఆ మూవీలో హీరోలా ఏవేవో వ్యసనాలకు బానిస కాలేదు కానీ రోజూ ఏడ్చుకుంటూ కూర్చొనేదాన్ని.

ప్రేమలో ఫెయిల్ అయితే

రోజూ నేను తన జ్ఞాపకాలతో సతమతం అయ్యేదాన్ని. ప్రేమలో ఫెయిల్ అయితే అబ్బాయిలు ఏవిధంగా బాధపడతారో అంతకంటే ఎక్కువే బాధపడ్డాను. కాస్త పొడువు ఉండి.. పల్సర్ బైక్ పై ఏ అబ్బాయి వచ్చినా సరే తనే గుర్తొచ్చేవాడు.

బైక్ పై అలా వెళ్తుంటే

ఎవరైనా అమ్మాయి.. అబ్బాయి బైక్ పై అలా వెళ్తుంటే చాలు నాకు అతనితో గడిపిన రోజులే గుర్తొచ్చేవి. టీవీలో ఏదైనా లవ్ ఫెయిల్యూర్ సాంగ్ వస్తే చాలు నాకు నా ప్రేమ కథనే గుర్తొచ్చేది. ఎన్ని పెళ్లి సంబంధాలు వచ్చినా సరే.. ఏ అబ్బాయి నచ్చేవాడు కాదు.

కట్టె కాలే వరకు

చాలా మంది అబ్బాయిలు.. అబ్బాయిల ప్రేమనే గొప్పనుకుంటారు. కానీ అమ్మాయిలు కూడా మీకంటే ఎక్కువగా ప్రేమిస్తారు. కట్టె కాలే వరకు ప్రతి రోజూ ప్రేమించినవాడి గురించే కలలు కంటూ ఉంటారు. మీరంటే ఒక బీర్ తాగి మీ ప్రేమను మరిచిపోతారుగానీ మేము అలా కాదు కదా.