ఆ బాలుడిలో బాలికల లక్షణాలు... కొడుకు కోసం బ్రా కొనుగోలు చేసిన అమ్మ...

హార్మోన్లలో మార్పు...

మనుషులందరీ శరీరమంతా హార్మోన్లతోనే నియంత్రించబడుతుందన్న విషయం అందరికీ తెలిసిందే. ఆ హార్మోన్లు సక్రమంగా ఉన్నంతవరకు ఎలాంటి సమస్యా ఉండదు. అయితే ఎప్పుడైతే, మానవుల శరీరంలోని హార్మోన్లలో మార్పులు వస్తే, అంతా రివర్స్ అయ్యే ప్రమాదం ఉంది. ఇలాంటి సంఘటనే యునైటెడ్ కింగ్ డమ్ లో చోటు చేసుకుంది.

11 సంవత్సరాలకు..

ఇందుకు సంబంధించి పూర్తి వివరాల్లోకి వెళితే.. యునైటెడ్ కింగ్ డమ్ లో ఓ బాలుడికి 11 ఏళ్ల వయసు వచ్చేసరికి సడెన్ గా హార్మోన్లలో మార్పులు రావడం ప్రారంభమయ్యింది.

ఎదభాగం పెరగడం..

ఆ బాలుడిలో ఎలాంటి మార్పు కలుగుతుందో అందరికీ స్పష్టంగా కనిపిస్తోంది. ఒక్కసారిగా బాలుడి ఎద భాగం అచ్చం అమ్మాయిల మాదిరిగా పెరిగిపోతూ వచ్చింది. అయితే ఈ పరిస్థితిని వాళ్లు అవమానకరంగా భావించలేదు.

వైద్యం కోసం...

తన కుమారుడికి చికిత్స అందించడానికి వైద్యానికి సహాయం కావాలంటూ.. బాలుడి తల్లి దాతలను సోషల్ మీడియా వేదికగా వేడుకుంది. ఈ సంఘటన ఆలస్యంగా వెలుగులోకి వచ్చింది.

ఆకస్మిక మార్పు..

యూకెకు చెందిన ఆమె పేరు సోఫీ(37).. తన కొడుకి పేరు రిస్(11)... ఈ సందర్భంగా తన పిల్లాడి శరీరంలో వచ్చిన ఆకస్మిక మార్పు గురించి సోషల్ మీడియాలో పూర్తి వివరించింది.

అమ్మాయిల మాదిరిగా

ఆమె తన పిల్లాడి బాడీ గురించి పెద్దగా పట్టించుకోలేదట. అయితే 11 ఏళ్ల తర్వాత ఒక్కసారిగా తన కుమారుడి శరీరంలో ఆడపిల్లల మాదిరిగా ఎద భాగం పెరగడంతో, డాక్టర్ని సంప్రదించానని, అయితే దాని గురించి అంతగా కంగారు పడాల్సిన పనిలేదని చెప్పారని ఆమె వెల్లడించింది.

బ్రాలు కొన్నట్టు...

తన కుమారుడి ఎదభాగం రోజురోజుకీ పెరిగిపోతుండటంతో ఆమెలో టెన్షన్ మొదలైంది. చూడటానికి ఎబ్బెట్టుగా కనబడకుండా ఉండాలని ఆమె వెంటనే తన కుమారుడికి బ్రాలు కొన్నట్లు చెప్పడం విశేషం.

ఆపరేషన్ అవసరమని..

అయితే ఇప్పుడు తన కుమారుడికి ఆపరేషన్ అవసరమని వైద్యులు చెప్పారని.. అందుకోసం సహాయం చేయమని ఆమె కోరుతోంది.