కరోనా ఎఫెక్ట్ : రాబోయే రోజుల్లో కండోమ్స్ కొరత తప్పదట...!

లాక్ డౌన్ మినహాయింపులు..

ప్రస్తుతం చాలా చోట్ల రెడ్ జోన్, ఆరెంజ్ జోన్లలో లాక్ డౌన్ మినహాయింపులు ఇచ్చారు. అయితే ఈ సమయంలో నిత్యావసర సరుకులు, కూరగాయలు, మందుల కోసం మాత్రమే ప్రజలకు అనుమతి ఉంది. అయితే తాజాగా మద్యం షాపులకు కూడా అనుమతి లభించింది.

తెలుగు రాష్ట్రాల్లో..

లాక్ డౌన్ మినహాయింపు కారణంగా మద్యం బాటిళ్లు ఎంతలా అమ్ముడుపోతున్నాయో అందరికీ తెలిసిందే. కేవలం రెండు తెలుగు రాష్ట్రాల్లోనే ఒక్క రోజులోనే 40 కోట్ల మేర ఆదాయం వచ్చినట్లు తెలిసింది. అయితే ఈ నిల్వలు ఉండటంతో చాలా మందికి ఎలాంటి సమస్యలు ఉండటం లేదు.

రొమాన్స్ వీరులు..

ఇది ఇలా ఉంటే లాక్ డౌన్ సమయంలో ఇళ్లకే పరిమితమైన చాలా మంది కేవలం రొమాన్స్ చేయడమే పనిగా పెట్టుకున్నారేమో అని చాలా మందికి సందేహం వస్తోంది. అయితే ఇప్పటికే చాలా మంది తమ భాగస్వాములతో కలయికల్లో పాల్గొంటున్నారు.

కండోమ్ ల కొరత..

అయితే వీరు లాక్ డౌన్ తర్వాత కండోమ్స్ ను ఒక నిత్యావసర సరుకులా విపరీతంగా కొనుగోలు చేశారట. వీరి వాడకం చూస్తుంటే భవిష్యత్తులో కండోమ్స్ దొరికే పరిస్థితి కష్టమేనంటున్నారు కంపెనీ యజమానులు.

కండోమ్స్ పైనా కరోనా ప్రభావం..

అకస్మాత్తుగా కండోమ్స్ కంపెనీల ప్రతినిధులు ఇలాంటి ప్రకటనలు ఎందుకు చేశారంటే.. కరోనా లాక్ డౌన్ కారణంగా వాటిని ఉత్పత్తి చేసే పరిస్థితులు కష్టంగా మారిపోయాయట.

భారీగా తగ్గిన ఉత్పత్తి..

ఇప్పటివరకు కండోమ్స్ ల ఉత్పత్తిలో మలేషియా అగ్రస్థానంలో ఉంది. అయితే ప్రస్తుతం ఆ దేశంతో పాటు చాలా దేశాలలో లాక్ డౌన్ ఉండటంతో కండోమ్ ల ఉత్పత్తి భారీగా తగ్గిపోయిందట.

భవిష్యత్తులో ఇబ్బందులు..

రాబోయే రోజుల్లో కండోమ్స్ కొరత తప్పదని కారెక్స్ సంస్థ యజమాని గో మియా కియాట్ ఏఎఫ్పీ వార్తా సంస్థతో అన్నారు. ప్రస్తుతం పాపులార్ గా ఉన్న ఐదు బ్రాండ్ల కండోమ్స్ లో ఒకటి కారెక్స్ సంస్థ నుండి తయారవుతోంది.

సగమే సరఫరా..

ఇప్పటికే ఈ విషయంపై ఐక్యరాజ్య సమితి ఆందోళన వ్యక్తం చేసిందట. ఇప్పటివరకు దీని అనుబంధ సంస్థ సెక్సువల్ అండ్ రిప్రొడక్టివ్ హెల్త్ ఏజెన్సీకి అవసరమైన కండోమ్స్ లో కేవలం సగమే సరఫరా చేసిందట. దీన్ని బట్టి చూస్తుంటే..భవిష్యత్తులో కండోమ్స్ కొరత కచ్చితంగా ఉంటుందట.