Hug Day 2023:ప్రతి కౌగిలిలోనూ ఓ ప్రత్యేకత ఉంటుందట...అవేంటో ఇప్పుడే చూసేద్దామా...

ఫిబ్రవరి 12నే..

బాధలో ఉన్నా.. ఆనందంలో ఉన్నా ఆప్యాయంగా హత్తుకుంటే ఎంతో మందికి చాలా హాయిగా అనిపిస్తుంది. అందుకే వాలెంటైన్స్ వీక్ లో హగ్ డే ఒక భాగమైపోయింది. అంతేకాదు.. ఈరోజు ఎంతో ప్రాధాన్యతను సైతం పొందింది. అందుకే వాలెంటైన్ వీక్ లో భాగంగా ఫిబ్రవరి 12వ తేదీనే హగ్ డే జరుపుకుంటారు.

ప్రేమ కౌగిలింత..

ఇలా కౌగిలించుకునే కౌగిలింత ప్రేమను ప్రేమగా వ్యక్తం చేస్తుంది. మనకు సంతోషం వచ్చినా.. బాధ కలిగినా.. మనసుకు నచ్చిన వ్యక్తితో షేర్ చేసుకోవడం కంటే అద్భుతమైన మార్గం మరొకటి లేదని చెప్పడంలో ఎలాంటి సందేహం లేదు. ఆ సమయంలో మనకిష్టమైన వారిని కౌగిలించుకుంటే ఎంతో హాయిగా అనిపిస్తుంది. తమ ప్రేయసి లేదా ప్రియుడిని ఆప్యాయతతో ఒక్కసారి హత్తుకుంటే చాలు వారిలో ప్రేమ బంధం మరింత బలోపేతమవుతుంది. ఇలా వారిద్దరి మధ్య అనుబంధం పెరగడమే కాదు.. ఒకరికి ఒకరు తోడు, నీడగా ఉంటామనే ధీమా, భరోసా ఇచ్చినట్టవుతుంది.

ఆప్యాయమైన కౌగిలి..

సాధారణంగా ప్రతి అబ్బాయి నుండి అమ్మాయిలు రక్షణ కావాలని కోరుకుంటూ ఉంటారు. అందుకే వారిని ఓసారి ఆప్యాయంగా హత్తుకోవడం ద్వారా మీ ప్రేయసికి మీరు తోడు ఉన్నారనే భరోసాను ఇచ్చినట్టవుతుంది. అందుకే హగ్ డే కు ఎక్కువ ప్రాధాన్యత ఏర్పడింది. ఒక ప్రియుడి కౌగిలింతలోని హాట్ స్పర్శను.. ప్రియురాలు ఎంతో హాయిగా ఫీలవుతుంది. అందుకే ప్రేమికులు ఈరోజు తమ ప్రేయసికి/ప్రియుడికి మిస్సవ్వకుండా హగ్ ను ఇవ్వండి.

నేరుగా హగ్ చేసుకోవద్దు..

అయితే కౌగిలింత అనగానే చాలా మంది కౌగిలిలో తమ ప్రియురాలిని బంధి చేయాలని ఆరాటపడుతుంటారు. అయితే అలా ఎప్పటికీ చేయకూడదు. ముందుగా తనతో మాటలు కలపాలి. ముందుగా తనను మానసికంగా సిద్ధం చేయాలి. ఆ తర్వాత హ్యాపీ హగ్ డే ప్రాధాన్యాన్ని ఆమెకు వివరించాలి. ఆ తర్వాత ఆమె ఓకే అంటే గాఢమైన హగ్ ఇవ్వొచ్చు.

మీ కౌగిలిలో..

మరి కొందరు కౌగిలి పేరేత్తగానే సినిమాల్లో చూపించనట్టు గాఢంగా హత్తుకునేందుకు ప్రయత్నిస్తారు. మరికొందరు అకస్మాత్తుగా వెనుక నుండి గట్టిగా హత్తుకునేందుకు ట్రై చేస్తారు. అయితే అలా కాకుండా మెల్లగా, సుకుమారంగా, సున్నితంగా హత్తుకోవాలి. మీ కౌగిలింతతో మీ ప్రేయసి ఈ లోకాన్నే మరచిపోయేలా చేయాలి. మీరు ఎంత సేపు కౌగిలించుకున్నా.. ఆమెకు అలానే ఉండిపోవాలి అనిపించేంతలా హగ్ ఇవ్వాలి. అలాంటి అనుభూతి ఎప్పటికీ మరచిపోలేరు.

లవ్ ఫీల్..

మీరు కౌగిలించుకున్నప్పుడు.. మీ లవ్ పీలింగ్ కూడా వ్యక్తపరచొచ్చు. ఎందుకంటే మీరు హగ్ చేసుకున్నప్పుడు ఆక్సిటోసిన్ అనే హార్మోన్ విడుదలవుతుంది. అది వారికి చాలా మంచి అనుభూతిని కలిగిస్తుంది. ప్రియురాలికి తన ప్రియుడు ఎప్పుడూ తనతోనే, తన వెంటే ఉన్న ఫీల్ కలిగిస్తుంది. హగ్ డే అనేది కేవలం ప్రేమికులే కాదు. ఇతరులు కూడా జరుపుకోవచ్చు. భార్యభర్తలు కూడా కౌగిలించుకోవచ్చు. హగ్ ఇవ్వడం ద్వారా మీరు ఎన్నో విషయాలను చెప్పినట్టవుతుంది. మీరు మాటల్లోని చెప్పలేని విషయాలను కౌగిలింత ద్వారా వ్యక్తం చేయొచ్చు.

కూల్ అయ్యేందుకు..

కౌగిలింత అనేది కేవలం సంతోషంలో ఉన్నప్పుడు మాత్రమే కాదు.. కోపంలో ఉన్నప్పుడు కూడా ఇస్తారు. ఇద్దరు వ్యక్తుల మధ్య గొడవ జరిగినప్పుడు ఇద్దరూ కూల్ అయ్యేందుకు హగ్ ఇచ్చుకోవచ్చు. అనంతరం వారిద్దరూ ప్రశాంతంగా ఆలోచించి.. మరింత దగ్గరవుతారు. దీంతో వారి మూడ్ కూడా మారిపోతుంది.

చూశారు కదా.. కౌగిలింత వల్ల ఎన్ని లాభాలో.. ఇంకెందుకు ఆలస్యం హ్యాపీ హగ్ ఇవ్వండి.. వాలెంటైన్స్ వీక్ లో మరో ఆనందకరమైన రోజును హాయిగా గడిపేయండి.