‘నా ప్రేయసి అందరితో అలా చేస్తోంటే అనుమానం కలుగుతోంది...’

అందమైన అమ్మాయి..

హాయ్ ‘నా పేరు రాకేష్(పేరు మార్చాం). నేను కాలేజీ స్టడీస్ పూర్తి చేసేలోపే ఓ పెద్ద కంపెనీలో నాకు క్యాంపస్ ప్లేస్ మెంట్ లభించింది. నేను ఫైనల్ ఇయర్ లో ఉన్నప్పుడు ఓ రోజు మా కాలేజీలో అందమైన అమ్మాయిని చూశాను. తన గురించి ఆరా తీస్తే తను నా జూనియర్ అని తెలిసింది.

చూపులు కలిశాయి..

ఓ రోజు మా ఇద్దరి చూపులు కలిశాయి. ఆ తర్వాత మా ఇద్దరి మనసులు కలిశాయి.. పరిచయం అయిన కొద్ది కాలంలోనే మేమిద్దరం సినిమాలకు, పార్కులకు, షాపింగుకు కలిసి వెళ్లేవాళ్లం. మేమిద్దరం ఎక్కువ సమయం కలిసి గడిపేవాళ్లం. ఇక దూరంగా ఉన్నప్పుడు మా ఫోన్లలో చాలా బిజీగా ఉండేవాళ్లం.

సీనియర్లపై క్రష్..

అయితే తనకు నా మీద ప్రేమతో పాటు సీనియర్లపై అంటే నా క్లాస్ మేట్స్ పై కూడా క్రష్ ఉండేది. దీంతో నాతో ప్రేమగా ఉంటూనే సరదాగా మాట్లాడటం, సరసాలాడం వంటివి చేసేది. ఎవరైనా తనను ఫ్లర్ట్ చేస్తున్నారని తెలిస్తే చాలు వెంటనే నెంబర్ ఇచ్చేది.

ఆఫీసులోనూ అదే..

ఆ తర్వాత మా కాలేజీ స్టడీస్ పూర్తయిన తర్వాత మా ఇద్దరికీ.. నా క్లాస్ మేట్స్ కు ఒకే కంపెనీలో జాబ్ వచ్చింది. మరో విచిత్రమేమిటంటే.. వారంతా ఒకే టీమ్ లో ఉన్నారు. ఆ టీమ్ కు నా దురద్రుష్టం కొద్దీ నేనే లీడర్ ని. ఇంకేముంది కాలేజీలో ఎలా అల్లరి చేసేవాళ్లమో.. ఇక్కడ కూడా అంతే.

నమ్మలేకపోతున్నాను..

ఆఫీసులో కూడా తనకు ఎవరైనా లైన్ వేస్తున్నారని తెలిస్తే.. చాలు వాళ్లను దూరం పెట్టడం మానేసి.. వారితో మరింత క్లోజ్ గా ఉండేది. అంతేకాదు తన పర్సనల్ విషయాలన్నీ షేర్ చేసుకునేది. దీంతో తనను నమ్మలేకపోతున్నాను. ఎందుకంటే మా ఇద్దరి మధ్య ఇప్పటికే మంచి రిలేషన్ షిప్ ఉంది.

అనుమానం వస్తోంది..

తనపై అనుమానం వచ్చి.. తనకు ఈ విషయం గురించి అడగగా.. అంతకుముందు నేను కాలేజీలో మరో జూనియర్ తో సన్నిహితంగా విషయాన్ని గుర్తు చేస్తోంది. దీంతో నాకు ఏం చేయాలో అర్థం కావట్లేదు. నేను మాత్రం తనను చాలా నిజాయితీగా ప్రేమిస్తున్నాను. తనను విడిచిపెట్టడం నాకు ఏ మాత్రం ఇష్టం లేదు. మా మాధ్య ఇలాంటి గొడవలు రెగ్యులర్ గా జరుగుతూనే ఉన్నాయి. వీటికి పుల్ స్టాప్ పెట్టాలంటే ఏమి చేయాలో మంచి సలహా చెప్పగలరు' అని ఓ యువకుడు తన సమస్యను ఇలా చెప్పుకున్నాడు.

కన్ఫ్యూజ్ అవ్వకండి..

మీరు తనతో రిలేషన్ షిప్ విషయంలో చాలా కన్ఫ్యూజ్ అవుతున్నారని తెలుస్తోంది. ఈ ప్రాబ్లమ్స్ కు సొల్యూషన్ మీ వద్దే ఉంది. మీరు తనను అపార్థం చేసుకోకుండా అర్థం చేసుకోవాలి. మీరు తనతో ప్రేమతో మాట్లాడుతూ చాలా విషయాల్లీ క్లారిటీగా ఉండాలి. ఎందుకంటే ఒక్కొక్క వ్యక్తి ఒక రకంగా ఉంటారు. కొందరు అందరితో కలిసిపోతూ ఉంటారు. అలాంటి వారి మనసుల్లో ఏమీ ఉండదు. కానీ బయట వ్యక్తులు వారి క్యారెక్టర్ ను డిసైడ్ చేసేస్తుంటారు.

ఏ తప్పు చేయలేదనే..

ఆమె అందరితో కలిసి సరదాగా ఉంటున్నప్పటికీ.. మీరు తనను ఇంకా నిజాయితీగా ప్రేమిస్తున్నారంటే.. దానికి కారణం తను ఇంకా ఏ తప్పు చేయలేదనే నమ్మకమే. కాబట్టి ఆమె గురించి మీరు ఎలాంటి ఆందోళనలు పెట్టుకోకుండా మీ ప్రేమను కొనసాగించండి.