వైరల్ వీడియో : గర్భిణీ భార్య కోసం కుర్చీగా మారిన ఈ భర్తకే 'Husband of the year'అవార్డు ఇవ్వాలి...!

నెటిజన్లను కదిలించింది..

గర్భవతి అయిన భార్యకు ఓ భర్త మానవ కుర్చీగా మారిన సంఘటన నెటిజన్లను కదిలించింది. దీంతో వారి స్పందనను తమదైన శైలిలో తెలియజేశారు. ఓ నెటిజన్ చేసిన కామెంట్ అందరి కంటే హైలెట్ గా నిలిచింది. ఆ భర్తకు ‘హస్బెండ్ ఆఫ్ ది ఇయర్‘ అవార్డుకు అసలైన అర్హుడు అని కామెంట్ చేశారు.

టెస్టుల నిమిత్తం ఆసుపత్రికి..

చైనాలోని హీలాంగ్జి యాంగ్ ప్రావిన్స్ లోని కియాంగ్ నగరానికి చెందిన ఒక వ్యక్తి గర్భవతి అయిన తన భార్యను టెస్టుల నిమిత్తం వారి ఇంటికి సమీపంలోని ఆసుపత్రికి తీసుకెళ్లాడు. అయితే వారు ఆసుపత్రికి వెళ్లిన సమయంలో కుర్చీలన్నీ నిండిపోయాయి. దీంతో ఆ భార్యభర్తలిద్దరూ డాక్టర్ రూమ్ బయటే నిలబడాల్సి వచ్చింది.

అలసటగా ఉన్నట్లు గుర్తించిన భర్త..

గర్భవతి అయిన తన భార్య అలసటగా ఉన్నట్టు గమనించిన తన భర్త వెంటనే తన భార్యతో తన వెనుక భాగంలో నేలపై కూర్చుని మానవ కుర్చీగా మారాడు. ఆ సన్నివేశాన్ని చూసి కూడా అక్కడున్న వారు ఎవరూ వారికి సహాయం చేయలేదు. కనీస మర్యాద కోసం అయిన కుర్చీని ఇవ్వలేదు.

ఆ భర్తకు ప్రశంసలు..

ఈ వీడియో సోషల్ మీడియాలో పోస్ట్ అయిన తర్వాత దీన్ని అతి తక్కువ సమయంలో కొన్ని మిలియన్ల మంది నెటిజన్లు చూశారు. ఈ వీడియోను చూసిన నెటిజన్లు గర్భవతి భార్యను ప్రశంసలతో ముంచెత్తారు. అదే సమయంలో అక్కడ వారికి సహాయం చేయని వారిని తిడుతూ కామెంట్లు చేశారు.

నిజమైన ప్రేమకు నిదర్శనం..

ఒక వ్యక్తి నిజంగా ఒకరిని ప్రేమిస్తున్నప్పుడు ఏమి జరుగుతుందో ఈ సంఘటనను నిదర్శనంగా చెప్పొచ్చు. దీన్ని బట్టి ప్రేమ ఎంత గొప్పదో.. ప్రేమ కోసం ప్రతిదాన్ని త్యాగం చేయడానికి మగవారు సిద్ధంగా ఉంటారు. అయితే చాలా మంది నిజమైన ప్రేమ లాంటిదేమీ లేదని ప్రజలు చెబుతుంటారు. ఎందుకంటే మానవులు తమ సొంత అవసరాలపై దృష్టి సారించడం వల్ల వారు భౌతిక ఆనందాన్ని కోరుకుంటారు.