Kartik Month 2021:కార్తీక మాసంలో ఈ పదార్థాలను అస్సలు తినకూడదట...!

పాల ఉత్పత్తులు..

కార్తీక మాసంలో శరీరంలోని శక్తి స్థాయిని మరియు రోగ నిరోధక శక్తిని పెంపొందించడానికి మీరు పాల ఉత్పత్తులను ఎక్కువగా తీసుకోవాలి. పాలలో పంచదారకు బదులు 50 గ్రాముల బెల్లం వేసుకుని తింటే.. మీరు చాలా బలంగా మారతారు. కాబట్టి ఈ నెలలో ప్రతిరోజూ ఓ గ్లాసు పాలను తీసుకోండి.

బెల్లం తీసుకోండి..

కార్తీక మాసంలో మీ శరీరాన్ని సాధ్యమైనంత మేరకు వెచ్చగా ఉంచాలి. అందుకోసం మీరు బెల్లంతో తయారు చేసిన పదార్థాలను ఎక్కువగా తీసుకోండి. ఇది మీ బాడీని వెచ్చగా ఉంచడంలో మరియు బిపి వంటి వాటిని కంట్రోల్ చేస్తుంది. దీని వల్ల కాలానుగుణంగా వచ్చే దగ్గు మరియు జలుబు నుండి బాడీని సురక్షితంగా ఉంచడానికి ఈ నెలలో బెల్లం ప్రతిరోజూ తినాలని నిపుణులు చెబుతున్నారు.

నల్ల ఉప్పు వాడండి..

కార్తీక మాసంలోనే వాతావరణంలో మార్పులు జరుగుతాయి కాబట్టి.. మీరు రాత్రి వేళ నల్ల ఉప్పు మరియు రాతి ఉప్పు మిశ్రమాన్ని తయారు చేసి, వాటిని కొద్ది కొద్దిగా తీసుకోండి. ఇది మీ బాడీలో అసిడిటీని నియంత్రించడంలో సహాయపడుతుంది. అలాగే నిరంతరం బర్ఫింగును కూడా నియంత్రిస్తుంది.

గోధుమ పిండి హల్వా..

కార్తీక మాసంలో వచ్చే పౌర్ణమి రోజున గోధుమ పిండి హల్వాను భోగ్ గా తయారు చేస్తారు. ఈ కాలంలో గోధుమ హల్వా తీసుకోవడం వల్ల మీ బాడీ అనారోగ్యానికి గురి కాకుండా చాలా సురక్షితంగా ఉండే రక్షణ కవచంగా పని చేస్తుందని నిపుణులు చెబుతున్నారు. గోధుమపిండితో పాటు నెయ్యి, పంచదార, యాలకుల పొడి మరియు ఎండు ద్రాక్షతో తయారు చేసిన ఈ పదార్థాన్ని తీసుకోవడం వల్ల మీ బాడీ వెచ్చగా మరియు సురక్షితంగా ఉండటంలో సహాయపడుతుంది.

తులసి ఆకులను వాడండి..

కార్తీక మాసంలో చాలా మంది తులసి మొక్కలకు ప్రత్యేకంగా పూజలు చేస్తారు. ఇది కాలుష్య రహితం కాబట్టి.. వీటి తాజా ఆకులను ఆహారంలో చేర్చాలని నిపుణులు సూచించారు. వాతావరణంలో మార్పుల కారణంగా, దూళి-కణాలు మరియు బ్యాక్టీరియా ఆహారాన్ని సులభంగా కలుషితం చేస్తాయని మరియు తులసి ఆకులను ఉపయోగించడం వల్ల వాటిని సురక్షితంగా వినియోగించొచ్చు.

కూల్ వాటర్ వద్దు..

పవిత్రమైన కార్తీక మసంలోనే చలికాలం ప్రారంభమవుతుంది. కాబట్టి వాతావరణంలో కూడా మార్పులు జరుగుతాయి. ఈ సమయంలో మీరు కూల్ వాటర్ వంటి వాటిని తీసుకోవద్దు. అలాగే రిఫ్రిజరేటర్లోని చల్లని పదార్థాలను కూడా వాడటం తగ్గించండి. ఎందుకంటే వీటిని రెగ్యులర్ గా తీసుకోవడం వల్ల జలుబు మరియు దగ్గు వంటి సమస్యలు రావొచ్చు. ఆస్తమాతో బాధపడుతున్న వారు ఆరోగ్యంగా ఉండాలంటే ఈ సమయంలో చల్లని నీటిని పూర్తిగా దూరంగా ఉండాలి.

ఉల్లి, వెల్లుల్లి తినొద్దు..

ఈ మాసంలో ఉల్లి, వెల్లుల్లి వంటి పదార్థాలను తీసుకోకూడదట. అలాగే మద్యం, మాంసం వంటి వాటిని నివారించాలి. అలాగే ఈ కాలంలో పొట్లకాయను తినడం వంటివి చేయొద్దు. ఈ సమయంలో ఈ పండు పక్వానికి వస్తుంది. కాబట్టి వీటిని ఈ కాలంలో ఎక్కువగా తినడం వల్ల ఇందులోని విత్తనాల్లో బ్యాక్టీరియా డెవలప్ చెందుతుందని నిపుణులు చెబుతున్నారు. అలాగే చేదు గుమ్మడికాయను తినడం వల్ల ఆహారం విషంగా మారి.. ఆహార సంబంధిత వ్యాధులు వచ్చే అవకాశం ఉంది.