Navaratri 2020 : కాళీమాత మరియు దుర్గా దేవి ఒక్కరేనా? వారి మధ్య తేడాలేంటి?

దుర్గాదేవి..

పురాణాల ప్రకారం.. దుర్గాసురుడు అనే రాక్షసుడు ఓ ఘోర తపస్సు చేసి, బ్రహ్మ దేవుని నుండి అనేక వరాలను పొందాడు. ఆ గర్వంతో అతడు విర్రవీగుతూ ముల్లోకాల్లో ఉండే దేవుళ్లను ఇబ్బంది పెట్టడం ప్రారంభించాడు.

పరాశక్తిని వేడుకోగా..

అప్పుడు ముల్లోకాల్లో ఉండే దేవతలు ఆ పరాశక్తిని వేడుకున్నారు. ఆ దేవి అప్పుడు కరుణించి శతాక్షి రూపం ధరించి దుర్గాసురుణ్ణి సంహరించింది. ఆ దేవి హేమవర్ణ తేజస్సుతో వెలుగొందడం వల్ల హేమదుర్గే అని ఆమెను స్తుతించారు.

దుర్గాసురుని సంహరించడం కోసం..

ఆ దేవి దుర్గాసురుడుని సంహరించేందుకు వరుణుడి చేత శంఖం, అగ్ని చేత బల్లెం, వాయువు చేత బాణాలు అంబులపొది, ఇంద్రుని చేత వజ్రాయుధం, బ్రహ్మ చేత అక్షరమాల, సూర్యుని చేత కిరణాలు, శివుని వద్ద నుండి సింహ వాహనం పొందారు. స్కంద పురాణంలోని సహ్యాద్రి ఖండంలో ఈ దుర్గామాత విజయగాథలన్నీ పొందుపరచి ఉన్నాయి.

దుర్గాదేవిని..

శ్రీ దుర్గాదేవిని శ్రీ మహాలక్ష్మీ, మహా సరస్వతి, బాలా త్రిపుర సుందరి, లలితాత్రిపుర సుందరి, రాజరాజేశ్వరి, గాయత్రీ రూపాలతో పాటు ఇతర రూపాల్లో అలంకరించి ఆరాధిస్తారు.

కాళి మాత..

ఈ దేవత గురించి అనేక కథలు పురాణాలలో వివరించబడ్డాయి. ప్రముఖ ఆధ్యాత్మిక వేత్త స్వామి వివేకానంద తన అభిమాన దేవత అయిన కాళిమాతపై 1898లో ‘కాళి ది మదర్' అనే కవితను కూడా రాశారు. అయితే చాలా మంది కాళి మాత అంటే భయంకరమైన రూపం అని మాత్రమే చాలా మందికి తెలుసు. కానీ ఆమె గొప్ప శక్తి ఉన్న తల్లి అని అతికొద్ది మందికే తెలుసు.

శక్తిని సూచిస్తాయి..

కాళీ మాతకు కోపం వస్తే తట్టుకోవడం కష్టం. ఆ మాతకు ఆవేశం వచ్చినప్పుడు నియంత్రణలో ఉండరట. అలాంటి సమయంలో ఆమెను శాంతపరచటానికి శివుడు తన మార్గాన్ని చాటుతాడు. ఆమె పాదాలు శివుడిని తాకినప్పుడు, ఆమె కోపం నిగ్రహానికి వస్తుంది. అప్పుడు మాత్రమే కాళిదేవి ప్రశాంతంగా మారుతుంది.

ఆది శక్తిగా..

ఈ విశ్వం మొత్తం అంతమైనప్పటికీ.. కాళీ మాత ఉనికి మాత్రం అలాగే ఉంటుందని చాలా మంది నమ్ముతారు. ఈ మాతను స్వచ్ఛమైన, ఎన్నో శక్తులు కలిగి ఆది శక్తిగా భావిస్తారు.

ఇవన్నీ ఒకేలా ఉండవు

ఇవన్నీ ఖచ్చితంగా ఒకటి కాదు మరియు హిందువుల దేవి పురాణం ఇలాగే కొనసాగుతుంది. నవరాత్రి సమయంలో పూజించే ఆదిశక్తికి మరికొన్ని పేర్లు ఉన్నాయి. అవి: కాశీ, తారా, త్రిపురసుందరి, భువనేశ్వరి, చిన్నమస్థ, త్రిపురభైర్వి, దుమావతి, బాగ్లముకి, మడంగి మరియు కమలతో పాటు మరెన్నో పేర్లు కూడా ఉన్నాయి.