నమ్మలేని నిజాలు: గాంధారికి నిజంగా 101 మంది సంతానమా?

వ్యాస మహర్షి వరం

"మహాభారత" ఇతిహాస రచయిత వ్యాస మహర్షి గాంధారి సేవలకు సంతుష్టుడై ఆమెకి ఒక వరాన్ని ప్రసాదించాడు. 100 మంది కొడుకులకు జన్మనిచ్చే వరాన్ని ఆమెకు ప్రసాదించాడు. ఆ రోజుల్లో ఇటువంటి వరాలు కొంచెం సాధారణమేనని కొన్ని ఇతిహాసాల ద్వారా అర్థమవుతుంది. గాంధారి విషయంలో కచ్చితంగా 100 మంది సంతానం వ్యాస మహర్షి ఇచ్చిన వరమని అంటారు.

గాంధారి ఆగ్రహం

కురు వంశానికి చెందిన ధృతరాష్ట్రుడుని గాంధారి వివాహమాడింది. అయితే, చిన్నతనం నుంచే ధృతరాష్ట్రుడు అంధుడు కావడం చేత రాజ్యాన్ని పాలించే అవకాశం అతని తమ్ముడు పాండు రాజుకు దక్కింది. ఈ నిజం ధృతరాష్ట్రుడితో పాటు ఆయన భార్య గాంధారిని కూడా బాగా మనస్తాపానికి గురి చేసింది. అందువల్ల పాండురాజు- కుంతీల కంటే ముందుగా పిల్లల్ని కనాలని ఆశించేవారు. తద్వారా, తమ కుమారుడే రాబోయే కాలంలో రాజవుతాడని ఆశించారు.

గాంధారి ఆగ్రహం

కుంతి కంటే ముందు గర్భం దాల్చినందుకు గాంధారి ఎంతో ఆనందం చెందింది. కాని, ఇంతలోగా దురదృష్టం ఆమెను వెంటాడింది. ఆమె కలలను కల్లలు చేసింది. రెండేళ్ళ పాటు జన్మనివ్వలేకపోయింది. మరోపక్క కుంతీ తన మొదటి కుమారుడికి జన్మనిచ్చింది. దీంతో, గాంధారి ఒక్కసారిగా తన ఆగ్రహాన్ని అణచుకోలేకపోయింది. తన గర్భంపై పదే పదే కొట్టుకుని తనను హింసించుకుంది.

మాంసపు ముద్ద

ఆగ్రహంతో గాంధారి తనను తాను విపరీతంగా హింసించుకోవడం వల్ల ఆమె ఒక మాంసపు ముద్దకు జన్మనిచ్చింది. దీంతో వ్యాస మహర్షిని అక్కడకు పిలిపించారు. వెంటనే వంద నేతి సీసాలను తెప్పించమని వ్యాస మహర్షి ఆదేశించారు. ఆ సమయంలో గాంధారి తనకు అమ్మాయి కూడా కావాలన్న కోరికను వ్యక్తపరిచింది. వంద సీసాలు సిద్ధం కాగానే, వ్యాస మహర్షి మాంసపు ముద్దను వంద భాగాలుగా విభజించి ఒక్కొక్క ముద్దను ఈ సీసాలలో ఉంచారు. ఈ సీసాలను భద్రపరచమని గాంధారికి సూచించారు. ఆ విధంగా గాంధారి 100 మంది కొడుకులకు, ఒక కుమార్తె(దుశ్శాల)కు జన్మనిచ్చింది.

అద్భుతమా? లేదా ఆధునిక శాస్త్ర మహిమా?

గాంధారి సంతానజన్మరహస్యానికి సంబంధించి ఎంతో మంది ఎన్నో థియరీస్ తో ముందుకొచ్చారు. కాని, కొన్ని మాత్రమే అందులో సరైనవిగా అనిపిస్తాయి. అటువంటి ఒక థియరీ ఇన్-విట్రో ఫెర్టిలైసేషన్(IVF). ఈ పద్దతి ప్రస్తుత కాలంలో ఎంతో ప్రాధాన్యతను పొందింది. వ్యాస మహర్షికి ఆధునిక టెక్నాలజీకి సంబంధించిన విజ్ఞానం ఉన్నాదని ఈ థియరీ చెప్తోంది. అందువల్లే గర్భస్థ పిండాలను సీసాలలో పెట్టి వాటి ఎదుగుదలకు అవసరమైన వాతావరణాన్ని కల్పించడాని అంటారు.ఈ థియరీలో చెప్పబడిన విషయాలు నమ్మశక్యంగా లేవని ఎన్నో విమర్శలున్నాయి.

అద్భుతమా? లేదా ఆధునిక శాస్త్ర మహిమా?

ఇంకొక సిద్ధాంతం ప్రకారం గాంధారికి దుర్యోధన, దుశ్శాసనలనే ఇద్దరే సంతానం. వీరి గురించే మహాభారతంలో ఎక్కువగా ప్రస్తావించబడి ఉంది. అయితే, అక్కడక్కడా కౌరవుల ప్రస్తావనలో వికర్ణ, యుయుస్తు అనే పేర్లు పేర్కొనబడినవి. అయితే, వీరిలో ఎక్కువగా పాండవులకు అనుకూలభావనలు ఎక్కువగా ఉండేవని అంటారు. అందువల్ల, ఈ సిద్ధాంతాన్ని కూడా నమ్మలేమనే విమర్శలున్నాయి.