కొబ్బరికాయ కొట్టే సంప్రదాయం ఎప్పుడు, ఎలా ప్రారంభమైంది ?

By Nutheti

Published: Tuesday, December 15, 2015, 13:42 [IST]

కొన్ని శతాబాద్ధాలుగా కొబ్బరికాయ హిందూ సంప్రదాయంలో కీలకపాత్ర పోషిస్తోంది. హిందువులు ఏ శుభకార్యం చేయాలన్నా, పూజలు చేయాలన్న కొబ్బరికాయకు ఎక్కువ ప్రాధాన్యత ఇస్తారు. టెంకాయ లేకుండా.. ఏ చిన్న పూజ కూడా నిర్వహించరు. అలాగే గొప్ప ఇతిహాసాలైన రామాయణం, మహాభారతంలో కూడా టెంకాయ గురించి ప్రస్తావించారు.

ఇంట్లో పూజ చేసినా, గుడికి వెళ్లినా కొబ్బరికాయ కొట్టడం ఆచారం. చాలామంది ఈ సంప్రదాయం పాటిస్తారు. కానీ కొబ్బరికాయ ఎందుకో మాత్రం మనలో చాలామందికి తెలీదు. అసలు కొబ్బరికాయ హిందువులకు మాత్రమే ఎందుకు ప్రత్యేకం ? కొబ్బరికాయను ఎందుకు పగులగొడతారు ? కొబ్బరికాయను దేవుడికి సమర్పించడం అనే సంప్రదాయం ఎప్పుడు ప్రారంభమైంది ? ఎవరు ప్రారంభించారు ? ఈ సంప్రదాయం వెనక ఉన్న ఆంతర్యమేంటి ? ఇలాంటి సందేహాలన్నింటికీ సమాధానం కావాలంటే.. ఈ స్టోరీ చదవాల్సిందే..

పూజలలో కొబ్బరికాయ ఎందుకు ప్రత్యేకం ?

కొబ్బరికాయ సంస్కృతంలో దేవుడికి ప్రతిరూపం. కొబ్బరికాయను శ్రీఫలం అని కూడా పిలుస్తారు. శ్రీఫలం అంటే.. దేవుడి ఫలం అని అర్థం.

పూజలలో కొబ్బరికాయ ఎందుకు ప్రత్యేకం ?

హిందూ సంప్రదాయంలో కొబ్బరికాయను మనిషి తలకు ప్రతీకగా భావిస్తారు. కొబ్బరికాయపైన ఉండే పీచు మనిషి జుట్టు, గుండ్రటి ఆకారం మనిషి ముఖం, కొబ్బరికాయలోపల ఉండే నీళ్లు రక్తం, గుజ్జు లేదా కొబ్బరి మనసుని సూచిస్తాయి.

పూజలలో కొబ్బరికాయ ఎందుకు ప్రత్యేకం ?

కొబ్బరికాయ వెనక భాగంలో ఉండే మూడు కన్నులకు చాలా మంచి అర్థం ఉంది. ముక్కంటిగా పిలువబడే.. శివుడి మూడు కన్నులను ఆ మూడు గుర్తులు సూచిస్తాయి.

పూజలలో కొబ్బరికాయ ఎందుకు ప్రత్యేకం ?

కొబ్బరికాయలు మనుషుల సంతానోత్పత్తిని కూడా సూచిస్తాయి. అందుకే హిందువుల పెళ్లిలో కొబ్బరికాయలను తప్పకుండా ఉపయోగిస్తారు. కుండపై కొబ్బరికాయను పెట్టడం అంటే గర్భం అని అర్థం. అలా కొబ్బరికాయ ద్వారా సంతానోత్పత్తి కలగాలని ఆశీర్వదిస్తారు.

కొబ్బరికాయకు, నరబలికి సంబంధమేంటి ?

పూర్వకాలంలో చాలా మంది, చాలా సందర్భాల్లో నరబలి ఇచ్చేవాళ్లు. అంటే దేవుడికి మనుషులను బలిగా ఇచ్చేవాళ్లు. ఈ సంప్రదాయానికి స్వస్తి చెప్పడానికే ఆధ్యాత్మిక గురు ఆది శంకర నరబలికి బదులుగా కొబ్బరికాయను దేవుడికి సమర్పించండని ఈ సంప్రదాయాన్ని ప్రారంభించారు.

కొబ్బరికాయకు, నరబలికి సంబంధమేంటి ?

అందుకే కొబ్బరికాయ మనుషుల తలతో సమానంగా భావిస్తారు. ఇలా ఈ సంప్రదాయం అన్ని వైపులా వ్యాపించడంతో.. అందరూ.. ఫాలో అవుతున్నారు. ప్రతి పూజ కార్యక్రమాలకు కొబ్బరికాయను ముఖ్యంగా సమర్పిస్తారు.

కొబ్బరికాయను ఎందుకు పగులకొడతారు ?

కొబ్బరికాయ పగలగొట్టడం వెనక అంతరార్థం ఉంది. ఇలా టెంకాయను పగులకొడితే.. మనుషుల అహం, తొలగిపోతుందని, అలాగే చాలా స్వచ్ఛంగా ఉండాలని సూచిస్తుంది. దాంతోపాటు తమ కోరికలు తీర్చిన దేవుడికి మొక్కుగా కొబ్బరికాయను సమర్పిస్తారు భక్తులు.