వరలక్ష్మీ వ్రతంలో ఉన్నప్పుడు ఏమి తినాలి.. ఏమి తినకూడదో చూసెయ్యండి...

అరటిపండు

అరటిపండు మన శరీరంలో శక్తిని పెంచేందుకు చాలా ఉపయోగపడుతుంది. ఇందులో ఉండే పోటాషియం, సహజ గ్లూకోజ్ అరటిపండును సమృద్ధిగా తయారు చేస్తుంది. ఈ రెండు కలిసే మన శక్తి, సామర్థ్యాలను పెంచడానికి ఎక్కువగా సహాయపడుతుంది. ఈ అరటిని పండ్ల రూపంలో లేదా జ్యూస్ రూపంలోనైనా చేసుకొని తీసుకోవచ్చు. కనీసం ఒక అరటిపండును తిన్నా కూడా పనిభారాన్ని తట్టుకునే శక్తినిస్తుంది. అంతేకాదు మనకు సంపూర్ణత్వ భావనను కలిగిస్తుంది.

పాలు :

పాలలో విటమిన్లు, కాల్షియం, మెగ్నీషియం వంటివి సమృద్ధిగా లభిస్తాయి. మనం ఉపవాసం ఉన్న సమయంలో ఇది స్వచ్ఛమైనదిగా పరిగణించొచ్చు. చాలా మంది దేవతలు కూడా చాలా పనులకు పాలనే ఎక్కువగా ఉపయోగిస్తారు. ఒక కప్పు పాలు తాగడం ద్వారా పూజ చేసే రోజున ఉపవాసం ఉన్న మహిళలకు చాలా శక్తి లభిస్తుంది.

పండ్ల రసాలు :

పాలు, అరటిపండు అందుబాటులో లేకపోతే మనం తాజా పండ్ల రసాలను కూడా తీసుకోవచ్చు. ఈ పండ్ల రసాలలో బొప్పాయి, పుచ్చకాయ, నారింజ, దానిమ్మతో పాటు ఇతర పండ్ల రసాలను కూడా తీసుకోవచ్చు. ఉపవాసం ఉన్న వారు వీటిని తీసుకోవడం ద్వారా శక్తివంతంగా తయారవ్వడమేకాక ఆరోగ్యకరంగానూ ఉంటారు.

గింజలు:

వరలక్ష్మీ వ్రతం రోజున ఉపవాసం ఉండే మహిళలకు కొన్ని గింజలు వేగంగా శక్తిని ఇచ్చేందుకు ఉపయోగపడతాయి.

ఈ గింజలలో ముఖ్యంగా బాదం, ఎండుద్రాక్షలు అత్యంత వేగంగా శక్తినిస్తాయి.

బాదం పండ్లలో విటమిన్ ఇ, మెగ్నీషియం అధికంగా ఉంటాయి.

మూడు లేదా నాలుగు బాదం పప్పుగింజలను, నాలుగు లేదా ఐదు ఎండుద్రాక్షలను రాత్రి సమయంలో నీటిలో నానబెట్టి, ఉపవాసం ఉండే రోజు ఉదయాన్నే తీసుకోవాలి.

ఇది పూజ చేసే సమయంలో శక్తిని అందించేందుకు చాలా చక్కగా ఉపయోగపడుతుంది.

రైస్ ఐటమ్స్..

వరలక్ష్మీ వ్రతంలో పాల్గొనే వారు రైస్ ఐటమ్స్ తీసుకోకపోవడం చాలా మంచిది. ఎందుకంటే బియ్యంతో వండిన పదార్థాల వల్ల మీకు కొంచెం నిద్ర మత్తు వచ్చే అవకాశం ఉంటుంది. అప్పుడు మీ వ్రతానికి భంగం కలిగే అవకాశం ఉంటుంది. కాబట్టి మీరు ఇలాంటి ఆహారానికి దూరంగా ఉండటం మంచిది. అయితే వరలక్ష్మీ వ్రతం పూర్తయ్యాక దద్దోజనం లేదా పులిహోర చేసుకుని తీసుకుంటే మంచి ప్రయోజనాలుంటాయి.

ఫాస్ట్ ఫుడ్ వద్దు..

వరలక్ష్మీ వ్రతం చేయాలనుకునేవారు ఫాస్ట్ ఫుడ్ వంటివి తీసుకోకపోవడం చాలా ఉత్తమం. ఇందులో ఉండే ఫైబర్, మసాలాలు, నూనె కారణంగా మీరు వ్రతంలో కూర్చొన్నప్పుడు కొన్ని ఇబ్బందులు ఎదుర్కోవాల్సి వస్తుంది. కాబట్టి ఎట్టి పరిస్థితుల్లో మీరు వ్రతంలో పాల్గొనడానికి ముందు జంక్ ఫుడ్, ఫాస్ట్ ఫుడ్ జోలికి అస్సలు వెళ్లకండి.