సిగరెట్లు తాగితే ‘నోటి క్యాన్సర్ ’..?

Published: Thursday, December 1, 2011, 9:19 [IST]

శారీరక ఆరోగ్యాన్ని కాపాడుకోవడంలో ముఖ్య సూచిక వహించేవి నోరు, దంతాలు. సరైన శుభ్రత పాటించకపోవడం, ఆహారపు అలవాట్లు, ధూమపానం వంటి దురలవాట్ల వలన దంతక్షయం తదితర నోటి సంబంధిత సమస్యలు ఉత్పన్నమవుతాయి. పొగాకు వినియోగం వల్ల ఉపయోగాలు కన్నా అనర్థాలు ఎక్కువుగా ఉన్నాయి. పొగాకు వాడకం చెడు శ్వాసకే కాకుండా క్యాన్సర్ లాంటి వ్యాధులకు కారణమవుతుంది. పొగాకులో ఉంటే మూలకాలు నాలకు, చిగుళ్లు, అంగులి భాగాలకు నేరుగా సంబంధం కలిగి క్యాన్సర్ కు కారణమవుతుంది.

ఏకదాటిగా పొగతాగేవారిని నోటి క్యాన్సర్, చిగుళ్ల వ్యాధులు, పళ్లు ఊడిపోవడం, చల్లని ఆహార పదార్థాలు తీసుకునే సందర్భంలో పళ్లు లాగటం, దుర్వాసన, దంతాలు రంగు మారటం, నాలుకు రుచిని కోల్పొవడం, పంటి పై గార పెరుకుపోవటం వంటి సమస్యలు బాధిస్తాయాని నిపుణులు హెచ్చరిస్తున్నారు.