వధువు చేతులు.. ఎర్రగా పండటానికి సింపుల్ టిప్స్

శుభ్రంగా చేతులు

శుభ్రంగా ఉన్న చేతులపై మెహందీ అప్లై చేయడం చాలా అవసరం. మెహందీ పెట్టుకోవడానికి ముందు సోప్ వాటర్ తో చేతులను క్లీన్ చేసుకోవాలి. దీనివల్ల మెహందీ ఎక్కువ సేపు మీ చేతులపై ఉంటుంది.. బాగా పండుతుంది.

పంచదార, నిమ్మరసం

మెహందీ పెట్టుకున్న తర్వాత చేతులపై నిమ్మరసం, పంచదార కలిపిన మిశ్రమం కాటన్ తో అద్దుకోవాలి. దీనివల్ల డిజైన్ ఆరిపోకుండా, రాలిపోకుండా ఉంటుంది. అలాగే నిమ్మరసంలో ఉండే సిట్రస్ ఎర్రగా పండటానికి సహాయపడుతుంది.

ఆవనూనె

ఆవనూనె చాలా ఎఫెక్టివ్ గా పనిచేస్తుంది. మీ చేతులలో మెహందీ బాగా ఎర్రగా మారాలని భావిస్తే.. గోరువెచ్చని ఆవనూనె తీసుకుని మెహందీ తొలగించడానికి అరగంట ముందు అప్లై చేయాలి.

నీళ్లు వద్దు

మీ మెహందీ డార్క్ గా, అందంగా కనిపించాలి అనుకుంటే.. మెహందీని వాటర్ తో క్లీన్ చేసుకోకూడదు. చేత్తో తొలగించాలి.. లేదా రెండు చేతులు రుద్దుకుంటూ.. తొలగించాలి. కానీ నీళ్లు ఉపయోగించి అస్సలు తొలగించకూడదు.

సూర్యుడికి దూరంగా

మెహందీ పెట్టుకునేటప్పుడు సూర్యుడి కిరణాలు పడకుండా జాగ్రత్త పడాలి. మెహందీలో ఉండే ఆయిల్ కంటెంట్ సూర్య కిరణాలు గ్రహించి.. చర్మంపై ప్రభావం చూపే అవకాశముంది.

ఎర్రగా మారడానికి విక్స్

గోరింటాకు ఎర్రగా పండటానికి విక్స్ వాడితే మంచి ఫలితం ఉంటుంది. పడుకోవడానికి ముందు విక్స్ లేదా ఐయోడెక్స్ తీసుకుని చేతులపై లైట్ గా రాసుకోవాలి. ఇది మెహందీ ఎర్రగా పండటానికి సహాయపడుతుంది.

గ్లోవ్స్

మెహందిపై విక్స్ రాసుకున్న తర్వాత ప్లాస్టిక్ ట్రాన్సపరెంట్ గ్లోవ్స్ వేసుకోవాలి. వీటిని రాత్రంతా అలానే ఉంచుకోవాలి. ఈ సింపుల్ టిప్ ఫాలో అయితే బాడీలో వేడి ఉత్పత్తి అయి మెహందీ కలర్ పెరుగుతుంది.