జుట్టురాలడాన్ని తగ్గించి పెరుగుదలకు సహాయపడే ఉల్లి

ఉల్లిపాయ

ఉల్లిపాయ జుట్టు రాలడాన్ని అరికడుతుంది: ఉల్లిపాయల వల్ల ఒదొక మంచి ప్రయోజనం. ఉల్లిపాయలో అధిక శాతంలో సల్ఫర్ ఉంటుంది. సల్ఫర్ రక్త ప్రసరణను పెంచి, కురులకు శక్తిని ఇస్తుంది. ఉల్లిపాయను మెత్తగా చేసి తలకు రాయడం వల్ల జుట్టు రాలడాన్ని అరికడుతుంది. దీన్ని అలాగే ఉల్లిపాయ పేస్ట్ తలకు పట్టించడం లేదా ఏదైనా ఇతర హెయిర్ ప్యాక్ లతో ఈ పేస్ట్ ను కూడా కలిపి తలకు పట్టించాలి. ఇలా చేయడానికి అరగంట ముందు తలకు హాట్ ఆయిల్ మసాజ్ చేయాలి.

ఆలివ్ ఆయిల్:

హెయిర్ ప్యాక్ లలో ఉల్లిపాయ రసాన్ని చేర్చి తలకు పట్టించవచ్చు. ఆలివ్ ఆయిల్ తో ఉల్లిపాయ రసాన్ని మిక్స్ చేసి తలమాడుకు పట్టించడం వల్ల చుండ్రును వదలగొట్టడంలో అద్భుతంగా పనిచేస్తుంది. మరియు ఈ హెయిర్ ప్యాక్ పొడిబారి, చిక్కుబడే కేశాలకు ప్రభావంతంగా పనిచేస్తుంది.

బీర్:

కేశాలు సాప్ట్ గా మరియు మంచి షైనింగ్ తో ఉండాలంటే ఉల్లిపాయ రసాన్ని బీర్ లో మిక్స్ చేసి తలకు హెయిర్ కండీషనర్ గా వినియోగించవచ్చు.

కొబ్బరి నూనె:

ఈ హెయిర్ ప్యాక్ చాలా ప్రభావంతమైనది. హెయిర్ గ్రోత్ కు చాలా ఎఫెక్టివ్ గా పనిచేస్తుంది. కొబ్బరి నూనెలో ఉల్లిపాయ రసాన్ని మిక్స్ చేసి తలకు పట్టించి అరగంట తర్వాత స్నానం చేయాలి.

తేనె:

ఆనియన్ జ్యూస్ కు కొద్దిగా తేనె మిక్స్ చేసి బాగా జెల్ లా తయారు చేసుకోవాలి. ఈ మిశ్రమాన్ని తలకు పట్టించాలి. పట్టించిన రెండు గంటల తర్వాత లెమన్ వాటర్ తో తలస్నానం చేసుకోవాలి. ఈ హెయిర్ జెల్ హెయిర్ గ్రోత్ ను పెంచుతుంది మరియు మంచి షైనింగ్ ను అంధిస్తుంది. ఈ హెయిర్ జెల్ ను వారంలో రెండు మూడు సార్లు ఉపయోగించవచ్చు.

పెరుగు:

ఉల్లిపాయను గ్రైండ్ చేసి రసం తీసి అందులో ఒక చెంచా పెరుగు మిక్స్ చేసి, బాగా గిలకొట్టి తలకు మసాజ్ చేయాలి. అరగంట అలాగే వదిలేసి షాంపూతో తలస్నానం చేయాలి. జుట్టు రాలడాన్ని అరకట్టడంతో పాటు సిల్కీగా మరియు షైనీగా ఉంచుతుంది.

నిమ్మరసం:

ఉల్లిపాయ రసానికి నిమ్మరసం కలిని జుట్టుకు పట్టించడం వల్ల జుట్టు పెరుగుదల బాగా ఉంటుంది మరియు చుండ్రును వదలగొడుతుంది. నిమ్మరసం తలను శుభ్రపరుస్తుంది మరియు హెయిర్ ఫాల్ ను అరికడుతుంది.

అరటిపండు గుజ్జు:

ఒక కప్పు అరటి పండు గుజ్జులో ఉల్లిపాయ రసాన్ని మిక్స్ చేసి, తలకు మసాజ్ చేయడం వల్ల జుట్టు పెరుగుదలకు బాగా సహాయపడుతుంది.

గుడ్డు:

గుడ్డు జుట్టు సంరక్షణకు చాలా మంచిది. దీనివల్ల అనేక ప్రయోజనాలున్నాయి. కాబట్టి గుడ్డులో ఉల్లిపాయ రసాన్ని కలిపి, బాగా గిలకొట్టి, తడి జుట్టు మీద అప్లై చేయాలి 25-30నిముషాలు అలాగే ఉంచి తర్వాత తలస్నానం చేయడం వల్ల మంచి ప్రయోజనం ఉంటుంది.