సోనమ్ కపూర్ లాగా ఎండాకాలం పెళ్ళికూతుళ్ళకి అచ్చం తనలాంటి జడ వేసుకునే చిట్కాలు

టిప్ # 1

మీ జుట్టును మంచి దువ్వెనతో చిక్కులు తీసేసుకుని, కొంచెం సీరం రాసుకోండి. దీనివలన మీ హెయిర్ స్టైల్ శుభ్రంగా,అందంగా కన్పడేలా చేస్తుంది.

టిప్ # 2

మీ జుట్టును రెండు సమాన భాగాలుగా వేరుచేయండి.ఇప్పుడు మీ ముందు కుడిభాగం,ఎడమ భాగం రెండూ ఉన్నాయి.

టిప్ # 3

ఎడమ భాగం నుంచి సన్నని పాయ తీసుకోండి. బయటవైపు నుంచి తీసుకోండి. అది 1//2 అంగుళం(1.27 సెంటీమీటర్లు) కన్నా మందంగా ఉండకూడదు.

టిప్ # 4

ఆ సన్ననిపాయను మొత్తం ఎడమభాగం మీదుగా కుడివైపుకి లాగండి.

టిప్ # 5

ఆ పాయను కుడిభాగం కిందపెట్టి పిన్ను పెట్టండి. ఇప్పుడు అది కుడి సెక్షన్ లో భాగమైంది.

టిప్ # 6

రెండు భాగాలను నెమ్మదిగా కొంచెం లాగి గట్టిగా నిలబడేలా చూడండి. మీ చేతులను ఎంతవరకూ వెళ్లగలిగితే అంతవరకూ పైకి వెళ్ళనివ్వండి. జడను ఎంత గట్టిగా వేస్తే,అంత మంచిది. తర్వాత చిందరవందర మెస్సీ లుక్ కోసం వదులు చేసుకోవచ్చు.

టిప్ # 7

కుడి భాగం నుంచి సన్నని పాయ తీసుకోండి. బయటవైపు నుంచి తీసుకోండి. అది 1//2 అంగుళం(1.27 సెంటీమీటర్లు) కన్నా మందంగా ఉండకూడదు.

టిప్ # 8

ఆ సన్ననిపాయను మొత్తం కుడిభాగం మీదుగా ఎడమవైపుకి లాగండి.

టిప్ # 9

ఆ పాయను ఎడమభాగం కిందపెట్టి పిన్ను పెట్టండి. ఇప్పుడు అది ఎడమ సెక్షన్ లో భాగమైంది.

టిప్ # 10.

మీ జుట్టు చివరకొచ్చేవరకూ ఒకవైపు నుంచి మరోవైపు అలా అల్లుకుంటూ రండి. ఆఖరున కనీసం ఒక అంగుళం (2.54సెంమీలు) అల్లకుండా వదిలేస్తే బ్యాండు పెట్టుకోవచ్చు.

టిప్ # 11

జుట్టు కిందకెళ్ళే కొద్దీ సన్నని వెంట్రుకలను కలుపుకుంటూ అల్లండి.ఇది మీ జడను మరింత సమంగా కన్పడేలా చేస్తుంది; మీ జుట్టు ఎప్పుడూ కిందకొచ్చేసరికి సాధారణంగా సన్నగా ఉంటుంది.

టిప్ # 12

అల్లాక కింద ఒక బ్యాండు పెట్టేసేయండి. కావాలంటే జుట్టు వెంట్రుకలను కొన్ని తీసుకుని ఆ బ్యాండు చుట్టూ చుట్టేసి దాన్ని దాచేయవచ్చు. వెంట్రుకలను బాబీ పిన్ తో కదలకుండా చేయండి.

టిప్ # 1 3

మీ అరచేతుల మధ్య జడను మెల్లగా రుద్దుతూ చిందరవందర మెస్సీ లుక్ ఉండే జడను తయారుచేయండి. కానీ మీకు ఎక్కువ లేయర్లు ఉంటే ఈ స్టెప్ చేయవద్దు. లేకపోతే మొత్తం లూజయిపోయి నిజంగానే ఎక్కువ చిందరవందర అయిపోతుంది.

ఈ జడ వేసేది క్యాజువల్ లుక్ కోసమో లేదా మోడ్రన్ పార్టీకో అయితే మీరు రంగురంగుల బీడ్స్ లేదా సన్నని టయారా లేదా కొన్ని అందమైన ఫంకీ క్లిప్స్ తోనో స్టైల్ చేయవచ్చు.

కానీ ఇది ఒక సంప్రదాయ ఫంక్షన్ కి అయితే, సోనమ్ లుక్ లో లాగ ఒక మల్లెపూల దండను పెట్టుకోవచ్చు. మంచి వాసననిస్తూ, తెలుపును సున్నితంగా చూపించే మోగ్రా మల్లెపూల దండ అందర్నీ ఆశ్చర్యపర్చి,మీ సంప్రదాయ భారతీయ డ్రస్ అందాన్ని,లుక్ ను మరింత అద్భుతంగా మార్చేస్తుంది.

సోనమ్ కన్పించిన లుక్ చాలా హుందాగా ఉంది,అస్సలు అతిగా లేదు. మీరు కూడా మీ పెళ్ళిరోజున ఈ సింపుల్,పాతకాలపు లుక్ ను ప్రయత్నించి అందంగా కన్పించవచ్చు.