అల్లం వలన జుట్టు పొందే ఆశ్చర్యకరమైన ప్రయోజనాలు

1. చికాకు పుట్టించే చుండ్రు నుండి విముక్తి:

నిజమే, చుండ్రు కలిగించే అసౌకర్యం అంతాఇంతా కాదు. కానీ మనమేమి చేయగలం? ఎన్ని రకాల షాంపూలు వాడినా ఉపశమనం దొరకదు. పార్లర్లకు వెళ్లి ప్రతిసారి ఖరీదైన చికిత్సలు చేయించుకోలేము. ఇటువంటి సమయంలో అల్లం మనకు అక్కరకు వస్తుంది. అల్లంలో ఉండే యాంటీమోక్రోబియల్ లక్షణాలు చుండ్రును నివారించడంలో సహాయపడటమే కాక జుట్టు రాలడాన్ని అరికడుతుంది.

2. అయ్యయ్యో! జుట్టు తెగ రాలిపోతుందే!:

జుట్టు రాలడానికి చుండ్రు కూడా ఒక ముఖ్య కారణం. కానీ దాన్ని నిరోధించడానికి మన దగ్గర మంచి పరిష్కారం ఉంది. అల్లంలో ఉండే మెగ్నీషియం, పొటాషియం మరియు ఫాస్ఫరస్ జుట్టుకు పోషణను అందించి, జుట్టు రాలడాన్ని అరికడుతుంది.

3. కాస్త ఆగండి, మీరు పొడిబారిన జుట్టుతో ఇబ్బంది పడుతున్నారా?:

ఇది మనం ఎదుర్కొనే అవాంతరం. పొడిబారిన జుట్టు పెళుసుగా మారి, సులువుగా తెగిపోతుంది. ఇటువంటప్పుడు అల్లం సహజమైన కండీషనర్ గా పనిచేసి జుట్టు తెగిపోవడాన్ని అరికడుతుంది. ఇది మీ జట్టులోని తేమను కోల్పోనివ్వదు.

4. మీ జుట్టు కోరుకునేది పోషణ మాత్రమే:

అవును , ఈ పని అల్లం చేసి చూపిస్తుంది! అల్లంలో ఉండే కొవ్వు ఆమ్లాలు జుట్టుకు పోషణను అందించి ఆరోగ్యంగా , బలంగా మారుస్తాయి.

5. వావ్! అల్లం రక్తప్రసరణను మెరుగుపరుస్తుంది:

ఇక్కడ ఇంకో విషయాన్ని గుర్తుపెట్టుకోవాలి. అల్లంలో ఉండే "జింజెరాల్" రక్తనాళాలను విశ్రాంతపరచి రక్తప్రసరణ మెరుగుపరుస్తుంది. ఇది కేశాలకు అవసరమైన పోషణను అందించి జుట్టును పెరిగేట్టు చేస్తుంది.

చిటికెలో మీకుమీరుగా ఇంట్లో కూర్చుని తాయారు చేసుకోగలిగే హెయిర్ మాస్కులు:

1. అల్లం మరియు కొబ్బరినూనె: అల్లంను కొబ్బరినూనెతో కలిపి వాడితే ఎంతో ప్రయోజనం చేకూరుతుంది.

కావలసిన పదార్థాలు:

1 టేబుల్ స్పూన్ తురిమిన అల్లం

1 టేబుల్ స్పూన్ కొబ్బరినూనె

వాడే విధానం: చిన్న గిన్నె తీసుకుని అందులో అల్లం తరుగు వేయండి. దీనికి కొబ్బరినూనె చేర్చి బాగా కలపండి

ఒక ఐదునిమిషాలు ఆగి, జుట్టును పాయలుగా విడదీస్తూ, మొత్తం అంతటికీ శుభ్రంగా పట్టేలా ఈ మిశ్రమాన్ని రాసుకుని, అయిదు నిమిషాలు పాటు మర్దన చేసుకోండి.

ఈ మిశ్రమాన్ని మాడుకు కూడా బాగా పట్టించి మర్దన చేసుకోండి. అరగంట తరువాత జుట్టును చల్లని నీటితో షాంపూను ఉపయోగించి శుభ్రం చేసుకోండి. ఇలా వారానికి రెండుసార్లు చేస్తే ఆశించిన ఫలితాన్ని అందుకోవచ్చు.

2. అల్లం మరియు నిమ్మరసం:

నిమ్మరసంతో కలిపి అల్లాన్ని ఉపయోగించినపుడు, మాడు యొక్క pH సమతుల స్థితికి చేరుకుని లోపలనుండి పోషణను అందిస్తుంది.

కావలసిన పదార్థాలు:

2 టేబుల్ స్పూన్ల తురిమిన అల్లం

½ టేబుల్ స్పూన్ నిమ్మరసం

3 టేబుల్ స్పూన్ల నువ్వులనూనె

వాడే విధానం: చిన్న గిన్నె తీసుకుని అందులో అల్లం తరుగు వేయండి. దీనికి నిమ్మరసం, నువ్వులనూనె చేర్చి బాగా కలపండి. ఒక ఐదునిమిషాలు ఆగి, జుట్టును పాయలుగా విడదీస్తూ, మొత్తం అంతటికీ శుభ్రంగా పట్టేలా ఈ మిశ్రమాన్ని రాసుకుని, అయిదు నిమిషాలు పాటు మర్దన చేసుకోండి.

ఈ మిశ్రమాన్ని మాడుకు కూడా బాగా పట్టించి మర్దన చేసుకోండి. అరగంట తరువాత జుట్టును చల్లని నీటితో షాంపూను ఉపయోగించి శుభ్రం చేసుకోండి. ఇలా వారానికి రెండుసార్లు చేస్తే ఆశించిన ఫలితాన్ని అందుకోవచ్చు.

3. అల్లం, దోసకాయ మరియు నిమ్మరసం:

దోసకాయలో విటమిన్ ఎ, సిలికా మరియు సల్ఫర్ జుట్టు ఎదుగుదలను ప్రోత్సహించి, రాలడాన్ని అరికడుతుంది.

కావలసిన పదార్థాలు:

2 టేబుల్ స్పూన్ల తురిమిన అల్లం

½ టేబుల్ స్పూన్ తురిమిన దోసకాయ

1 టేబుల్ స్పూన్ కొబ్బరినూనె

1 టేబుల్ స్పూన్ తులసి నూనె

వాడే విధానం: చిన్న గిన్నె తీసుకుని అందులో పైన చెప్పిన పదార్థాలను అన్నిటిని ఒకదాని తరువాత ఒకటి వేసి స్థిరమైన మిశ్రమాన్ని తయారు చేయండి. ఒక ఐదునిమిషాలు ఆగి, జుట్టును పాయలుగా విడదీస్తూ, మొత్తం అంతటికీ శుభ్రంగా పట్టేలా ఈ మిశ్రమాన్ని రాసుకుని, అయిదు నిమిషాలు పాటు మర్దన చేసుకోండి.

ఈ మిశ్రమాన్ని మాడుకు కూడా బాగా పట్టించి మర్దన చేసుకోండి. అరగంట తరువాత జుట్టును చల్లని నీటితో షాంపూను ఉపయోగించి శుభ్రం చేసుకోండి. ఇలా వారానికి రెండుసార్లు చేస్తే ఆశించిన ఫలితాన్ని అందుకోవచ్చు.