Winter Makeup Tips: చలికాలంలో మేకప్ వేసుకుంటున్నారా అయితే ఈ టిప్స్ మీ కోసమే

1. ఎక్స్‌ఫోలియేట్ చేయడం మర్చిపోవద్దు

చలికాలంలో ఎక్స్‌ఫోలియేట్ చేయడం అస్సలే మర్చిపోవద్దు. ముఖం, మెడ చుట్టూ సున్నితమైన ఎక్స్‌ఫోలియేటర్‌ను వాడాలి. దీని వల్ల మృతకణాలు తొలగిపోతాయి. చర్మం మృదువుగా అవుతుంది. మేకప్ స్మూత్‌గా, చక్కగా వేసుకునేందుకు సహాయపడుతుంది.

2. థిక్ మాయిశ్చరైజర్ వాడాలి

చలికాలంలో మాయిశ్చరైజర్‌ను ఉపయోగించడం యొక్క ప్రాముఖ్యత గురించి ప్రత్యేకంగా చెప్పాల్సిన అవసరం లేదు. చర్మ సంరక్షణ కోసం తప్పనిసరిగా అప్లై చేసుకోవాలి. మందపాటి, హైడ్రేటింగ్ మాయిశ్చరైజర్ వాడుకోవాలి. పీచ్ మిల్స్ ఎక్స్‌ట్రాక్ట్స్, విటమిన్-ఇ, సన్‌ఫ్లవర్ ఆయిల్‌తో కూడిన మాయిశ్చరైజర్ వాడాలి.

3. సరైన ప్రైమర్ వాడండి

ఏ కాలం అయినా మంచి ప్రైమర్ వాడటం చాలా ముఖ్యం. ప్రైమర్ వాడటం వల్ల మేకప్ ఎక్కువ సేపు ప్రభావవంతంగా ఉంటుంది. పొడి పాచెస్‌ను కూడా సమం చేస్తుంది. ప్రైమర్ మంచి పునాదిలా ఉంటుంది. ఎక్కువ హైడ్రేటింగ్‌తో రెగ్యులర్ మ్యాట్‌పైయింగ్ ప్రైమర్‌ను ఎంచుకోండి. విటమిన్-ఇ ఉండే ప్రైమర్ వాడండి.

4. మాట్ ఫినిషింగ్ ఫౌండేషన్

చలికాలం చర్మం పొడిబారుతుంది. దురదగా అనిపిస్తుంది. మాట్ ఫినిషింగ్ ఫౌండేషన్‌ను ఉపయోగించడం వల్ల ఆ పొడి ప్యాచ్‌లను మెరుగుపరుస్తుంది. ఆర్గాన్ ఆయిల్ సీరమ్ ఫౌండేషన్ వంటి తేలికైన ఫౌండేషన్ ఎంచుకోవడం వల్ల మంచి చర్మం మీ సొంతం అవుతుంది.

5. బ్రాంజర్ వాడటం మంచిది

చాలా మంది మహిళలు చలికాలంలో మేకప్ రోటీన్‌లో బ్రాంజర్ వాడకాన్ని తగ్గిస్తారు. చలికాలంలో చర్మం పూర్తిగా పొడిబారుతుంది. దురద కూడా ఉంటుంది. చర్మం కాంతి కోల్పోయి డల్‌గా ఉంటుంది. నిర్జీవమైన చర్మంపై మేకప్ వేసినప్పటికీ అందంగా కనిపించరు. బ్రాంజర్ చర్మానికి చాలా వెచ్చదనాన్ని అందిస్తుంది. ఆరోగ్యంగా ఉంచుతుంది.