ఎండాకాలంలో మీ జుట్టును ఆరోగ్యంగా ఎలా ఉంచుకోవాలి

1.బ్లో డ్రయర్ల నుంచి దూరంగా ఉండండి

ఎండాకాలంలో బ్లో డ్రయర్లను వాడవద్దు. ఎక్కువ వేడి మీ జుట్టుకు నష్టం కలిగించటమే కాదు,ఎగిరిపోతూ,చూడటానికి అందంగా కన్పించకుండా తయారవుతుంది. అందుకనే దానికి బదులు మీ జుట్టును గాలికి ఆరనివ్వండి , ఎండాకాలంలో జుట్టుకి ఎక్కువ వేడిని తగలనివ్వకండి.

2. హెయిర్ సీరంను వాడండి

హెయిర్ సీరంలు మీ పాయలకి మంచి తేమనిచ్చి హైడ్రేట్ చేస్తాయి. మీ జుట్టు రకానికి సరిపోయే హెయిర్ సీరంను కొనుక్కొని, మీ జుట్టుకు దానితో పోషణనివ్వండి. ఇది మీ వెంట్రుకలలో తేమ తొలగిపోకుండా చూడటమే కాదు, మెరుపుని కూడా జతచేస్తాయి.

3.మీ జుట్టును కప్పుకోండి

స్కార్ఫ్ లేదా టోపీతో మీ జుట్టును కవర్ చేసుకోండి. సూర్యకాంతికి ఇంకా కలుషితమైన గాలి నేరుగా జుట్టుకి తగలటం వలన నష్టం జరగటమే కాదు, జుట్టు కఠినంగా మారి , సంరక్షించటం కష్టమవుతుంది.

4. మీ జుట్టును ఎప్పుడూ ముడి లేదా జడ వేసుకోండి

వాతావరణం వేడిగా మారినప్పుడు, జుట్టును జడలా అల్లుకోవడమో, ముడిపెట్టుకోవడమో మంచిది. ఈ సింపుల్ పని ఎండాకాలంలో మీ జుట్టును చాలా బాగా ఉంచుతుంది. జుట్టు ఊడిపోవటం అరికట్టడమే కాదు, జుట్టు చిందరవందర అయి, చిక్కుపడటం నుంచి కూడా కాపాడుతుంది.

5.రాత్రంతా నూనెతో చికిత్స

రాత్రిపూటంతా నూనెరాసి వదిలేయడం జుట్టు స్థితిని చాలా మెరుగుపరుస్తుంది. గోరువెచ్చని ఆలివ్ నూనె లేదా కొబ్బరినూనెను రాత్రిపూట తలకి మసాజ్ చేసి అలా వదిలేయండి. ఇది మీ కుదుళ్ళ నుంచి పోషణనిచ్చి, ఎండాకాలంలో వేడితో చక్కగా పోరాడుతుంది.

6.ట్రిమ్ చేయించుకోండి

ఎండాకాలంలో వేడి, తేమ మీ జుట్టుపై తీవ్ర ప్రభావం చూపి, వెంట్రుక చివర్లు విరిగిపోయి అందంగా కన్పించవు. అందుకే అప్పుడప్పుడూ వెంట్రుక చివర్లను ట్రిమ్ చేయించడం మంచిది.

7.జుట్టుకి రాసి వదిలేసే కండీషనర్లు వాడండి

ఎండాకాలంలో వేడి, తేమ లేకపోవటం నుంచి జుట్టును రక్షించటానికి జుట్టుకి రాసి వదిలేసే కండీషనర్లు వాడంది. ఈ జుట్టు ఉత్పత్తి మీ కుదుళ్ళకి తేమను అందించి రోజంతా మీ వెంట్రుకలు మృదువుగా, ఎలా అయినా మలుచుకునే విధంగా ఉండేట్లు చేస్తుంది.

8.తేమనిచ్చే హెయిర్ మాస్క్ లను ప్రయత్నించండి

గాలిలో తేమ లేకపోవటం వలన మీ జుట్టు ఆరోగ్యం దెబ్బతిని, ఎండిపోయినట్లుగా అయిపోతుంది. ఇలా జరగకుండా నివారించటానికి మీ జుట్టుకి తేమనిచ్చే హెయిర్ మాస్క్ లను వాడండి. బ్యూటీ స్టోర్ల నుంచి అలాంటి ఉత్పత్తులు కొనండి లేదా ఇంట్లోనే అరటిపండు, గుడ్లు, ఆలోవెరా జెల్ వంటి సహజపదార్థాలను కలిపి ఒకటి తయారుచేసుకోండి.