Homemade Gel:తాజా రోజా, కలబందతో మీ చర్మ సౌందర్యం రెట్టింపు... అదెలాగో మీరే చూడండి...

చర్మం మెరిసిపోయేలా..

చర్మం అందంగా, యవ్వనంగా, మెరిసిపోతూ కనిపించాలంటే ఈ మూడు పదార్థాలతో ప్రిపేర్ చేసిన ప్యాక్ వేసుకోవాల్సిందే. ఇది మన చర్మనాకి కావాల్సిన పోషణను అందించి మెరిసిపోయేలా చేస్తుంది.

ఈ మిశ్రమాన్ని..

ముందుగా ఒక టీ స్పూన్ కలబంద(aloe-vera) గుజ్జు, రెండు టీ స్పూన్ల తాజా రోజ్ వాటర్, పసుపు పొడిని ఒక టీ స్పూన్ వేసి బాగా కలపాలి. ఈ మిశ్రమాన్ని బాగా కలిపిన తర్వాత ఫేస్ కి అప్లై చేయాలి. 25 నుండి 30 నిమిషాల తర్వాత చల్లని నీటితో శుభ్రం చేసుకుంటే చాలు.. మీరు కోరుకున్న చర్మం వచ్చేస్తుంది.

చర్మానికి రక్షణ..

మీరు వాడే తాజా రోజ్ వాటర్ తో మీ చర్మాన్ని సూర్యుని హానికరమైన కిరణాల నుండి కాపాడటంలో సహాయపడుతుంది. అలాగే కలబందలో ఉండే హీలింగ్ మరియు ఓదార్పు లక్షణాలు సూర్యరశ్మి నుండి ఉపశమనం పొందడంలో సహాయపడతాయి. ఇవే కాకుండా తాజా రోజా మరియు కలబంద మిశ్రమం మీ ముఖంపై ఉన్న మొటిమలు, మచ్చలను తొలగించడం, చర్మాన్ని తేమగా ఉంచడం, చర్మాన్ని శుభ్రంగా మరియు తాజాగా ఉంచడం, నల్లటి వలయాలు, ముడతలను తొలగించడం, చర్మంపై పిహెచ్ బ్యాలెన్స్ కాపాడటంలో తమ వంతు పాత్ర పోషిస్తాయి.

ఎన్ని రోజులంటే..

ఈ మిశ్రమాన్ని సున్నితమైన చర్మం ఉన్న వారు కూడా వాడొచ్చు. అయితే మీరు ఒకసారి ప్రయత్నించాలి. మిగిలిన వారు ఈ మిశ్రమాన్ని వరుసగా ఏడు రోజుల వరకు ఉపయోగించొచ్చు. మీరు పని చేస్తూ బిజీగా ఉంటే.. వీటిని ఎక్కువ సమయం పడుతుందని భావిస్తే.. వారాంతంలో ఈ మిశ్రమాన్ని తయారు చేసి రిఫ్రిజరేటర్లో నిల్వ ఉంచండి.

ఈ మార్పులొస్తాయి..

* ఈ మిశ్రమాన్ని వాడిన తర్వాత మీ చర్మం బిగుతుగా మారడాన్ని చూస్తారు.

* రోజంతా ఉండే ప్రశాంతమైన మరియు ఓదార్పు అనుభూతి కలుగుతుంది.

* సూర్యరశ్మి లేదా ఏదైనా ఇతర ప్రమాదకర చర్మ గాయాలకు తక్షణ చికిత్సలా పని చేస్తుంది.

* ఇది వరకంటే తక్కువ మొటిమలు ఉంటాయి

* అంతేకాదు ఇది రక్త ప్రసరణను మెరుగుపరుస్తుంది. మీ ఫేసులో గ్లోను పెంచుతుంది మరియు యవ్వనంగా కనిపించేలా చేస్తుంది.

* చర్మంపై ఏర్పడే దద్దుర్లు, ఇతర చర్మ సంబంధిత సమస్యలకు చెక్ పెడుతుంది.