Glow Skin: నడి వయస్సులోనూ అందంగా వెలిగిపోవాలంటే ఈ చిట్కాలు పాటించండి

1. ఫేస్ వాష్

మీరు మంచి ఫేస్ వాష్ కలిగి ఉండాలి. మీ చర్మం మొటిమలు వచ్చే అవకాశం ఉన్నట్లయితే మరియు మీకు నల్ల మచ్చలు ఉంటే, గ్లైకోలిక్, సాలిసిలిక్ యాసిడ్ ఉన్న ఉత్పత్తుల కోసం చూడండి. ఈ రెండూ డెడ్ స్కిన్‌ను తొలగించడంలో సహాయపడతాయి. మీ రంధ్రాలను మృదువుగా చేస్తాయి. ఫేస్ వాష్ అతిగా మాత్రం ఉపయోగించవద్దు. రోజుకు 2 నుండి 3 సార్లు ఫేస్ వాష్‌ ఉపయోగించి శుభ్రం చేసుకోవచ్చు.

2. టోనర్

ఆల్కహాల్ లేని మంచి టోనర్ ఉపయోగించడం మంచిది. గ్లైకోలిక్ యాసిడ్, గ్రీన్ టీ ఎక్స్‌ట్రాక్ట్, దోసకాయ, తేనె వంటి పదార్థాలు ఉండేలా చూసుకోండి. చర్మంపై సూక్ష్మ రంధ్రాలను అడ్డుకునే బ్యాక్టీరియా, అదనపు నూనె, మృతకణాలను తొలగించడానికి టోనర సహాయపడుతుంది.

3. మాయిశ్చరైజర్

ఈ రోజుల్లో SPFతో మాయిశ్చరైజర్లు వస్తున్నాయి. మీరు అదనపు సన్‌స్క్రీన్‌ను కొనుగోలు చేయాల్సిన అవసరం లేదు. మాయిశ్చరైజర్ జిడ్డుగా ఉండకుండా చూసుకోవడం మంచిది. మందపాటి మాయిశ్చరైజర్ ఉపయోగించడం వల్ల చర్మ రంధ్రాలు మూసుకుపోతాయి. సాలిసిలిక్ యాసిడ్, గ్లైకోలిక్ యాసిడ్, విటమిన్ సి కలిగి ఉన్న మాయిశ్చరైజర్లను ఎంచుకోవాలి. సహజ పదార్థాలను కలిగి ఉన్న ఉత్పత్తులను ఉపయోగించడానికి వీలైనంత వరకు ప్రయత్నించాలి.

4. యాంటీ ఏజింగ్ క్రీమ్

చర్మ సంరక్షణలో చాలా ముఖ్యమైన భాగం యాంటీ ఏజింగ్ క్రీమ్ వాడటం. 25 సంవత్సరాల తర్వాత ఈ క్రీమ్ వాడటం మొదలు పెట్టాలని చర్మవ్యాధి నిపుణులు సూచిస్తున్నారు. కొల్లాజెన్, రెటినోల్, విటమిన్ సి, యాంటీ ఆక్సిడెంట్ పదార్థాలతో కూడిన ఉత్పత్తులను వాడాలని సిఫార్సు చేస్తున్నారు.

ఏ ఉత్పత్తిని ఉపయోగించినా, అందులో పారాబెన్, ఆల్కహాల్ లేవని నిర్ధారించుకోవడం ముఖ్యం. అవి మీ వృద్ధాప్య ప్రక్రియను వేగవంతం చేస్తాయి.

5. సంరక్షణ

యాంటీ ఆక్సిడెంట్ సీరమ్ లేదా విటమిన్ సి సీరమ్‌ను సన్‌స్క్రీన్‌తో కలపడం వల్ల పగటి పూట చర్మాన్ని రక్షించుకోవచ్చు. ముందుగా సన్‌స్క్రీన్‌ని అప్లై చేసుకున్న తర్వాత సీరమ్ అప్లై చేసుకోవాలి.

6. హైడ్రేటెడ్‌గా ఉండాలి

చర్మం డీహైడ్రేట్ కాకుండా చూసుకోవాలి. షవర్‌లో 5 నిమిషాల కంటే ఎక్కువ సమయం గడపవద్దు. ఎక్కువ వేడి ఉన్న నీటితో షవర్ చేయవద్దు. దీని వల్ల చర్మం పొడిబారుతుంది. మాయిశ్చరైజింగ్ బాడీ వాష్‌ను ఉపయోగించండి. ఇది చర్మానికి తేమను అందిస్తుంది.

7. తగినన్ని నీళ్లు తాగాలి

అంతర్గతంగా హైడ్రేటెడ్‌గా ఉండటం చాలా ముఖ్యం. పుష్కలంగా నీరు తాగకపోతే డీహైడ్రేషన్‌కు గురై ఆరోగ్య సమస్యలు వస్తాయి. దీని వల్ల చర్మం కాంతి కోల్పోతుంది. నీటితో పాటు నిమ్మరసం జోడిస్తే అదనపు ప్రయోజనం చేకూరుతుంది.