వర్షాకాలంలో ఎలాంటి పాదరక్షలను ఎంచుకోవాలంటే...

శాండిల్స్..

మీరు ధరించే పాదరక్షలలో శాండిల్స్ ను ధరిస్తే వర్షకాలంలో చాలా కంఫర్ట్ గా ఉంటాయి. ఎందుకంటే ఇవి నీటిని ఎక్కువగా పీల్చుకోవు. అంతేకాదు ఒక వేళ నీటిని పీల్చుకున్నా కూడా చాలా త్వరగా ఆరిపోతాయి. మీరు నడవడానికి కూడా చాలా సౌకర్యవంతంగా ఉంటుంది. స్ట్రాప్స్ ను పెట్టి తీయడం కూడా చాలా సులభమే. కాబట్టి వర్షాకాలంలో శాండిల్స్ కు ప్రియారిటీ ఇవ్వండి.

ట్రావెల్ ఫ్రెండ్లీ క్లాగ్స్..

ఈ రకమైన పాదరక్షలలో ఎల్లప్పుడూ కొన్ని రంధ్రాలు ఉంటాయి. దీని వల్ల ఎప్పుడూ పొడిగానే ఉంటాయి. అంతేకాదు ఇవి చాలా లైట్ వెయిట్ తో ఉంటాయి. పైగా వీటిలో ఎక్కువగా వాటర్ ప్రూఫ్ గా ఉంటాయి. మీరు వర్షాకాలంలో వీటిని వేసుకుని నడవడానికి చాలా కంఫర్ట్ గా మరియు స్టైలిష్ గానూ కనిపిస్తాయి. కాబట్టి ఈ రకమైన క్లాగ్స్ ను కూడా ఓసారి ట్రై చేయండి.

ఫ్లిప్ ఫ్లాప్స్..

వర్షాకాలంలో చాలా మంది ఫ్లిప్ ఫ్లాప్స్ నే ఎక్కువగా సెలెక్ట్ చేసుకుంటారు. ఎందుకంటే ఈ రకమైన పాదరక్షలలో ఎక్కువ నీరు నిలిచి ఉండవు. ఒకవేళ నీరు ఉన్నా అత్యంత వేగంగా ఆరిపోతాయి. ఇవి బాగా స్టైలీష్ గా కూడా ఉంటాయి. చాలా మంది సెలబ్రెటీలు వర్షాకాలంలో ఈ రకమైన పాదరక్షలనే వేసుకుంటారు.

దుర్వాసన..

వర్షాకాలంలో మనం వేసుకునే చెప్పులు, షూస్ లలో కొన్ని రకాలు తడిస్తే.. అవి ఆరేందుకు చాలా సమయం పడుతుంది. అంతేకాదు అవి ఆరేందుకు చాలా సమయం పడుతుంది. అప్పుడు వాటి నుండి దుర్వాసన కూడా వచ్చే అవకాశం ఎక్కువగా ఉంటుంది. అప్పుడు మీరు వాటిని వేసుకుని ఎక్కడికైనా వెళ్లాలంటే కూడా చాలా ఇబ్బందులు ఎదుర్కోవాల్సి వస్తుంది. కాబట్టి అలాంటి సమస్యలు ఎదురుకాకుండా, వోడర్ రెసిస్టెంట్ రకాలను ఎంచుకుంటే మీకు ఎంతో ప్రయోజనకరంగా ఉంటుంది.

తేలికగా ఉండే వాటిని..

వర్షాకాలంలో మనం ఎక్కువగా వాటర్ ప్రూఫ్ రకాలు.. ముఖ్యంగా తేలికగా ఉండే మన్నికైన పాదరక్షలను తీసుకోవాలి. ఎందుకంటే ఈ రకమైన వాటిని చాలా సులభంగా క్లీన్ చేసుకోవచ్చు. అలాగే రబ్బరు సోల్ ఉండే పాదరక్షలను ఎంచుకున్నా కూడా మంచిగా ఉంటుంది. ఇందులో కూడా నీరు ఎక్కువగా నిల్వ ఉండదు.