మీ తొడలు చిన్నగా కనిపించాలంటే... ఈ అవుట్ ఫిట్స్ ట్రై చేయండి...

మరింత లావుగా..

చాలా మంది అమ్మాయిలు తాము లావుగా ఉన్నామని తెగ బాధపడుతూ ఉంటారు. ఆ విషయాన్ని దాచేందుకు పొడవుగా ఉండే టాప్స్ ను సెలక్ట్ చేసుకుంటూ ఉంటారు. అయితే పొడువు ఉన్నంత మాత్రాన మీరు వాటిలో సన్నగా కనిపిస్తారా అంటే చెప్పడం కష్టమే. ఇదంతా కేవలం ఒక అపొహ మాత్రమే..అంతేకాదు మీరు పొడవుగా ఉండే టాప్స్ వేసుకోవడం వల్ల మీరు మరింత లావుగా కనిపించే అవకాశం ఎక్కువగా ఉంది.

చిన్నగా ఉండే టాప్స్..

అందుకు బదులుగా మీరు చిన్నగా ఉండే టాప్స్ వేసుకోవడం వల్ల మీరు కొంచెం చిన్నగా కనిపించే అవకాశం ఉంటుంది. అంతేకాదు.. మీ పై భాగానికి కింది భాగానికి మధ్య బ్యాలెన్స్ ఉండేలా చేసి మిమ్మల్ని మరింత అందంగా కనిపించేలా చేస్తాయి.

ఈ డ్రస్సులు..

లావుగా ఉండే వారు చిన్నగా కనిపించాలంటే.. ఎ లైన్ డ్రస్సులు చక్కగా సరిపోతాయి. ఇవి కాస్త టైట్ గా ఉండే మినీ, మిడీ స్కర్ట్స్ స్త్రీల తొడలను లావుగా కనిపించేలా చేస్తే.. ఎ లైన్ డ్రస్సులు మాత్రం కింద బాగా వదులుగా కనిపిస్తాయి. ఇవి మీ నడుముపై ఫోకస్ పెరిగేలా చేస్తాయి. దీంతో మిమ్మల్ని కాస్త చిన్నగా కనిపించేలా చేస్తాయి. అందుకే మీరు చిన్నగా కనిపించాలంటే.. ఈ తరహా డ్రస్సులు బెస్ట్ అని చెప్పొచ్చు.

ఈ తరహా ప్యాంట్స్..

మీ తొడలు లావుగా ఉంటే.. మీరు స్లిమ్ గా కనిపించాలంటే.. పొడవు ఎక్కువగా ఉండే ప్యాంట్లను ధరించాల్సి ఉంటుంది. ఇలాంటి పొడుగాటి ప్యాంట్లు మీరు చిన్నగా ఉన్నారని భ్రమించేలా చేస్తాయి. అందుకే మీ ప్యాంట్లు ఏ మాత్రం పొడుగైనా వాటిని పైకి మడిచి పెట్టడం ఆపి కాలి మడమ వరకూ ఉండేలా చూసుకోండి.

పాయింటెడ్ హీల్స్..

మీ తొడలు, కాళ్లు ఎలా ఉన్నాయనేదే ముఖ్యం కాదు.. మీరు వేసుకునే చెప్పులపైనా ఆధారపడి ఉంటుంది. డిజైనర్, ఎంబ్రాయిడరీ లేదా కాస్త వెడల్పుగా ఉండే షూ ధరించడం వల్ల మీరు మరింత లావుగా కనిపించొచ్చు. కాబట్టి మీరు చిన్నగా ఉండే పాయింటెడ్ హీల్స్ వేసుకుంటే మీ కాళ్లు చిన్నగా కనిపించొచ్చు. అంతేకాదు ఇవి మీ కాళ్లను మరింత పొడుగ్గా కనిపించే ఫీలింగును కలిగిస్తాయి.

చిన్నగా కనిపించేలా..

ఎవరైతే లావుగా ఉంటారో.. వారు తమ బాడీని పట్టి ఉంచే దుస్తులనే కాకుండా ఫ్లోయీ ఫ్యాబ్రిక్ దుస్తులను ధరించినా కూడా చాలా అందంగా కనిపిస్తారు. మందం తక్కువగా ఉండి గాలికి ఎగురుతూ ఉండే డ్రస్సుల వల్ల మీరు ఎంత లావు ఉన్నారనే విషయం బయటకు తెలీకుండా చేస్తుంది.