డోన్ట్ మిస్! : కేన్స్ ఫిల్మ్ ఫెస్టివ‌ల్‌లో త‌ళుక్కుమన్న దీపికా పదుకొనే..

ప్రతిష్ఠాత్మక 70వ కేన్స్‌ చలన చిత్రోత్సవ సందడి మొదలైంది. బాలీవుడ్ హీరోయిన్ దీపికా ప‌డుకొణే కేన్స్ ఫిల్మ్ ఫెస్టివ‌ల్‌లో త‌ళుక్కుమంది. మొద‌టి రోజు జ‌రిగిన రెడ్‌కార్పెట్‌పై ఆమె మెరిసిపోయింది. ప‌ర్పుల్ క‌ల‌ర్ డ్రెస్సులో దీపికా ధ‌గ‌ధ‌గ‌లాడింది.

'దే గ్రిసోగొనో' జ్యువెలరీ స్టూడియెస్‌ డిజైన్‌ చేసిన చెవిరింగులు, ఉంగరం, కళ్లకు నీలిరంగు మేకప్‌ ప్రత్యేక ఆకర్షణగా నిలిచాయి.

లోరియ‌ల్ పారిస్ బ్రాండ్ అంబాసిడ‌ర్‌గా దీపికా కేన్స్‌లో క‌నిపించింది. రెడ్ కార్పెట్ కోసం మార్చెసా గౌన్‌ను ధ‌రించింది ఆ బ్యూటీ. వేలికి భారీ రింగ్ ధ‌రించిన ఆమె స్ట‌యిలిష్‌గా ఆక‌ట్టుకున్న‌ది.

జిమ్మీ చో కంపెనీ హై హీల్స్ వేసుకున్న‌ది బాలీవుడ్ స్టార్‌. 2017 కేన్స్‌ ఉత్సవంలో తొలిరోజు ర్యాంప్‌ వాక్‌ చేసిన తొలి భారతీయ నటి దీపిక కావడం విశేషం. అంతేకాదు దీపిక కేన్స్‌లో పాల్గొనడం కూడా ఇదే మొదటిసారి.

కే న్స్ లో పాల్గొనేందుకు బాలీవుడ్‌ నటి ఐశ్వర్యరాయ్‌ కుమార్తె ఆరాధ్యతో కలిసి బయలుదేరారు. ఈ ఉత్సవంలో ఐష్‌ 2002లో నటించిన 'దేవ్‌దాస్‌'సినిమాని ప్రదర్శించబోతున్నారు.

ఐష్‌ 15 ఏళ్లుగా కేన్స్‌ ఉత్సవాలకు హాజరవుతున్నారు. ఐశ్వర్యతో పాటు సోనమ్‌ కపూర్‌ కూడా పాల్గొనబోతున్నారు.

వీరిద్దరూ ప్రముఖ అంతర్జాతీయ బ్రాండ్‌ లోరియల్‌ పారిస్‌కి ప్రచారకర్తలుగా వ్యవహరిస్తున్నారు. బాలీవుడ్‌ హాట్‌ భామ మల్లికా శెరావత్‌ కూడా కేన్స్‌లో పాల్గొనబోతోంది.

ప్రముఖ డిజైనర్‌ జార్జెస్‌ హొబికా రూపొందించిన దుస్తుల్లో ర్యాంప్‌పై మెరిసిపోనుంది.

ఈ అంతర్జాతీయ వేడుకకి తొలిసారి దక్షిణ భారతీయ చిత్ర పరిశ్రమ నుంచి శ్రుతిహాసన్‌ పాల్గొనబోతోంది. ఆమె నటిస్తున్న తమిళ చిత్రం 'సంఘమిత్ర' ఫస్ట్‌లుక్‌ను కేన్స్‌లో విడుదల చేయబోతున్నారు. ఈ నెల‌ 28 వరకు కేన్స్‌ వేడుకలు జరగనున్నాయి.