తేలికగా జీర్ణం మరియు అలసటను పోగొట్టే ఆహారాలు!

Diet Fitness

oi-Nageswara

By B N Sharma

Published: Saturday, July 7, 2012, 9:24 [IST]

మనం ఆరోగ్యంగా ఉండాలంటే, తీసుకునే ఆహారానికి తక్షణం జీర్ణం అయ్యే గుణం ఉండాలి. అందుకుగాను వీలైనంత వరకు సహజ ఆహారాలను మాత్రమే తినాలి. ఉడికించిన ఆహారాలు, లేదా నూనెలు, మసాలాలు వేసి వండిన ఆహారాలు త్వరగా జీర్ణం కావు. ఇవి జీర్ణం అవ్వటానికి, మీకు శక్తినివ్వటానికి చాలా సమయం పడుతుంది. కాని కొన్నిమార్లు, ప్రత్యేకించి రోజంతా గడిచిన సాయంత్రాలు మీకు తక్షణ శక్తి అవసరమవుతుంది. ఆ సమయంలో ఏది తిన్నప్పటికి, అది కనుక బాగా నూనెలు, మసాలాలు వేసి తయారు చేసిన పదార్ధాలైతే, జీర్ణమయ్యేందుకు, మీకు శక్తి నిచ్చేటందుకు చాలా సమయం పడుతుంది. ఈ ప్రక్రియలో మీరు బరువుగా భావించి రాత్రి భోజనం సైతం మానివేసే అవకాశం ఉంది. అంతేకాక సాయంత్రాలు ఎన్నో కార్యక్రమాలు మనం హాజరు కావలసినవి కూడా ఉంటాయి. అటువంటపుడు సాయంత్రమయ్యే సరికి పూర్తిగా అలసిపోయారు. కానీ పుట్టిన రోజు పార్టీకి ఏర్పాట్లు చేయాలి. లేదా బోర్డు మీటింగ్ కు హాజరవాలి అటువంటపుడు తక్షణ శక్తికిగాను కొన్ని ఆహారాలు తీసుకోవాలి. వాటిలో ప్రధానమైనవేంటో పరిశీలిద్దాం.

లెమనేడ్ - ఇందులో వుండే షుగర్ నుండి గ్లూకోజ్ శరీరానికి వెంటనే అందుతుంది. శరీరంలో సాయంత్రానికి ఆవిరి అయిపోయిన ద్రవాలను, ఖనిజలవణాలను భర్తీ చేసేందుకు ఇందులో వుండే ఉప్పు కూడా తోడ్పడుతుంది. అన్నిటికంటే ప్రధానమైన విటమిన్ సి నిమ్మకాయ నుండి లభిస్తుంది.

అరటిపండు - అలసిన శరీరానికి గ్లూకోజ్ ను కార్బోహైడ్రేట్లను ఎంతో తేలికగాను వేగవంతంగాను ఈ పండు అందిస్తుంది. రక్తంలోని హేమోగ్లోబిన్ కవసరమైన ఐరన్ అందిస్తుంది. ఎంతో శక్తి కలిగి భావిస్తారు.

ఛీజ్ - సాధారణంగా బరువు తగ్గాలంటూ డైటింగ్ లోవుండి నీరసపడేవారు కొద్దిపాటిగా ఉత్తేజాన్నిచ్చేందుకుగాను తింటారు. ఇది సరి కానప్పటికి, ఛీజ్ ఎంతో శక్తినిచ్చేదని భావించవచ్చు. శక్తినిచ్చే హార్మోన్లను ఇది రిలీజ్ చేస్తుంది.

స్ట్రాబెర్రీలు - తక్షణ శక్తికి ఈ పండును మించింది లేదు. అధికమైన పీచు, అధిక ఎనర్జీ, అధిక విటమిన్ సి, యాంటీ ఆక్సిడెంట్లు అన్నీ కలబోసిన ఈపండు తక్షణ శక్తినిస్తుంది.

గ్రీన్ టీ - నరాలను జివ్వును ఉత్తేజపరచాలంటే గ్రీన్ టీ ఎంతో మంచిది. సాధారణ కాఫీ, టీల కంటే గ్రీన్ టీలో యాంటీ ఆక్సిడెంట్లు అధికంగా వుంటాయి. లోపలి భాగాలను శుభ్రపరచి అధికమైన శక్తినివ్వటంలో గ్రీన్ టీ ని మించిన పానీయం లేదు.

తెల్ల చిక్కుడు గింజలు - వీటి రసం శరీరంలోని ట్రిగ్లీసెరైడ్స్ ను తగ్గించేందుకు కూడా సహకరిస్తుంది. కీళ్ళ అరుగుదలను నివారిస్తుంది. కార్బోహైడ్రేట్లను నిలుపు చేసి శరీరం లావు ఎక్క కుండాను, రక్తనాళాలు గడ్డకట్టకుండాను చేస్తుంది. శరీరంలో కొవ్వును బాగా లాగేస్తుంది. వీటివలన ఏర్పడే కొన్ని సమస్యలు పరిశీలిస్తే, కార్బో హైడ్రేట్లను విచ్ఛిన్నం కాకుండా చేస్తుంది కనుక జీర్ణవ్యవస్ధపై ప్రభావం చూపి గ్యాస్ సమస్యలు ఏర్పరుస్తాయి. గుండెమంట, డయోరియా కూడా కలిగించే గుణాలున్నాయి. త్వరగా బరువు తగ్గాలనుకునేవారికి తెల్ల చిక్కుడు గింజల రసం చాలా బాగా పనిచేస్తుంది. ఇది శరీరంలో కార్బోహైడ్రేట్లను అరికడుతుంది. శరీరంలో ఒక ఎంజైముతో కలసి అనవసరమైన గ్లూకోజుగా మారకుండా చేస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.