రాత్రి భోజనం భలే పసందైన విందు

సాయంత్రం దీక్ష విరహన అనంతరం రాత్రి 8గంటల ప్రాంతంలో భోజనం చేయాలి. బియ్యం, గోధుమలు, రాగులతో చేసిన ఆహారం తీసుకోవడం మంచిది. ఈ మూడింటిలో పొటాషియం, ప్రొటీన్లు, పీచు పదార్థం అధికంగా ఉంటుంది. కూరల్లో నూనె వాడకం తగ్గించాలి. సాధ్యమైనంత తక్కువగా భోజనం చేసినా ఎక్కువ మొత్తంలో తిన్నట్లు అనిపిస్తుంది. శరీరానికి సరైన శక్తి లభించదు. నూనె తగ్గించి తీసుకుంటే ఆహారపాళ్లు సరైన విధంగా శరీరానికి వెళతాయి. ఆహారంలో మాంసం కన్నా చేపలు ఎక్కుగా వాడాలి. అందులో ఒమెగా 3ఫ్యాటీ యాసిడ్స్ ఉంటాయి. అవి గుండెకు బలాన్నిస్తాయి. ఆహారంలో ఒక భాగంగా ఉండేటట్లు చూసుకోవాలి. రొయ్యలు, పీతలు, తగ్గించాలి. స్కిన్ లెస్ చికెన్ తీసుకోవాలి.

రంజాన్ నెలలో నగరంలోని వీధి వీధినా హాలీం ఘుమఘుమలు భోజన ప్రియుల్ని ఇట్టే ఆకర్షిస్తాయి. ముఖ్యంగా పాత నగరంలోని అన్ని హోటళ్లలో ఈ ఇరానీ హలీం అభిస్తుంది. సాయంత్రం కాగానే వందల సంఖ్యలో దీనికోసం బారులు తీస్తారు. గోధుమలు, పొట్టేలు మాంసం, దేశవాళీ నెయ్యి, సుగంధ ద్రావ్యాలు సమపాళ్లలో కలిపి తాయరు చేస్తారు. ఉదయం నుంచి సాయంత్రం వరకు దీన్ని ఉడికించి తయారు చేస్తారు. ఈ వంటకాన్ని అన్ని వయస్సుల వారు ఇష్టంగా ఆరగిస్తారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.