మగవాళ్లలో ఇన్ఫెర్టిలిటీకి కారణమయ్యే మోడ్రన్ హ్యాబిట్స్..!!

ఎక్కువ సమయం కూర్చోవడం

ఎక్కువ సమయం కూర్చుని పనిచేసే లైఫ్ స్టైల్ చాలా రకాలుగా అనారోగ్యానికి కారణమవుతోంది. అయితే ఇది రకరకాల అనారోగ్య సమస్యలను మాత్రమే కాదు.. మిమ్మల్ని శక్తిహీనుడిగా కూడా మార్చేస్తుంది. గంటల తరబడి కూర్చోవడం వల్ల వృషణాలకు ఎక్కువ వేడి తగిలి.. స్పెర్మ్ ఆరోగ్యంపై ప్రభావం చూపుతుంది. అలాగే స్పెర్మ్ కౌంట్ తగ్గడానికి కారణమవుతుంది.

టెక్నాలజీ

ల్యాప్ టాప్ లు ఎక్కువ సమయం పాటు ఉపయోగించడం, ముఖ్యంగా వాటిని తొడలపై ఎక్కువ సమయం పెట్టుకోవడం వల్ల వృషణల ఉష్ణోగ్రత పెరగడానికి కారణమవుతుంది. 5 డిగ్రీల ఉష్ణోగ్రతను పెంచుతుంది. దీనివల్ల తక్కువ స్పెర్మ్ కౌంట్, అన్ హెల్తీ స్పెర్మ్ కౌంట్ కి కారణమవుతుంది.

వాతావరణ కాలుష్యం

అనారోగ్యకరమైన కాలుష్యం కూడా.. మగవాళ్లలో ఇన్ఫెర్టిలిటీకి కారణమవుతుంది. పెస్టిసైడ్స్, కొన్ని ఇండస్ట్రీల టాక్సిన్స్, మెటల్స్, ఆహారం ద్వారా కూడా వాతావరణం.. స్పెర్మ్ కౌంట్ పై ప్రభావం చూపుతోంది.

దుస్తులు

స్కిన్నీ జీన్స్, బిగుతుగా ఉండే అండర్ వేర్ కూడా మగవాళ్లకు హానిచేస్తాయట. అయితే ఇవి డైరెక్ట్ గా ఇన్ఫెర్టిలిటీకి కారణం కాకపోయినా.. రెగ్యులర్ గా బిగుతుగా ఉండే దుస్తులు ధరించడం వల్ల వృషణాలకు హాని చేస్తాయి. తక్కు స్పెర్మ్ కౌంట్ మగవాళ్లలో ఇన్ఫెర్టిలిటీకి కారణమవుతుంది.

హార్మోనల్ ఇంబ్యాలెన్స్

హార్మోనల్ ఇంబ్యాలెన్స్ కేవలం ఆడవాళ్లకు సంబంధించినది కాదు. మగవాళ్లు కూడా హార్మోనల్ ఇంబ్యాలెన్స్ సమస్య ఎదుర్కొంటారు. దీనికి మందులు లేదా ఫిజిలాజికల్ రీజన్స్ కారణమవుతాయి. దీనివల్ల తక్కువ స్పెర్మ్ కౌంట్, లో లిబిడో, ఇన్ఫెర్టిలిటీ సమస్యలు వస్తాయి.

ఒత్తిడి

హార్మోనల్ ఇంబ్యాలెన్స్ వల్ల ఒత్తిడి పెరిగి.. ఇన్ఫెర్టిలిటీకీ కారణమవుతుంది. ఒత్తిడి మగవాళ్ల సెక్సువల్ హెల్త్ పై చాలా దుష్ర్పభావం చూపుతుంది. ఆందోళన వల్ల లిబిడో తగ్గడం, స్పెర్మ్ క్వాలిటీ తగ్గడానికి కారణమవుతుంది.

ఆహారపు అలవాట్లు

అన్ హెల్తీ ఆహారపు అలవాట్లు కూడా ఇన్ఫెర్టిలిటీకి కారణమవుతాయి. ఆహారపు అలవాట్లు.. హార్మోనల్ రియాక్షన్స్ కి కారణమై.. ఫెర్టిలిటీ ప్రాబ్లమ్స్ తీసుకొస్తాయి. స్మోకింగ్, ఆల్కహాల్, జంక్ ఫుడ్ కూడా ఇన్ఫెర్టిలిటీకి ప్రధాన కారణాలు.