కిడ్నీ ఫెయిల్యూర్, కిడ్నీ డ్యామేజ్ కి అసలు రీజన్స్ ఏంటి ??

సరిపడా నీళ్లు తాగకపోవడం

మనలో చాలామంది.. సరిపడా నీళ్లు తాగడం మరిచిపోతూ ఉంటాం. రోజుకి కనీసం 2 లీటర్లు తాగాలి. కానీ.. ఇన్ని నీళ్లు తాగకపోవడం వల్ల.. డీహైడ్రేషన్ సమస్య వస్తుంది. కిడ్నీల్లో స్టోన్స్, డ్యామేజ్ అవడానికి డీహైడ్రేషన్ ప్రధాన కారణం.

యూరిన్ లో సమస్య

పనిలో ఉన్నప్పుడు, జర్నీలో ఉన్నప్పుడు.. యూరిన్ కి వెళ్లాలని ఉన్నా.. వెళ్లకుండా ఉంటారు చాలామంది. దీనివల్ల.. కిడ్నీల్లో బ్యాక్టీరియా పేరుకునే అవకాశం ఉంటుంది. అలాగే ఇన్ఫెక్షన్స్ రావడానికి కారణమై.. కీడ్నీ డ్యామేజ్ అయ్యే అవకాశాలుంటాయి.

ప్రొటీన్స్ ఎక్కువగా తీసుకోవడం

హైప్రొటీన్ ఉండే ఆహారాలను మితిమీరి తీసుకోవడం లేదా ప్రొటీన్ సప్లిమెంట్స్ తీసుకోవడం వల్ల.. కిడ్నీల్లో స్టోన్స్ ఏర్పడే అవకాశం ఉంది. ఇలా కిడ్నీ ఫెయిల్యూర్ కి కారణమవుతుంది.

సాల్ట్ ఎక్కువగా తినడం

రెగ్యులర్ గా ఎక్కువగా ఉప్పు ఉన్న ఆహారం తినడం వల్ల.. కిడ్నీలు చాలా కష్టపడి పనిచేసి..ఎలక్ట్రోలైట్స్ ని బ్యాలెన్స్ చేయాల్సి వస్తుంది. ఇలా.. కిడ్నీ ఫెయిల్యూర్ కి అవకాశాలుంటాయి.

పెయిన్ కిల్లర్స్ రెగ్యులర్ గా తీసుకోవడం

చాలా మంది ఏ చిన్న నొప్పి వచ్చినా.. పెయిన్ కిల్లర్స్ పై ఆధారపడతారు. ఈ అలవాటు కిడ్నీలకు కూడా మంచిది కాదు. తరచుగా పెయిన్ కిల్లర్స్ తీసుకోవడం వల్ల కిడ్నీలకు బ్లడ్ ఫ్లో తక్కువగా అందుతుంది. దీనివల్ల కిడ్నీ డ్యామేజ్ అవుతుంది.

ఆల్కహాల్ ఎక్కువగా తీసుకోవడం

మోతాదుకి మించి అతిగా ఆల్కహాల్ తీసుకోవడం వల్ల.. బ్లడ్ స్ట్రీమ్ లో యూరిక్ యాసిడ్ ఎక్కువ అవుతుంది. ఇది కిడ్నీ డ్యామేజ్ కి కారణమవుతుంది.

ఇన్ఫెక్షన్స్ ని నిర్లక్ష్యం చేయడం

కామన్ ఇన్ఫెక్షన్స్ అయిన వైరల్ ఫ్లూ, టాన్సిల్స్, పొట్టకు సంబంధించిన ఇన్ఫెక్షన్స్ ని నిర్లక్ష్యం చేయకూడదు. ఇలాంటి ఇన్ఫెక్షన్స్ వల్ల కిడ్నీలు డ్యామేజ్ అవడానికి ఆస్కారం ఉంటుంది.