గాఢ నిద్ర తర్వాత ఫ్రెష్ గా నిద్ర లేవడం ఎలా...?

ఒక నిత్యనియమావళి కలిగి వుండండి. మీరు ఆలస్యంగా పడుకుని, ఆలస్యంగా లేచినా, త్వరగా పడుకుని త్వరగా లేవగలిగినా, మీ దైనందిన కార్యకలాపాలకు అనుకూలించే ఏదో ఒక నియమిత విధానానికి కట్టుబడి వుండడం వల్ల మీరు మరింత హాయిగా నిద్రపోగలుగుతారు.

ఉదయాన్నే లేచి వ్యాయామం చేయండి. కేవలం 20-30 నిమిషాల నడక, పరుగు, సైక్లింగ్ లేదా బరువులు ఎత్తడం వల్ల రోజంతా ఉత్సాహంగా వుంటారు, రాత్రికి అలిసిపోతారు.

నిద్ర పోయే ముందు ఒక 20-30 నిమిషాల పాటు ఆటవిడుపు వుండే సరదా పనులు చేయండి. వేడి నీళ్ళ స్నానం లేదా శృంగారం మీకు నిద్ర పట్టడానికి బాగా ఉపకరిస్తాయి.

పగటి నిద్ర లేదా కునుకులు మానివేయండి. అవి మీకు ఉత్సాహాన్ని కలిగించకపోగా మీ రాత్రి వేళ నిద్రని కూడా చెడగొడతాయి.

ఒక మంచి పరుపు, దిండు కొనండి. నేను ఈ మధ్యనే ఈ మార్పు చేసి చూసాను, ఇంతకు ముందే ఈ పని ఎందుకు చేయలేకపోయానో అర్ధం కాలేదు. జీవితంలో మూడో భాగం పరుపు మీదే గడుపుతాం, కాబట్టి నిద్రపోవడానికి ఉపయోగించే వాటి దగ్గర రాజీ పడకండి.

శబ్దాలు లేకుండా ఉండేందుకు ఒక ఫాన్ ని, వెలుతురు పడకుండా బ్లైండ్స్ ని ఉపయోగించండి. మధ్య రాత్రి వేళ ఎటువంటి ఆటంకాలు లేకుండా ఉండేందుకు ఇది సులభమైన, ప్రయోజనకరమైన చిట్కా.

ఎక్కువ కార్బోహైడ్రేట్లు లేనిది ఏదైనా తినండి. దీని వల్ల అద్భుతాలు జరుగుతాయి - నాకైతే చిన్న బౌల్ లో పాలు, ధాన్యాలు పని చేసాయి. కొవ్వు పదార్ధాలు, మాంసకృత్తులు ఉండేవి తినకుండా వుండండి.