దుమ్ము తో అలర్జీగా వుంటే?

Wellness

oi-Nageswara

By B N Sharma

Published: Monday, June 11, 2012, 10:17 [IST]

మన ఇల్లు ఎంతో శుభ్రంగా వుంటుందని, ఆరోగ్యాన్ని కలిగిస్తుందని భావిస్తూ వుంటాం. కాని చూసేందుకు ఎంత శుభ్రంగా వున్నప్పటికి రోజువారీ దుమ్ము ఇంటిలోకి చేరుతూ చాలా సార్లు ఇంటిలోని వారికి అలర్జీ కలిగిస్తూంటుంది. మన ఆరోగ్యాన్ని నష్టపరుస్తుంది. మీకు అకస్మాత్ గా దగ్గు, తుమ్ములు, ముక్కు కారటం, శ్వాస సరిగా ఆడకపోవటం వంటివి కలిగితే, అది దుమ్ము వలన కలిగే అలర్జీ కావచ్చునని గ్రహించండి. ముందుగా గ్రహించడం ద్వారాను, తగిన పరిష్కారాలు తెలుసుకొని వుండటం వలన అలర్జీ మీకు కలిగించే అనారోగ్యాలను త్వరగా తగ్గించుకోవచ్చు. మరి ఈ డస్ట్ ఎలర్జీ లేదా దుమ్ము అలర్జీలను ఏ రకంగా నివారించుకోవాలనేదానికి కొన్ని చిట్కాలు పరిశీలించండి.

ఎయిర్ కండిషనర్లు మరియు ఫ్యాన్ బ్లేడులు - ఎయిర్ కండిషనర్లను, ఫ్యాన్ బ్లేడ్ లను ఎప్పటికపుడు దుమ్ము తుడవండి. కనీసం వారానికొకసారైనా సరే ీ పని చేయండి. మీరు కనుక వీటిని శుభ్ర పరచకుంటే, మీ ఇల్లంతా దుమ్ము, ధూళితో పేరుకునే ప్రమాదం వుంది.

కార్పెట్లు శుభ్రం చేయండి - కార్పెట్లకు దుమ్ము బాగా అంటుకుపోతూంటుంది. కార్పెట్ పైన, అడుగునా కూడా దుమ్ము పేరుకుంటుంది. కార్పెట్లనుండి దుమ్ము అలర్జీ రాకుండా వాక్యూం క్లీనర్ తో ప్రతిరోజూ శుభ్రం చేయండి. మీ ఫ్లోరింగ్ వుడెన్ లేదా టైల్స్ వంటిదైతే, కార్పెట్లు త్వరగా దుమ్ము పేరుకోకుండా వుంటాయి.

తడి ప్రదేశం - మీ బెడ్ రూమ్ బేస్ మెంట్ లేదా తడిగా వుండే ప్రదేశంలో లేకుండా చూడండి. ఈ గదిలోకి కావలసినంత ఎండ పడి వేడిగా వుండాలి. మంచి వెలుగు, గాలి కలిగి ఇంటిలో ఎత్తైన భాగంలో మీ బెడ్ రూమ్ వుండేలా చూసుకోండి.

బొమ్మలు - పిల్లలు ఆడుకొనే సాఫ్ట్ బొమ్మలు తొలగించండి.వీటి కారణంగా కూడా దగ్గులు, జలుబులు వస్తాయి. ఈ బొమ్మలపై దుమ్ము బాగా పేరుకొంటుంది. పిల్లలు దానిని పీలిస్తే, అలర్జీ కలుగుతుంది.

కర్టెన్లు - డస్ట్ ఎలర్జీ మీరు పొందుతూంటే, మరో అంశంగా మీ గది విండోలకు తలుపులకు వున్న కర్టెన్లు కూడా శుభ్ర పరచాలి. కర్టెన్లపై వీధిలోని దుమ్ము అంతా త్వరగా పేరుకుంటుంది. వారానికొక సారి మీ ఇంటి కర్టెన్లు వేడినీటిలో పరిశుభ్రం చేసేలా చూడండ.ి

బెడ్ షీట్లు - మీ బెడ్ పై కల బెడ్ షీట్లు, దిండు కవర్లు వారానికొకసారి మార్చండి. మేట్రస్ బాగా దులపాలి. మేట్రస్ ను పిల్లోలను ఉదయం వేళ ఎండలో వుంచి వాటిపై గల బాక్టీరియా చనిపోయేలా చేయండి.

వైద్య సలహా - అలర్జీ బాగా వుంటే, మీ డాక్టర్ ను తప్పక సంప్రదిచండి. ఎన్ని ముందు జాగ్రత్తలు తీసుకున్నప్పటికి అవసరమనుకుంటే వైద్యుల సలహాలు పాటించి తగిన మందులు వాడాలి. దుమ్ము ఎలర్జీలు రాకుండా వుండాలంటే, ఇల్లు పరిశుభ్రంగా వుండాలి. మీరు వ్యక్తిగత శుభ్రతకు కూడా ప్రాధాన్యం ఇవ్వాలి. అలర్జీకి వెను వెంటనే చికిత్స చయించుకోకపోతే అది ఇతర వ్యాధులుకు దోవ తీస్తుంది. కనుక మీరు కొంత సమయాన్ని ప్రతిరోజూ దుమ్ము దులిపేందుకు తప్పక కేటాయించాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.