వర్షాకాలంలో పాటించవలసిన 10 ఆరోగ్యం చిట్కాలు

కాచి చల్లార్చిన నీరు: ఈ వర్ష కాలంలో ఫిల్టర్ చేసిన మరియు బాయిల్డ్ చేసిన వాటర్ ను మాత్రమే త్రాగటానికి ఉపయోగించాలి. మీరు సాదారణంగా ఈ కాలంలో క్రిముల దాడి నుండి తప్పించుకోవటానికి టీ లేదా అల్లం టీ, నిమ్మకాయ టీ,వేడి కూరగాయల సూప్,మూలికా టీ వంటి వాటిని త్రాగటానికి ఇష్టపడుతారు.

ఆహారాల మీద ప్రత్యేక శ్రద్ద: పండ్లు మరియు కూరగాయలు, ముఖ్యంగా ఆకు కూరలు తినే ముందు ప్రత్యేక శ్రద్ధ తీసుకోవాలి. ఎందుకంటే వాటిమీద అనేక లార్వాలు , దుమ్ము మరియు పురుగులు ఉంటాయి. వీటిని తొలగించుట కొరకు ఉప్పు నీటిలో 10 నిముషాలు ఉంచాలి. ఇలా చేయుట వలన బాక్టీరియా నిరోధం జరుగుతుంది.

ఉడికించిన వాటికి ప్రాధాన్యత: ఈ కాలంలో పూర్తిగా వండిన ఆహారాన్ని మాత్రమే తీసుకోవాలి. అలా కాకుండా పచ్చి లేదా వండని ఆహారపు అలవాట్లు ఉంటే మీకు మీరే సమస్యలను ఆహ్వానిస్తున్నట్లే .

పండ్లు -కూరగాయలు: గరం-గరం బజ్జీలకు బదులుగా తాజాగా వండిన లేదా తాజా పండ్లు మరియు కూరగాయలను తీసుకోవటం అలవాటు చేసుకోవాలి.

మసాలాలకు దూరం: వర్షాకాలం సమయంలో మన శరీరంనకు త్వరగా ఆహారం జీర్ణం చేయడానికి కష్టతరంగా ఉంటుంది. అందువల్ల మీ జీర్ణక్రియ మెరుగుపర్చే క్రమంలో వెల్లుల్లి, మిరియాలు,అల్లం,పసుపు మరియు కొత్తిమీర వంటి ఆహారాలను తీసుకోవాలి.

సూపులు: మాంసాహార ప్రేమికులు భారీ మాంసాహారం కాకుండా సూప్ మరియు తేలికపాటి భోజనం తీసుకోవాలి.

స్ట్రీట్ ఫుడ్: వివిధ క్రిముల వల్ల అనేక వ్యాధులు వస్తాయి. అందువలన ఈ కాలంలో సాధ్యమైనంతవరకు రోడ్డు మీద తయారయ్యే ఆహారాన్ని తినటం మానాలి.

హానికర ఆహారం: తాజాగా లేని లేదా మిగిలిపోయిన ఆహారాన్ని తినటం మానివేయాలి.

చేతుల శుభ్రత: కూరలు కోసే బోర్డును ఉపయోగించడానికి ముందు పూర్తిగా శుభ్రం చేయాలి. టాయిలెట్ సందర్శించిన తర్వాత, ఆహారం తీసుకున్నాక,ఆహారం వండటానికి ముందు మీ చేతులను శుభ్రంగా కడుక్కోవాలి. మంచి వ్యక్తిగత పరిశుభ్రత అవసరము.

దోమల నివారణకు: దోమలు, ఈగలు, బొద్దింకలు, చెదపురుగులు మొదలైన వాటిని దూరంగా ఉంచటానికి సరైన జాగ్రత్తలు తీసుకోవాలి. క్రిమి నిరోధకాలు, క్రిమినాశకాలను ఉపయోగించండి. దోమల యొక్క ఉనికిని తగ్గించేందుకు వేప ,కర్పూరం లేదా లవంగాలను వాడండి.