వైరల్ ఫీవర్ నుంచి త్వరగా ఉపశమనం పొందాలంటే..

డీహైడ్రేషన్

వైరల్ ఇన్ఫెక్షన్ ఉన్నప్పుడు డీహైడ్రేషన్ సాధారణ లక్షణం. సైడ్ ఎఫెక్ట్స్ నుంచి శరీరాన్ని కాపాడటం చాలా అవసరం. కాబట్టి పళ్ల రసాలు, నీళ్లు ఎక్కువగా తీసుకోవాలి. మంచినీళ్లు ఎక్కువగా తాగడం చాలా అవసరం.

ముందు జాగ్రత్తలు

వైరల్ ఇన్ఫెక్షన్ కారణంగా.. ఇమ్యూన్ సిస్టమ్ పై చాలా ప్రభావం పడుతుంది. దీనివల్ల ఇన్ఫెక్షన్ మరింత పెరిగే అవకాశముంది. కాబట్టి.. ముందు జాగ్రత్తలు పాటించాలి. పరిశుభ్రత పాటించాలి.

విశ్రాంతి

వైరల్ ఇన్ఫెక్షన్ ఉన్నప్పుడు వీలైనంత విశ్రాంతి తీసుకోవడం చాలా అవసరం. ఎక్కువ పనులు చేయడం వల్ల.. ఇంకా ఎక్కువ అలసిపోయే అవకాశముంది. కాబట్టి రెస్ట్ తీసుకోవడం, రిలాక్స్ ఉండటానికి ప్రయత్నించాలి. దీనివల్ల శరీరం మామూలు స్థితికి రావడానికి తోడ్పడుతుంది.

డైట్

హెల్తీ డైట్ ఫాలో అవడం చాలా అవసరం. ఇది రోగనిరోధక శక్తి 10 రోజుల్లోనే పెరుగడానికి సహాయపడుతుంది. ప్రొటీన్స్, విటమిన్స్, మినరల్స్ ఉండే ఆహారం తీసుకోవాలి. త్వరగా జీర్ణమయ్యే ఆహారానికి ప్రాముఖ్యత ఇవ్వాలి.

దద్దుర్లు

వైరల్ ఇన్ఫెక్షన్ కారణంగా.. చర్మంపై దద్దుర్లు, దురద, మచ్చలు, పొక్కులు ఇబ్బందిపెడతాయి. అలాంటి లక్షణాలు కనిపించగానే డాక్టర్ ని సంప్రదించి మందులు తీసుకోవడం మంచిది.

రోగనిరోధక శక్తి

ఇమ్యునిటీ పవర్ పెంచే ఆహార పదార్థాలు తీసుకునేలా జాగ్రత్తపడాలి. విటమిన్ సీ, జింగ్, విటమిన్ డి ఉన్న ఆహారం ఎక్కువగా తీసుకోవడం వల్ల రోగనిరోధక శక్తి పెరుగుతుంది.

డాక్టర్ పర్యవేక్షణలో మందులు

వైరల్ ఫీవర్ లక్షణాలు కనిపించగానే వాటిని తగ్గించుకునే మార్గాలు వెతుక్కోవాలి. కాబట్టి సొంతంగా ఏవి పడితే అవి మందులు వేసుకోకూడదు. దీనివల్ల సమస్య ఇంకా పెరిగే అవకాశముంది. యాంటీ బయాటిక్స్ బ్యాక్టీరియాకి వాడతాం.. వైరస్ కి కాదనేది గుర్తుంచుకోవాలి.

హెర్బల్ టీ

వైరల్ ఫీవర్ నుంచి త్వరగా ఉపశమనం పొందడానికి ఇది చక్కటి పరిష్కారం. బ్రెస్ట్ ఫీడింగ్ ఇస్తున్నవాళ్లు హెర్బల్ టీ తాగడం విషయంలో డాక్టర్ ని సంప్రదించడం మంచిది.