బ్యాక్టీరియాతో వచ్చే చెమట వాసనను నివారించే 10 అద్భుతమైన నేచురల్ రెమెడీస్..!

1. యాపిల్ సైడర్ వెనిగర్ :

యాపిల్ సైడర్ వెనిగర్ లో యాంటీబ్యాక్టీరియల్ లక్షణాలున్నాయి. యాపిల్ సైడర్ వెనిగర్ బ్యాక్టీరియాతో పోరాడుతుంది, ఫ్యూయల్ స్మెల్ ను నివారిస్తుంది. కొన్ని చుక్కల యాపిల్ సైడర్ వెనిగర్ ను కొద్దిగా తీసుకుని అందులో కాటన్ డిప్ చేసి బహుమూలల్లో అప్లై చేయడం వల్ల చెమట వాసన నుండి ఉపశమనం పొందవచ్చు.

2. నిమ్మరసం:

నిమ్మరసంలో అసిడిక్ స్వభావం కలిగి ఉండటం వల్ల బ్యాక్లీరియాను నాశనం చేయడానికి సహాయపడుతుంది. దాంతో చంకల్లో చెడువాసన రాకుండా నివారించుకోవచ్చు. నిమ్మకాయను కట్ చేసి, దీన్ని బహుమూల్లో అప్లై చేసి మర్ధన చేయాలి.

3. రోజ్ వాటర్ :

కొన్ని చుక్కల రోజ్ వాటర్ తీసుకుని, చంకబాగంలో అప్లై చేయాలి. రోజ్ వాటర్ ను స్నానం చేసే నీటిలో కూడా మిక్స్ చేసుకోవచ్చు. ఇది బహుమూలల్లో చెమటవాసనను తగ్గిస్తుంది.

4. టమోటో గుజ్జు:

టమోటో గుజ్జు తీసుకుని సగానికి కట్ చేయాలి. గుజ్జును బహు మూలల్లో(చంక బాగంలో అప్లే చేసి, 10 నుండి 15 నిముషాలు అలాగే ఉండనివ్వాలి. తర్వాత స్నానం చేస్తే చంకల్లో బ్యాక్టీరియా వల్ల వచ్చే దుర్వాసనను నివారించుకోవచ్చు.

5. ల్యావెండర్ ఆయిల్ :

చెమట వాసనను నివారించుకోవడానికి ఒక బెస్ట్ నేచురల్ ఆయిల్, ల్యావెండర్ ఆయిల్ , కొన్ని చుక్కల ల్యావెండర్ ఆయిల్ ను చేతులకు అప్లై చేసి, రెండు చంకల్లో అప్లై చేసి మసాజ్ చేయాలి. ఇంకా ఇందులో కొద్దిగా వాటర్ కూడా మిక్స్ చేసి బాడీ మీద స్ప్రే చేసుకోవచ్చు.

6. పెప్పర్మింట్ ఆయిల్:

కొన్ని చుక్కల పెప్పర్మింట్ ఆయిల్ ను తీసుకుని, సున్నితంగా బహుమూలల్లో అప్లై చేసి , మర్దన చేసుకోవాలి. మరియు కొన్ని చుక్కలు నీటిలో కలిపి, స్ప్రే బాటిల్లో వేసి బాడీ స్ప్రేగా ఉపయోగించుకోవచ్చు.

7. సాండిల్ ఉడ్ పౌడర్:

సాండిల్ ఉడ్ పౌడర్ లోని ఆరోమా వాసన, చంకలో చెమట, బ్యాక్టీరియా వల్ల వచ్చే వాసనను నివారిస్తుంది. సాండిల్ ఉడ్ పౌడర్ లో కొద్దిగా నీళ్ళు పోసి, పేస్ట్ చేసుకోవాలి. ఈ పేస్ట్ ను చంకబాగంలో అప్లై చేయాలి. డ్రై అయిన తర్వాత దీన్ని చల్లటి నీటితో శుభ్రం చేసుకోవాలి.

8. టర్నిప్ జ్యూస్ :

టర్నిప్ తీసుకుని, తురుమి దాని నుండి రసం తియ్యాలి. ఈరసాన్ని చంకబాగంలో అప్లై చేయాలి. ఇది బహుమూలల్లో వాసనను తగ్గిస్తుంది. దుర్వాసనను పోగొడుతుంది.

9. బేకింగ్ సోడ:

ఒక టీస్పూన్ బేకింగ్ సోడా తీసుకుని, అందులో కొద్దిగా నిమ్మరసం మిక్స్ చేసి, పేస్ట్ లా కలుపుకుని చంకబాగంలో అప్లై చేయాలి. 15నిముషాల తర్వాత నీళ్ళతో కడిగేసుకోవాలి. చెడువాసనకు కారణమయ్యే బ్యాక్టీరియాను తొలగిస్తుంది.

10. టీట్రీ ఆయిల్ :

టీ ట్రీ ఆయిల్లో యాంటీబ్యాక్టీరియల్ లక్షణాలు అధికంగా ఉన్నాయి.కొన్ని చుక్కల టీట్రీ ఆయిల్ తీసుకుని అరగ్లాసు నీటిలో మిక్స్ చేసి, చంకబాగంలో స్ప్రే చేసుకోవాలి. ఈ నేచురల్ చిట్కాలను అనుసరించడం వల్ల బహుమూలల్లో బ్యాక్టీరియా వల్ల వచ్చే చెడు వాసనను నివారించుకోవచ్చు.