సమ్మర్ డీహైడ్రేషన్ కు చెక్ పెట్టే 12 కూలెస్ట్ డ్రింక్స్

Published: Friday, April 15, 2016, 17:01 [IST]

మన శరీరం నీరు, తేమ తగినంత లేకపోవడం వల్ల డీహైడ్రేషన్ వస్తుంది. సాధారణంగా ఈ పరిస్థితి వేసవి కాలంలో వస్తుంది, అప్పుడు అత్యధిక వాతావరణ పరిస్థితుల వల్ల చర్మంపై పొర కింద నీరు ఇంకిపోతుంది. శరీరంలో ద్రవాలు లేకపోవడం మంచిది కాదు. మీరు కోల్పోయిన ద్రవాలను పొందడానికి తగినంత నీరు తీసుకోవడం అవసరం. అధిక వేసవి కారణంగా, మీ శరీరానికి కావలసిన ఫ్లూయిడ్స్ కంటే అధికంగా వినియోగించవలసి వస్తుంది. అందువల్ల, ప్రతి ఒక్కరూ శరీరానికి కావలసిన నీటికంటే ముఖ్యంగా వేసవి సమయంలో అధిక మోతాదులో నీరు తీసుకోవడం అవసరం.

మనిషి ప్రతిరోజూ శరీరం నుండి నీటిని ఆవిరి రూపంలో కోల్పోవడం సహజ౦. ఇది శరీరం నుండి చమట, మూత్రం రూపంలో బైటికి వెళ్తుంది. చెమటతోపాటు అధిక మోతాదులో మన శరీరంలోని లవణాలను కూడా కోల్పోతాము. ఆ లవణాలను తిరిగి పొందడానికి మీ శరీరాన్ని ఆర్ద్రీకరణ లో ఉంచుకోవడం అవసరం. ఈ హాట్ సమ్మర్ లో మీరు డీహైడ్రేషన్ కు గురిఅవుతున్నారో లేదో తెలుసుకోవడానికి తరచూ మీ చర్మాన్ని పరిక్షీస్తుండాలి. చర్మ పొడిబారినట్లు, నల్లగా కమిలినట్లు అగుపిస్తుంటే మీరు డీహైడ్రేషన్ కు గురైనట్లు తెలుసుకోవాలి. అలాగే మీ యూరిన్ కలర్ కూడా పరిశీలించాలి. యూరిన్ పసుపు లేదా ఎరుపు వర్ణంలో ఉంటే మీరు డీహైడ్రేషన్ కు గురిఅవుతున్నట్లు గుర్తించాలి.

ఈ సమస్యలన్నింటి నుండి బయట పడాలంటే నీరు మరియు వాటర్ కంటెంట్ ఎక్కువగా ఉండే పానీయాలు ఎక్కువగా త్రాగాలి... మీరు వేసవి సీజన్లో ఎక్కువ దప్పికతో శీతల పానీయాలు లేదా కార్బోనేటేడ్ పానీయాల వంటి అనారోగ్య పానీయాలను ఆశ్రయిస్తారు. ఈ పానీయాలు మీకు కేలరీలను జోడించవచ్చు. కానీ చాలా అనారోగ్యంగా ఉంటాయి. మీరు వేసవిలో దాహం తీర్చుకోవటం కొరకు వివిధ ఆరోగ్యకరమైన వేసవి పానీయాల గురించి తెలుసుకోవాలి. ఈ పానీయాలు మీ శరీర ద్రవాలను నింపటమే కాకుండా చెమట రూపంలో కోల్పోయిన వివిధ ఎలెక్ట్రోలైట్స్ ను సరఫరా చేస్తాయి.
మరి సమ్మర్ డీహైడ్రేషన్ ను నివారించే ఆ పానియాలేంటో చూద్దాం...

నీరు ఎక్కువగా త్రాగాలి:

డీ హైడ్రేషన్ శాతం తక్కువగా ఉన్నా సరే మీ మూడ్ పై దాని ప్రభావం మాత్రం తీవ్రంగా ఉంటుంది. అందులోనూ ఇది మహిళల్లోనే ఎక్కువగా కనిపిస్తుంది. అందుకని సరిపడా మంచి నీళ్లని తాగితే మంచి మూడ్‌లో ఉండడమే కాక స్పష్టంగా ఆలోచించే సామర్థ్యం కూడా వస్తుంది. ఏపని మొదలపట్టాలన్నా ముందుగా కొన్ని నీళ్ళు త్రాగాలి. వేసవిలో వాటర్ బాటిల్ మీ చెంత తీసుకెళ్ళాలి. ఎప్పడైతే కాలి అవుతుందో వెంటనే నీళ్ళు నింపుకొని అవసరం, దప్పికైనప్పుడు నీటిని తీసుకోవాలి. జ్యూసులు, పండ్ల రసాలు కాకుండా నీరు మాత్రమే రెండు మూడు లీటర్లు త్రాగాల్సి ఉంటుంది.

ఉప్పు, పంచదార నీళ్ళు

ఉప్పు, పంచదార నీళ్ళు కొన్ని సంవత్సరాలుగా మనుషులు ఉప్పు, పంచదార నీటిని వారి శరీరంలో డీహైడ్రేషన్ కి ఒక చక్కటి పరిష్కారంగా నిరూపించుకున్నారు. ఈ మిశ్రమాన్ని తయారుచేయడానికి ఒక పద్ధతి ఉంది. ఒక గ్లాసు నీటిలో అర చెంచా ఉప్పు, ఒక చెంచా పంచదార కలపండి. ఈ మిశ్రమాన్ని ఒక చెంచాతో బాగా కలపండి; పంచదార కరిగే వరకు ఆ మిశ్రమాన్ని కలపండి. ఆ మిశ్రమంలో ఒక్క పంచదార గుళిక కూడా కనిపించకూడదు.

పండ్ల రసాలు

పండ్ల రసాలు మీరు మార్కెట్ లో అనేక రకాల పండ్ల రసాలను చూసే ఉంటారు. మీరు ఆరంజ్, నిమ్మ వంటి రసం గల పండ్లను కొన్నిటిని తీసుకుని వాటితో అద్భుతమైన రసాలను చేయవచ్చు. జ్యూసర్ ని ఉపయోగించి పండ్ల రసాలను తయారుచేయండి. మీరు ఒక పండును తీసుకుని సాధారణ పండ్ల రసాన్ని తయారుచేయవచ్చు లేదా అన్ని రకాల పండ్ల మిశ్రమంతో కలబోత పండ్ల రసాన్ని చక్కగా తయారుచేయవచ్చు. మీరు కొద్దిపాటి ఉప్పు, పంచదార ఆ పండ్ల రసాలలో కలిపితే దాని రుచి మరింత పెరుగుతుంది.

ఇతర పానీయాలు:

అధిక వేడి ఉన్న పరిస్థితుల్లో శరీరం నీటిని కోల్పోకుండా అధికంగా నీళ్లు, కొబ్బరి నీరు, గ్లూకోజ్‌, ఎలక్ట్రాల్‌, పల్చని మజ్జిగ, ఆమ్ పన్నా, నిమ్మరసం, లస్సీ, పళ్లరసం తాగించాలి. ఇవి అందుబాటులో లేకుంటే ఒక గ్లాసు నీళ్లలో స్పూను చక్కెర, చిటికెడు ఉప్పు వేసి తాగించాలి. తక్షణం వైద్య సహాయం తీసుకోవడం అవసరం. వీటిని బయట వెళ్ళేటప్పుడు మీ వెంట తీసుకెళ్ళడం కూడా బెస్ట్.

లెమన్ జ్యూస్:

నిమ్మకాయ నీళ్ళు నిమ్మకాయ అద్భుతమైన సహజ పదార్ధాలలో ఒకటి, ఇది డీహైడ్రేషన్ నుండి మిమ్మల్ని కాపాడటమే కాకుండా, మీరు తాజాగా, ఉత్సాహంగా కూడా ఉండేట్లు చేస్తుంది. మీరు డీహైడ్రేషన్ ని నిర్మూలించడానికి రోజులో ఒకసారి మధ్యాహ్న సమయంలో నిమ్మరసం తాగడం అవసరం.

మింట్ వాటర్

పుల్లటి వాటర్ ఒక గ్లాస్ నీటిలో దోసకాయ ముక్క, కొన్ని పుదీనా ఆకులు మరియు నారింజ ముక్కలను ఉంచండి. ఈ నీటికి పుల్లటి రుచి వస్తుంది. అలాగే విటమిన్ సి కూడా సమృద్దిగా ఉంటుంది. ఈ ఆరోగ్యకరమైన పానీయంలో యాంటీ ఆక్సిడెంట్ లక్షణాలు ఉండుట వలన వేడి దద్దుర్ల నుండి మిమ్మల్ని రక్షిస్తుంది.

లెమన్ అండ్ మింట్ వాటర్:

నిమ్మకాయ మరియు పుదీనా పానీయం ఒక గ్లాస్ నీటిలో కొన్ని పుదీనా ఆకులు మరియు నిమ్మ ముక్కలు ఉంచి 15 నిమిషాలు మరిగించాలి. అది చల్లారిన తర్వాత తేనే కలపాలి. ఇది వేసవి వేడి మరియు నిర్జలీకరణం నుండి మిమ్మల్ని రక్షించడానికి ఉత్తమ పానీయాలలో ఒకటి.

వాటర్ మెలోన్ జ్యూస్:

పుచ్చకాయ పానీయం పుచ్చకాయ జ్యూస్ చేయడానికి రెండు స్పూన్ల నిమ్మ రసం మరియు చిటికెడు ఉప్పు కలపాలి. ఇది వేసవిలో అవసరమైన అన్ని ఖనిజాలను మీ శరీరంనకు సరఫరా చేస్తుంది. ఇది మీకు ఒక పరిపూర్ణ వేసవి పానీయంగా ఉంటుంది. ఇది నిర్జలీకరణ కోసం ఒక ఉత్తమ శక్తి పానీయంగా చాలా బాగా పనిచేస్తుంది.

ఐస్ తో బటర్ మిల్క్

ఇది మీ దాహం తీర్చటం కొరకు మరియు వేసవిలో అనేక విధాలుగా మీ శరీరానికి ప్రయోజనం కలిగించే ఉత్తమ వేసవి పానీయాలలో ఒకటి. కొంత పెరుగు తీసుకుని దానికి ఉప్పు, కొద్దిగా తేనె, స్ట్రాబెర్రీ గుజ్జు మరియు కొన్ని ఎండిన పుదీనా ఆకులు కలపాలి. వేసవి సమయంలో చల్లగా కావాలని అనుకుంటే కొన్ని ఐస్ క్యూబ్స్ వేసుకోవచ్చు.

మస్క్ మెలోన్ జ్యూస్:

దోసకాయ మరియు కస్తూరి పుచ్చకాయ పానీయం ఒక జ్యుసర్ లో దోసకాయ మరియు కస్తూరి పుచ్చకాయ ముక్కలను వేసి జ్యూస్ తీయాలి. దీనికి అర స్పూన్ తేనే మరియు చిటికెడు ఉప్పు కలపాలి. అంతేకాక దానికి కొంచెం జీలకర్ర మరియు తాజా పుదీనా ఆకులను కూడా కలపవచ్చు. ఈ పానీయం మీ శరీరంనకు స్వస్తత మరియు అధిక చెమట పట్టుటను నిరోధిస్తుంది.

కుకుంబర్ జ్యూస్:

దోసకాయ పానీయం ఒక జ్యుసర్ లో దోసకాయ ముక్కలను వేసి జ్యూస్ తీయాలి. దీనికి అర స్పూన్ తేనే మరియు చిటికెడు ఉప్పు కలపాలి. అంతేకాక దానికి కొంచెం జీలకర్ర మరియు తాజా పుదీనా ఆకులను కూడా కలపవచ్చు. ఈ పానీయం మీ శరీరంనకు స్వస్తత మరియు అధిక చెమట పట్టుటను నిరోధిస్తుంది.

పెరుగు పానీయం

ఒక కప్పు పెరుగులో కొన్ని నీళ్ళు,జీలకర్ర, అల్లం ముక్కలు మరియు చిటికెడు ఉప్పు వేయండి. ఈ పానీయంను తయారు చేయడానికి బాగా కలపాలి. దీనిలో మంచి బ్యాక్టీరియా (ప్రోబయోటిక్స్), ఆక్సీకరణ మరియు ఎలెక్ట్రోలైట్స్ సమృద్ధిగా ఉంటాయి. ఇది వివిధ రకాల వేసవి అంటువ్యాధుల నుండి మీ శరీరంను రక్షిస్తుంది. అలాగే నిర్జలీకరణము నుండి మిమ్మల్ని రక్షిస్తుంది.