ఏ మాత్రం నిర్లక్ష్యం చేయకూడని విటమిన్ లోపం లక్షణాలు

నోటి చుట్టూ పగుళ్లు

విటమిన్ బి, జింక్ ఐరన్ లోపం వల్ల ఇలాంటి లక్షణాలు కనిపిస్తాయి. ఇలాంటి సంకేతం మీలో ఉంటే.. కోడిగుడ్లు, ఫిష్, వేరుశనగలు, గింజలు, క్యాబేజ్, బ్రొకోలి, క్యాప్సికమ్, టమోటాలు తీసుకోవాలి.

హెయిర్ లాస్

జుట్టు విపరీతంగా రాలిపోవడం, రాషెష్ రావడం వంటి లక్షణాలు విటమిన్ కె, ఈ, డి, బి7, విటమిన్ ఏ లోపం వల్ల కనిపిస్తాయి. అలాగే జింక్ లోపం వల్ల కూడా ఈ లక్షణాలు కనిపించవచ్చు. కాబట్టి అవకాడో, డ్రై ఫ్రూట్స్, అరటిపండ్లు, మష్రూమ్స్, గుమ్మడి విత్తనాలు, వోల్ గ్రెయిన్స్ తీసుకోవాలి.

శరీరమంతా యాక్నె

విటమిన్ డి, విటమిన్ ఏ లోపం కారణంగా ముఖంపై మాత్రమే కాదు.. శరీరమంతా మొటిమలు వస్తాయి. కాబట్టి శ్యాచురేటెడ్ ఫ్యాట్ తీసుకోవడం తగ్గించాలి. ఫ్లాక్స్ సీడ్స్, డ్రై ఫ్రూట్స్, క్యాప్సికమ్, చిలకడదుంప, క్యారెట్స్, వాల్ నట్స్, బాదాం తీసుకోవాలి.

దురద

శరీరంపై దురద ఎక్కువగా ఉందంటే.. విటమిన్ బి, బి 12, బి9, బి6 లోపంగా గుర్తించాలి. ఇలాంటప్పుడు సీ ఫుడ్, ఎగ్స్, లీఫీ గ్రీన్స్ తీసుకోవాలి.

క్రాంప్స్

విటమిన్ బి, మినలర్స్ అయిన మాంగనీస్, క్యాల్షియం, పొటాషియం లోపం వల్ల క్రాంప్స్ వస్తాయి. అలాంటప్పుడు బాదాం, అరటిపండ్లు, స్పినాచ్, క్యాబేజ్, యాపిల్స్, చెర్రీస్ తీసుకోవాలి.

విటమిన్ బి

విటమిన్ బి లోపించినప్పుడు అలసట, నిద్రలేమి, డిప్రెషన్, డైజెస్టివ్ ప్రాబ్లమ్స్, వెయిట్ లాస్ సమస్యలు ఎదురవుతాయి.

విటమిన్ సి

విటమిన్ సి శరీరంలో లోపించినప్పుడు చిగుళ్లలో రక్తస్రావం, జీర్ణం కాకపోవడం, ముక్కులో నుంచి రక్తం రావడం, జాయింట్ పెయిన్స్ వేధిస్తాయి. ఇలాంటి సమస్య ఎదుర్కొనే వాళ్లు రోజూ నిమ్మరసం తీసుకోవాలి.