Rift Valley Fever:RVF ఫీవర్ అంటే ఏమిటి? దాని లక్షణాలు, ట్రీట్మెంట్ ఎలాగో తెలుసుకోండి...

రిఫ్ట్ వ్యాలీ ఫీవర్(RVF) అంటే ఏమిటి?

రిఫ్ట్ వ్యాలీ ఫీవర్(RVF) అనేది తీవ్రమైన వైరల్ నోసోకోమియల్ ఇన్ఫెక్షన్, ఇది ప్రధానంగా పెంపుడు జంతువులను(గొర్రెలు, మేకలు, గేదెలు, ఒంటెలు వంటివి) ప్రభావితం చేయొచ్చు. అయితే మనుషులపైనా దీని ప్రభావం పెరుగుతోంది. ఆర్వీఎఫ్ వైరస్ బున్యావైరల్స్ క్రమానికి చెందిన ఫ్లెబోవైరస్ జాతికి చెందినది, అనారోగ్యానికి కారణమవుతుంది. హంటా వైరస్ లు, క్రిమియన్-కాంగో హెమరేజిక్ ఫీవర్(CCHF) వైరస్ వంటి కొన్ని బన్యావైరల్స్ ప్రజలలో అనారోగ్యానికి కారణమవుతాయి.

రిఫ్ట్ వ్యాలీ ఫీవర్(RVF)ఎలా సంక్రమిస్తుంది?

ఇది సోకిన జంతువుల రక్తం లేదా అవయవాలతో ప్రత్యక్షంగా లేదా పరోక్షంగా సంపర్కం చేయడం వల్ల మానవులలో చాలా వరకు అనారోగ్యాలు సంభవిస్తాయి. పశువులను కభేళాకు తరలించే సమయంలో, జంతువుల వైద్యానికి సహాయం చేసే సమయంలో, వాటిని తరలించే సమయంలో ఎక్కువ సంక్రమణకు అవకాశం ఉంది. ఈ వైరస్ వ్యాధి సోకిన కత్తి నుండి లేదా వైరస్ సోకిన జంతువులను వధ చేసిన సమయంలో, వాటి నుండి ఏరోసోల్ ను పీల్చడం వంటి వాటి వల్ల ఈ మహమ్మారి సోకుతుంది.

రిఫ్ట్ వ్యాలీ ఫీవర్(RVF) లక్షణాలు..

ఈ వైరస్ కు గురైన తర్వాత RVF రెండు నుండి ఆరు రోజులలోపు డెవలప్ అవుతుంది. ఈ లక్షణాలు అనేక రకాల వ్యాధి సిండ్రోమ్ లకు కారణం కావొచ్చు. సాధారణంగా రిఫ్ట్ వ్యాలీ ఫీవర్(RVF) లక్షణాలలో మొదటిది, తేలికపాటి అనారోగ్యం కలిగి ఉండటం. ఇందులో భాగంగా జ్వరం, బలహీనత, వెన్నునొప్పి, కళ్లు తిరగడం వంటి సమస్యలు వస్తాయి. ఈ లక్షణాలు ప్రారంభమైన తర్వాత రోగులు రెండు రోజుల నుండి ఒక వారంలోపు కోలుకుంటారు.

రిఫ్ట్ వ్యాలీ ఫీవర్(RVF) ట్రీట్మెంట్..

ఇప్పటివరకు రిఫ్ట్ వ్యాలీ ఫీవర్(RVF) FDA-ఆమోదిత మందులు లేవు. RVF యొక్క చాలా సంఘటనలు చిన్నవి మరియు స్వీయ పరిమితం అయినందున దీనికి నిర్దిష్ట చికిత్స లేదు. జ్వరం మరియు శరీరం నొప్పులు చిన్న అనారోగ్యం యొక్క సాధారణ లక్షణాలను ఓవర్-ది-కౌంటర్ మందులతో నయం చేయొచ్చని డాక్టర్లు సూచిస్తున్నారు. ఈ లక్షణాలు ప్రారంభమైన వారంలోపే కోలుకుంటారు. అయితే తీవ్రమైన లక్షణాలు ఉంటే మాత్రం ఆసుపత్రిలో చేరాల్సి ఉంటుంది.