వాడి పారేసిన ప్లాస్టిక్ కప్పులను తిరిగి వాడుకోగలిగే సరికొత్త విధానాలు

టూత్ బ్రష్ హోల్డర్

పెరుగుతో వచ్చే కప్పులను వేస్టు చేయకండి. వాటిని బాగా కడిగేసి, మీ బాత్ రూంలో టూత్ బ్రష్ లను పెట్టుకోడానికి వాడుకోండి. మళ్ళీ దానికోసం కొత్తది కొని డబ్బు వేస్టు చేయడం ఎందుకు, కదా? పిల్లలకి బాత్ రూంలో రంగురంగుల కప్పులు నచ్చుతాయి.

నాణేలు వేసి పెట్టుకోవచ్చు

చిల్లర కోసం వెతికేటప్పుడు మీరెంత చిరాకు పడతారో తెల్సా. వాటిని హాయిగా ప్లాస్టిక్ కప్పుల్లో పెట్టుకుంటే, ఎప్పుడు కావాలంటే అప్పుడు వెతుక్కోవాల్సిన అవసరం ఉండదు. ఇలాంటి కప్పును మీ కార్ యొక్క కప్ హోల్డర్ లో కూడా ఒకటి పెట్టుకోవచ్చు. మీరు ఎక్కడ పెట్టారో ఇలా తెలిసాక ఇంక చిల్లర కోసం వెతుక్కోవక్కర్లేదు.

రోజువారీ నగలు దాచుకోవచ్చు

ప్లాస్టిక్ కప్పులను వాడుకోటానికి ఇదో మంచి మార్గం. మీకెంతో ఇష్టమైన ఇయర్ రింగ్స్ దొరకనప్పుడు మీరెన్నిసార్లు మీ అమ్మగారిపై అరిచి ఉంటారు? ఇంక అరవక్కర్లేదు. మీ రోజువారీ నగలను పేపర్లో చుట్టి, ప్లాస్టిక్ కప్పుల్లో పెట్టండి. ఆ కప్పులను ఒక బాక్స్ లో పెట్టుకోండి.

మొక్కల విత్తనాలు

ప్లాస్టిక్ కప్పులను తిరిగి వాడటానికి ఇది చాలా ఉపయోగకరమైన విధానం. మీకు మొక్కలను పెంచే హాబీ ఉందా? కప్పులను అయితే మట్టితో నింపి, విత్తనాలు నాటండి. ఆకులు వస్తున్నప్పుడు వాటిని తీసుకెళ్ళి పెద్ద కుండీలలోకి మార్చండి. కప్పుల కింద సన్నని చిల్లులు చేయటం మర్చిపోకండి.

పేపర్ వెయిట్ గా వాడండి

ఎలా? కప్పులో సింపుల్ గా రాళ్లను నింపేసి పేపర్ వెయిట్ గా వాడుకోండి. రోడ్డు పక్కన కన్పించే రాళ్ళు అయినా ఫర్వాలేదు. వాటిని కడగండి. మీకు ఇంకా అందంగా కన్పించాలంటే హోం డెకర్ షాపుల్లో రంగురంగుల రాళ్ళు కూడా లభిస్తాయి.

రంగుల ప్యాలెట్ గా వాడుకోండి

ప్లాస్టిక్ కప్పులు తిరిగి ఉపయోగపడే మరో అద్భుతమైన పద్దతి ఇది. మీరు చిత్రకారులైతే, పెయింట్ ట్యూబ్ లలోంచి రంగులను తీసి, కలపాల్సి ఉంటుంది. మీరు విడివిడిగా ప్లాస్టిక్ కప్పులను వాడితే, రకరకాల షేడ్లను ప్రయత్నించటానికి సులువుగా ఉంటుంది.

పండగ లైట్లు

ప్లాస్టిక్ కప్పులను సృజనాత్మకంగా వాడే ఐడియా ఇది. దీపావళి లేదా క్రిస్మస్ అప్పుడు, మీ ఇంటిని ఎలాగో లైట్లు, దీపాలతో అలంకరిస్తారు. ప్లాస్టిక్ కప్పులను ఈ లైట్ల షేడ్లలాగా పెట్టండి, మీ చుట్టూ పరిసరాలు మరింత అందంగా కాంతితో మెరిసిపోతాయి.

లాలీపాప్ అచ్చు

ప్లాస్టిక్ కప్పులను తిరిగి వాడగలిగే విధానాల లిస్టులో ఆఖరిగా ఇది మరో అద్భుతమైన ఆలోచన. ప్లాస్టిక్ కప్పుల్లో రంగునీరును పోసి, ఫ్రిజ్ లో పెట్టండి. మీకూ, మీ పిల్లలకి రంగురంగుల, రుచికరమైన లాలీపాప్ లు రెడీ అవుతాయి.