ప్రతి రాశిచక్రం లోని విశిష్టమైన లక్షణాలు ఇవే.. !

Written By: ChaitanyaKumar ARK
Subscribe to Boldsky

మనలో ప్రతి ఒక్కరమూ జీవితంలో అనేక నియమ నిబంధనలతో, అనేక సూత్రాలను అనుసరిస్తూ ఒక ప్రణాళికా బద్దంగా నడుపబడుతుంటాము. కొన్ని మనకు నచ్చినా నచ్చకపోయినా అనుసరించక తప్పని పరిస్థితులు ఉంటాయి కూడా. ఆ నియమాలను దాటి లేదా విభేదించడానికి మనసు ఎన్నటికీ అంగీకరించదు కూడా.

కానీ కొన్ని పరిస్థితుల దృష్ట్యా అటువంటి పరిస్థితులకు లోనయినప్పుడు, మానసిక సంఘర్షణకు గురై మనసు కకావికలం అవుతుంది. ఇలాంటి మానసిక సంఘర్షణలు ఎదురైనప్పుడు, కొందరు ధైర్యంగా ఎదుర్కొంటే, కొందరు సర్దుకుపోయే తత్వాన్ని ప్రదర్శిస్తుంటారు.

Best Qualities Of Each Zodiac Sign

కానీ ఎట్టి పరిస్థితులలో జీవితంలో కొన్ని విషయముల యందు మనసు సర్దుకోలేదు. దీనికి వ్యక్తిత్వం ప్రధాన కారణంగా ఉంటుంది.

అలాంటి నియమాలు లేదా విలువలు వాస్తవానికి చిన్నవిషయాలే అయినా కూడా అవి వ్యక్తిత్వాన్ని ప్రతిబింబించేలా చేయగలవు అన్నది నిజం. కొన్ని ప్రత్యేకించిన వ్యక్తిత్వ లక్షణాలను రాశి చక్రాల ద్వారా స్పష్టంగా తెలుసుకునే వీలు ఉంది.

ఇక్కడ రాశి చక్రాలు, మరియు వాటి సహజ వ్యక్తిత్వ లక్షణాలను గూర్చి పొందుపరచడం జరిగినది.

మేష రాశి:

మేష రాశి:

మీరు మేష రాశి వారు అయి ఉంటే, అత్యుత్తమ ధైర్య సాహసాలు కలిగిన వ్యక్తిగా ఉంటారు. సహజంగా పుట్టుకతోనే నాయకత్వపు లక్షణాలను కలిగి ఉంటారు అనడంలో ఏమాత్రం ఆశ్చర్యం లేదు. ఒకరి సూచనల ప్రకారం జీవితాన్ని నడపడం మీరు ఎన్నటికీ సహించలేరు. మీ మనసుకు తోచింది మీరు చేయడానికే ఎప్పుడూ సంసిద్దత వ్యక్తపరుస్తూ ఉంటారు. వ్యక్తిగతంగా మీరు కొన్ని ప్రత్యేక లక్షణాలను కలిగి ఉంటారు, తద్వారా మిమ్ములను మీరు నియంత్రించుకునే శక్తి కలిగిన వారిగా ఉంటారు. ప్రతి చోటా, ప్రతి విషయము నందు ఎత్తైన శిఖరాన్నే ఆలోచిస్తారు. తద్వారా మీ ఆలోచనలు ఎంతో ఉన్నతమైనవిగా ఉంటాయి.

వృషభ రాశి :

వృషభ రాశి :

మీరు వృషభ రాశికి చెందిన వారైతే , ఎవరైనా మీ అనుమతి లేకుండా మీ వ్యవహారాలలో తల దూరిస్తే, ఎన్నటికీ సహించలేరు. అటువంటి వ్యక్తులను వీలైనంత దూరంగా ఉంచడానికి ప్రయత్నిస్తుంటారు. మీ భావాలను ఒకరితో పంచుకొనుటకు ఎన్నటికీ సిద్దంగా ఉండరు. మీరు ఒకవేళ మీ భావాలను పంచుకోవాలని భావిస్తే, అవతలి వ్యక్తి కచ్చితంగా మీ మనసుకు దగ్గర అయిన వారే ఉంటారు. మీ వ్యక్తిత్వాన్ని తరచుగా ఒకరికోసం మార్చుకోవడానికి ఇష్టపడరు. ఎప్పటికప్పుడు పరిస్థితులకు అనుగుణంగా ఆలోచనలు చేసే తత్వం మీ సొంతం. మరియు అత్యంత కుటుంబ విలువలు కలిగిన వారిగా ఉంటారు. ప్రతి అడుగు, ప్రతి ఆలోచన మీ కుటుంబం ఎదుగుదలకోసమే అన్నట్లు ఉంటారు. ఒక్కమాటలో చెప్పాలి అంటే, మీ ప్రియమైన వారికి మీరే ఒక ధైర్యం. నిరంతరం రక్షణ కవచంలా ఉండే మనస్తత్వాన్ని కలిగి ఉంటారు.

మిధున రాశి :

మిధున రాశి :

ఒకవేళ మీరు మిధున రాశికి చెందిన వారైతే, ఎవరైనా మిమ్ములను భాధపెట్టినా, ఎగతాళి చేసినా, వారిని పట్టించుకోని మనస్థత్వాన్ని కలిగి ఉంటారు. మరియు మరలా వారితో సంభాషణలు చేయుటకు సిద్దంగా ఉండరు. ఇలాంటి చర్యలకు స్పందించడం కన్నా, ఇతర ముఖ్యమైన విషయాల గురించిన ఆలోచనలు చేయడమే మంచిది అని మీ భావనగా ఉంటుంది. మీ ప్రియమైన మరియు కుటుంబ సభ్యుల సమస్యలను మీ సమస్యలుగా భావించి వారి వెన్నుదన్నులా ఉంటారు. కానీ సమస్యలు మీ దాకా వస్తే , వాటిని అంత తీవ్రంగా పరిగణించరు. కానీ మీపట్ల మీ కుటుంబానికి అమితమైన ప్రేమ ఉంటుంది.

కర్కాటక రాశి :

కర్కాటక రాశి :

మీరు కర్కాటక రాశికి చెందిన వారైతే, మీ కుటుంబానికే మీరు అత్యదిక విలువలను ఇస్తుంటారు. ఎప్పటికీ మీ కుటుంబమే మీ ప్రధాన అంశంగా ఉంటుంది. మరియు మీరు ఎక్కువగా ఇష్టపడిన అంశాల పట్ల మాత్రమే జాగ్రత్తను కలిగి ఉంటారు. జీవితంలో ఎంతో ముఖ్యమైన వారి పట్ల హేయభావం చూపడం మీకు నచ్చని అంశం. ఎక్కువగా మీ చుట్టూతా మీ ప్రియమైన వారు ఉండేలా చూడడం మీకు అలవాటుగా ఉంటుంది. మీరు ఒంటరిగా ఉండడానికి ఇష్టపడరు. పని పట్ల నిబద్దత, క్రమశిక్షణ, పట్టుదల అధికంగా ఉండే స్వభావం వలన, సంఘంలో మంచి పేరును పొందగలరు.

సింహ రాశి :

సింహ రాశి :

మీరు సింహ రాశి వారైతే, ఎప్పుడూ ఒకరిని గెలవాలన్న లక్షణాన్ని ప్రదర్శిస్తూ ఉంటారు. మరియు అన్నిటా మీరే కేంద్రబిందువు కావాలని ఆకాంక్షిస్తూ ఉంటారు. మిమ్ములను ఎవరైనా అధిగమించాలని ప్రయత్నిస్తే అస్సలు సహించలేరు. మీ మార్గంలో ఎటువంటి ఒడిదుడుకులు లేకుండా ప్రణాళికా బద్దంగా ఉండాలన్న ఆలోచనలను కలిగి ఉంటారు. మీకు సహజంగా కోపం కూడా ఎక్కువగా ఉంటుంది. మిమ్ములను పట్టించుకోని తత్వాన్ని ప్రదర్శిస్తే, వారి పట్ల అయిష్టతను ప్రదర్శిస్తుంటారు. కానీ మీ ప్రతి ఆలోచన వెనుక మీ కుటుంబ సభ్యుల క్షేమం ఉంటుంది. మీ లక్ష్య సాధనలో వెనుకడుగు వేయకుండా విజయం దృష్ట్యా అడుగులు వేస్తుంటారు. ప్రతికూల ప్రభావిత అంశాలు ఎన్ని ఎదురైనా వెన్ను చూపని మనస్తత్వాన్ని ప్రదర్శిస్తుంటారు.

కన్యా రాశి:

కన్యా రాశి:

మీరు కన్యా రాశి వారైతే, మీరు ప్రతి అంశం నందు ప్రణాళికా బద్దమైన ఆలోచనలు చేస్తుంటారు. ప్రతి ఒక్క చర్యలోనూ నిక్కచ్చిగా ఉండాలన్న మీ లక్షణం, కొందరిలో అసూయకు కూడా కారణం అవుతుoది. మీరు చిన్ని చిన్ని విషయాలను కూడా అందంగా మలచుకునే ప్రయత్నాన్ని చేస్తుంటారు. మీరు మీ పాత జీవితాన్ని లేదా కష్ట సమయాలను ఎన్నటికీ మర్చిపోలేరు. తద్వారా మీ జీవితాన్ని అర్ధవంతంగా మార్చుకునేలా కష్టపడుతారు. గొప్ప వ్యక్తిత్వం కలిగిన వారుగా ఉంటారు.

తులా రాశి:

తులా రాశి:

మీరు తులా రాశికి చెందిన వారైతే, మీకు స్నేహితుల సంఖ్య కాస్త ఎక్కువగానే ఉంటుంది. కానీ మీరు చెడు ఆలోచనలు కలిగిన లేదా వెన్నుపోటు లక్షణాలు కలిగిన వారిని మాత్రం ఎన్నటికీ దరికి చేరనియ్యరు. మీ ప్రతి ఆలోచనల వెనుక మీ కుటుంబ సభ్యులు లేదా మీ ప్రియమైన వారి గురించిన ఆలోచనలే ఉంటాయి. మీరు పరిస్థితులను చక్కదిద్దడంలో మరియు తెలివిని ప్రదర్శించడంలో దిట్టగా ఉంటారు. మీ ప్రియమైన వారి పట్ల మీరెంత ప్రేమను ప్రదర్శిస్తున్నారో, అంతే ప్రేమను తిరిగి పొందాలన్న ఆలోచనలు చేస్తుంటారు. మీ వ్యక్తిత్వం మార్చాలని ఎవరైనా ప్రయత్నిస్తే వారిని శత్రువులుగా చూస్తారు. మీ అంతరాత్మతో చర్చించుకున్నాకనే నిర్ణయాలు తీసుకునే మనస్తత్వాన్ని కలిగి ఉంటారు.

వృశ్చికరాశి :

వృశ్చికరాశి :

మీరు వృశ్చిక రాశికి చెందిన వారైతే, మీకు అసాధ్యమైంది అంటూ ఏదీ లేదన్న భావనలో ఉంటారు. తద్వారా ఎవరైనా పనియందు సాకులు చెప్తే అస్సలు సహించలేరు. అబద్దాలను, అబద్దాలు చెప్పేవారిని, మోసగాళ్ళను, వెన్నుపోటుదారులను మీ జీవితంలో ఉండడానికి కూడా అంగీకరించలేరు. ఉత్తమమైన విలువలు కలిగి ఉండడానికి ప్రయత్నిస్తూ, మీ చుట్టూ పరిసరాలు కూడా అలాగే ఉండాలన్న ఆలోచనలు చేస్తుంటారు. ఒక్కోసారి మీ కోపం వెనుక దాగున్న అర్ధం తెలుసుకోలేక, మీ ప్రియమైన వారు కూడా పొరబడుతుంటారు. కానీ ఎటువంటి సమస్యనైనా సాధించగల తత్వం మీ నైజం.

ధనుస్సు రాశి :

ధనుస్సు రాశి :

ఒకవేళ మీరు ధనుస్సు రాశికి చెందినవారైతే, మీ మనసులో ఉన్న భావాలను వ్యక్తపరచడంలో ముందు ఉంటారు. తద్వారా, మీ మనసులు ఏమనుకుంటే అది మాట్లాడే నైజాన్ని కలిగి ఉంటారు. ఒకరు ఏమనుకుంటారో అన్న ఆలోచన కూడా లేకుండా మీ మనసుకు తోచింది మాట్లాడడానికే మొగ్గు చూపుతుంటారు. లోపల ఒకటి బయట ఒకటి మాట్లాడే తత్వాన్ని క్షమించలేరు. అలాంటి వ్యక్తుల పట్ల హేయభావాన్ని ప్రదర్శిస్తుంటారు. ఇలాంటివే సంబంధాల నాశనానికి కూడా దారితీస్తుంటుంది. కానీ మిమ్ములను అర్ధం చేసుకున్న వారు మాత్రం మిమ్ములను ఎప్పటికీ వీడిపోలేరు.

మకర రాశి :

మకర రాశి :

మీరు మకర రాశికి చెందినవారైతే, మీరు అత్యధిక ధైర్య సాహసాలకు ప్రతీకగా ఉంటారు. ఎటువంటి విషయమునందైనా ధైర్యంగా అడుగెయ్యడం మీ సహజ లక్షణంగా ఉంటుంది. మీరు రెండు నాలికల ధోరణి కలిగిన వారిని అస్సలు క్షమించలేరు. అటువంటి వారి పట్ల క్రూరత్వాన్ని కూడా ప్రదర్శిస్తుంటారు. తద్వారా కాస్త శత్రువులు కూడా ఎక్కువగానే ఉంటారు. మరియు ఎగతాళి చేసేవారికి గుణపాఠo చెప్పాలన్న ఆలోచన చేస్తుంటారు.

కుంభ రాశి :

కుంభ రాశి :

మీరు కుంభ రాశికి చెందిన వారైతే, అన్నిటా ఉత్తమమైన ఫలితాలను అందివ్వాలన్న ఆలోచనలు చేస్తుంటారు, క్రమశిక్షణకు, పట్టుదలకు మారుపేరుగా ఉంటారు. మీ విజయానికి ఎటువంటి ప్రతిబంధకాలు ఎదురొచ్చినా మిన్నకుండక ఎదురొడ్డి పోరాడే స్వభావాన్ని కలిగి ఉంటారు. మీరు కుటుంబం పట్ల, ప్రియమైన వారి పట్ల అధిక ప్రేమలను కలిగి ఉంటారు. కానీ ఎవరిమీదైనా ఒక్కసారి హేయభావం ఏర్పడితే, జీవితంలో వారిని చూడడానికి కూడా సంసిద్దంగా ఉండరు. నాటకీయ లక్షణాలు మీకు నచ్చవు. మరియు ఎగతాళి చేసేవారిని, మీ వ్యతిరేకులను అస్సలు క్షమించలేరు.

మీన రాశి :

మీన రాశి :

మీరు మీన రాశికి చెందినవారైతే, మీరు దాపరికత లక్షణాన్ని కలిగి ఉంటారు. ఎక్కువగా కలలలో విహరించే స్వభావాన్ని కలిగి ఉండే మీరు, మీ చుట్టుపక్కల కూడా ఒక ప్రత్యేకమైన వాతావరణాన్ని కోరుకుంటారు. మీరు కోరుకున్న విధంగా మీ కుటుంబ సభ్యులు లేదా ప్రియమైన వారు లేని ఎడల, అసౌకర్యానికి గురవుతూ ఉంటారు.

English summary

Best Qualities Of Each Zodiac Sign

We all possess our very own specialized set of rules, principles or just boundaries in our lives that we very much like to follow. We do not like crossing or disrupting these no matter what. And if ever, whether it is ourselves or others, place even a step towards crossing them, it can really make us go crazy beyond limits.