Suicide Prevention Day 2020 : ఉన్నది ఒక్కటే జిందగీ... దాన్ని మధ్యలో ఖతమ్ చేయకండి...

అవకాశాన్ని వదులుకోవద్దు..

మీ అందరికీ గొంగళి పురుగు గురించి తెలుసు కదా.. అది గొంగళి పురుగుగానే జీవితం ముగుస్తుందని అందరం అనుకుంటే.. చివరాఖరిలో ఒక్క క్షణం అద్భుతం జరుగుతుంది. అంతే అది అప్పటినుండి అందమైన సీతాకోకచిలుకలాగా మారిపోతుంది. అలా మీ జీవితంలో కూడా ఎప్పుడో ఒకప్పుడు లేదా చివర్లో అయినా ఒక అద్భుత క్షణం రావచ్చు. అలాంటి అవకాశాన్ని వదులుకోకండి.

ఇలా ముగిస్తా..

‘నా కథను నాకు నచ్చిన విధంగానే ముగిస్తాను.. ఎవ్వరికో నచ్చినట్టు కాదు' అని చెప్పే వక్తి మీకు కూడా ఉంది.

మురికి బొగ్గు ఒత్తిడితోనే వజ్రాలు..

ప్రతి ఒక్కరూ వజ్రంలాగా మెరవాలని కోరుకుంటారు. అయితే అందుకు కొన్ని కఠినమైన పరిస్థితులు ఎదురైతే మాత్రం భయపడిపోతారు. కానీ మీరు ఒక్క విషయం గుర్తుంచుకోవాలి. ఎప్పటికీ ప్రకాశవంతంగా ఉండే వజ్రం కూడా మురికి బొగ్గు ఒత్తిడితో తయారవుతుంది. అలాగే మీ జీవితంలోని కొన్ని క్లిష్ట పరిస్థితులను ఎదుర్కొన్నప్పుడే మీరు కూడా మెరుగ్గా ఉంటారు.

ఒక్కసారే మరణం..

ఆత్మహత్య చేసుకున్న వ్యక్తి ఒక్కసారి మాత్రమే మరణిస్తాడు. అయితే వారిని నమ్ముకున్న తల్లిదండ్రులు, భాగస్వాములు, తోబుట్టువులు మాత్రం బతికుండి ప్రతిరోజూ మరణిస్తూనే ఉంటారు. ఆ భయంకరమైన విషయాలను మరచిపోవడానికి చాలా కష్టపడుతుంటారు. కాబట్టి మీరు సూసైడ్ వంటి నిర్ణయాలను తీసుకునేటప్పుడు ఒక్కసారి వారి గురించి ఆలోచించండి.

సమస్య అంతం కాదు..

ఆత్మహత్య మీ సమస్యకు ఎప్పటికీ పరిష్కారం కాదు. ఒకవేళ మీరు చనిపోయినా.. ఆ సమస్య మీ సన్నిహితులకు, బంధువులకు, తల్లిదండ్రులకు చేరుతుంది.

ముచ్చట్లతో ముగింపు..

సూసైడ్ వంటి ఆలోచనలు వస్తే, అలాంటి వారు ఎంత వీలైతే.. అంత తొందరగా.. మీ ఫ్యామిలీతో లేదా స్నేహితులతో మాట్లాడుతూ ఉండాలి. అలాగే వారు కూడా వారికి ధైర్యం చెబుతూ ఉండాలి.

తప్పుగా మాట్లాడినా..

మీరు ఏదైనా తప్పుగా మాట్లాడినా భయపడకండి. ఎదుటి వ్యక్తి కళ్లలో కళ్లు పెట్టి స్నేహపూర్వకంగా మాట్లాడండి. మీరు మూర్తిగా మాటల మీదే ఫోకస్ పెంచాలి. మీ స్మార్ట్ ఫోనుకు వీలైనంత దూరంగా ఉండాలి.

మగాళ్లే ఎక్కువ..

ఆత్మహత్యలు చేసుకుంటున్న వారిలో మగవారి సంఖ్యే ఎక్కువగా ఉందని ప్రపంచ ఆరోగ్య సంస్థ గణంకాలు చెబుతున్నాయి. వారి లెక్కల ప్రకారం మగవారు 13.5 శాతం మంది సూసైడ్ చేసుకుంటుండగా.. ఆడవారం 7.7 శాతం మంది సూసైడ్ చేసుకుంటున్నారని తేలింది.

మానసిక ఒత్తిడి..

చాలా మంది తమ జీవితంలో ఆర్థిక సమస్యలు, కుటుంబ కలహాలు, అక్రమ సంబంధాలు, దీర్ఘకాలిక మానసిక ఒత్తిళ్లు, ప్రేమలో విఫలమవడం లేదా తీవ్ర అనారోగ్యం లాంటి పరిస్థితుల్లో చాలా మంది తమ ప్రాణాలను తీసుకుంటున్నారని తెలిసింది.