ఎప్పుడైనా లైంగిక సంబంధం తర్వాత కొందరు ధూమపానానికి ఎందుకు మొగ్గు చూపుతారు అని ఆలోచించారా?

ధూమపానం సంబంధంలో భాగమైంది :

స్మోకింగ్ అనేది సంబంధంలో ఒక భాగంగా భావించడం మొదలుపెట్టారు జనాలు.

నటీనటులు మంచం మీద సంబంధంలో ఉన్నట్లు భ్రమను కల్పించడం కోసం ధూమపానాన్ని ఉపయోగిస్తే, అది ధూమపానం లేకుంటే సంబంధమే లేనట్లుగా జనాల్లో ముద్రని వేసింది. సినిమాల ప్రభావం పిల్లలమీద, యువత మీద పడుతుంది అని ఎన్నో స్వచ్చంద సంస్థలు గగ్గోలు పెడుతున్నా, రాబడిని దృష్టిలో ఉంచుకుని కొందరు చేసే ప్రయోగాలు ఇలాంటి వికృత చర్యలకు కారణంగా మారుతున్నాయి. పైగా అదేముందిలే అని లైట్ తీసుకునే వారే ఎక్కువ, తద్వారా ధూమపానం వంద్యత్వ సమస్యలకు, కాన్సర్, శ్వాసకోస , మూత్ర పిండాల, గుండె, మెదడు, రక్త పోటు మరియు కాలేయ సంబంధిత వ్యాధుల వంటి ప్రాణాంతక సమస్యలకు కారణమని తెలిసినా స్టైల్ కోసం మొదలెట్టిన సిగరెట్, ప్రాణాలను తీసే దాకా వీడని బానిసగా చేస్తుంది.

ధూమపానం ఆహ్లాదకరమైనదిగా పరిగణించబడుతుంది :

మీరెప్పుడైనా ధూమపానం చేసేవారిని, మీకెప్పుడు ధూమపానం చెయ్యాలనిపిస్తుంది అని అడిగితే, ఎక్కువ శాతం భోజనం తర్వాత అని సమాధానం ఇస్తుంటారు, అవునా ? భోజనం తర్వాత రెస్టారెంట్స్లో మనం తీసుకునే డిజర్ట్స్ ఒకరకమైన ఆహ్లాదాన్ని ఇస్తాయి. అదే అనుభూతిని వీరు భోజనం తర్వాత ధూమపానం ద్వారా పొందుతారు.

నికోటిన్ అవసరమైన పదార్ధమని వీరి భావన:

క్రమంతప్పకుండా నికోటిన్ తీసుకునే అవసరాన్ని అధికంగా భావిస్తారు అనేకులు. మరియు ముందు నికోటిన్ స్థాయిల కన్నా అధికంగా శరీరం కోరుకోవడం పరిపాటిగా మారుతుంది. నెమ్మదిగా శరీరాన్ని జీవచ్చవంలా చేసేస్తుంది. ఒక నమ్మక ద్రోహిని మనం స్నేహితుడు అనుకుంటే, వెన్నుపోటుకు గురైనప్పుడు, చేసిన తప్పు మనసుకు స్ఫురిస్తుంది. అవునా కాదా. అలాంటి నీచమైన స్నేహితుడే నికోటిన్.

ఇది ఒక మానసిక కార్యాచరణ:

లైంగిక సంబంధం శారీరక మరియు మానసిక చర్యగా పరిగణించబడుతుంది. దీనికి ఏకాగ్రత మరియు కృషి చాలా అవసరం మరియు అలసటతో ముగిసినాకూడా, సంతృప్తిని ఇస్తుంది, భాగస్వామితో ఉన్న అనుబంధం మూలంగా. నికోటిన్ స్థాయిలు ఈ సమయంలో గణనీయంగా తగ్గుముఖం పట్టడం వల్ల, శరీరం అనుకోకుండా నికోటిన్ పట్ల ఆసక్తిని చూపడం ప్రారంభిస్తుంది. తద్వారా లైంగిక సంబందం తర్వాత ధూమపానం చేయడం శరీరానికి అత్యంత సంతృప్తికర అంశంగా పరిగణించబడుతుంది.

సంబంధంలో మార్పులు :

లైంగిక సంబంధం తర్వాత జంటలు గడిపే కాస్త సమయం సాధారణంగా వారిమధ్య బంధం కోసం ఉద్దేశించబడింది. ఇద్దరు వ్యక్తులు ఒక్కోసారి సంతృప్తిగా ఉన్నా కొన్ని సమయాల్లో తీవ్రమైన భావోద్వేగాలను ప్రదర్శిస్తుంటారు. కానీ భాగస్వాములు ఇద్దరూ ధూమపానం చేసే అలవాటుని కలిగి ఉంటే, వారిద్దరూ సంబంధం తర్వాత ధూమపానానికి మొగ్గుచూపే అవకాశాలే ఎక్కువగా ఉన్నాయి మరియు వారిద్దరూ ధూమపానాన్ని తమ సంబంధంలో ఒక భాగంగా భావిస్తూ ఉంటారు. వారి మద్య ఐక్యతకు దూమపానమే కారణమని వీరి భావనగా ఉంటుంది. కానీ నెమ్మదిగా వారి లైంగిక సంబంధంలో అనివార్య మార్పులు, వంధ్యత్వం, శీఘ్రస్ఖలన సమస్యలు, వ్యాధుల కారణంగా భవిష్యత్తులో సంబంధం అంటేనే భయపడే తీవ్ర స్థితికి చేరుకుంటారు.

మీరేమనుకుంటున్నారు? లైంగిక సంబంధం అనంతరం ధూమపానం తప్పనిసరా? లేదా మీరు ధూమపానం వలన కలిగే సమస్యల పట్ల అవగాహనని కలిగి ఉన్నారా? మీ వ్యాఖ్యలను క్రింది వ్యాఖ్యల విభాగంలో మాకు తెలియజేయండి. ఈ వ్యాసం మీకు నచ్చినట్లయితే, మీ ప్రియమైన వారితో పంచుకోండి. ఇటువంటి అనేక ఆసక్తికర అంశాల కోసం బోల్డ్స్కీ పేజీని తరచూ సందర్శించండి.