చంద్ర గ్రహణం 2020 : ఆ సమయంలో ఈ పనులు చేస్తే మీరు ఎన్ని లాభాలు పొందుతారో తెలుసా...!

ముందుగా ఏయే పనులు చేయాలంటే..

గరిక చాలా ముఖ్యమైనది..

మీకు మరియు మీ కుటుంబ సభ్యులకు, మీ ఇంట్లోని వస్తువులకు, ఆహారం వంటి వాటిపై చంద్ర గ్రహణం ప్రభావం పడకుండా గరికను అన్ని చోట్ల ఉంచాలి. దేవుని మందిరంలో కూడా ఆ గరికను ఉంచి దేవుడిని పూజించాలి. అలాగే దేవుడిని పూజించే సమయంలో నైవేద్యాన్ని లేదా పండ్లను నీటిలో వేసి ఉంచాలి. గ్రహణ కాంతుల నుండి గరిక అనేది దరి చేరనివ్వదు.

గ్రహణ సమయంలో..

చంద్ర గ్రహణం సమయంలో దేవుడిని జపించాలి. ఈ సమయంలో చేసే జపాల వల్ల మీకు రెట్టింపు ఫలితం వస్తుందట. ఈ సమయంలో చేసే పూజలకు విశేషమైన ఫలితం ఉంటుంది. అలాగే గ్రహణ నివారణ పూజలు చేయాలి.

మీ ఇంటి గుమ్మానికి..

చాలా మంది వారి ఇళ్లలో చెట్లను లేదా మొక్కలను పెంచుకుంటూ ఉంటారు. అయితే గ్రహణం సమయంలో బ్రహ్మ దండు చెట్టును తెచ్చుకుని మీ ఇంటి గుమ్మానికి కడితే మీకు తిరుగు అనేదే ఉండదు. మీకు ఎన్ని కష్టాలున్నా తొలగిపొతాయట.

మరి కొన్ని చెట్లు..

చంద్ర గ్రహణం సమయంలో మాతంగి చెట్టుకు శక్తులు పెరుగుతాయట. దీన్ని కూడా గ్రహణం రోజున మీ ఇంటి గుమ్మానికి మీకు ఎలాంటి ప్రతికూల శక్తులు దరిచేరవట. నల్ల ఉమ్మెత్త చెట్టును కూడా మీ ఇంటి గుమ్మానికి కడితే నర పీడ తొలగిపోతుందట. వీటితో పాటు వాకుడి, జిల్లేడు, జువ్వి వంటి చెట్లలో మీకు ఏది దొరికితే అది మీ ఇంటి గుమ్మానికి కడితే మీకు ఇబ్బందులన్నీ తగ్గిపోతాయట.

దాన ధర్మాలు..

చంద్ర గ్రహణం సమయంలో పేదలకు దాన ధర్మాలు చేయాలి. నిరుపేదలకు బట్టలు ఇవ్వడం లేదా ఎంతో కొంత ఆర్థిక సహాయం చేయాలి.

గ్రహణం తర్వాత..

చంద్ర గ్రహణం ముగిసిన తర్వాత మీ ఇంటిని శుభ్రం చేసుకోవాలి. తర్వాత దీపారాధన చేయాలి. అలాగే మీ ఇంటిని కూడా బాగా అలంకరించుకోవాలి.

గ్రహణం సమయంలో చేయకూడని పనులేంటో చూద్దాం..

ఆ కార్యం అస్సలు చేయకూడదట..

పురాణాల ప్రకారం సూర్య గ్రహణం మరియు చంద్ర గ్రహణం సమయంలో ఆ రెండింటిని రాహువు మరియు కేతువు మింగేస్తారట. ఆ సమయంలో ఆ కార్యం అస్సలు చేయకూడదట. ఆహారం కూడా వండకూడదట.

ఏమి తినకూడదు.. తాగకూడదు..

చంద్ర గ్రహణం సమయంలో మీరు ఎలాంటి ఆహారం తీసుకోకూడదు. అంతేకాదు ఎలాంటి పానీయాలను కూడా తాగకూడదు. ఎందుకంటే ఆ సమయంలో ఆహారం చెడిపోతుందని చాలా మంది నమ్మకం. ఒకవేళ ఆ సమయంలో ఆహారం తీసుకున్నా కూడా అజీర్ణానికి కారణమవుతుందట. అయితే కొంతమంది తమ ఆహారం పాడు కాకుండా ఉండటానికి ఆహారంలో పుదీనా ఆకులను ఉంచుతారట.

గర్భిణులు ఏ పనులు చేయరాదు..

చంద్ర గ్రహణం సమయంలో ముఖ్యంగా గర్భిణీ స్త్రీలు ఎలాంటి పనులు చేయకూడదట. అలాగే ఎక్కువగా విశ్రాంతి తీసుకోవాలట. అలాగే గర్భిణీ ఆ సమయంలో కత్తులు మరియు పదునైన వస్తువులను దగ్గరగా ఉంచకోకూడదట.

ఆల్కహాల్ అస్సలు ముట్టకూడదు..

గ్రహణం సమయంలో వాతావరణంలోని బ్యాక్టీరియాను సహజంగా నాశనం చేసే అతి నీల లోహిత వికిరణం చాలా తక్కువగా అయిపోతుంది. ఇది సూక్ష్మజీవుల అనియంత్రిత పెరుగుదలకు దారి తీస్తుంది. అలాగే మన శరీరంపై ప్రతికూల ప్రభావం చూపే అవకాశం ఉన్నందున ఆ సమయంలో ఆల్కహాల్ అస్సలు తీసుకోకూడదట.