Silence Day : టాప్ సైలెన్స్ టిప్స్ అండ్ ట్రిక్స్...

చర్చ రహిత వాతావరణం..

ఎప్పుడూ వాగుడుకాయ మాదిరిగా మనలో చాలా మంది నోరు వాగుతూనే ఉంటుంది. అయితే సైలెన్స్ డే రోజున మీ నోటికి తాళం వేస్తే చర్చ రహిత వాతావరణం చాలా ప్రశాంతంగా ఉంటుందట. అంతే కాదు నిశ్శబ్దం అనేది ఒక ఉత్తమ పరిష్కారమని నిపుణులు చెబుతున్నారు.

మాటలను తగ్గించడం వల్ల..

ప్రస్తుత కాలంలో మనం ప్రతిరోజూ ఏదో ఒక విషయంలో అబద్ధం చెబుతుంటాం. అబద్ధం అనేది మన సామాజిక జీవితంలో ఒక భాగం అయిపోయింది. దీని వల్ల ప్రతిరోజూ మనకు ఎంతో కొంత తప్పు చేశామనే భావన ఉంటుంది. అయితే ఈరోజున సైలెంట్ గా ఉండటం వల్ల ఈ ఒక్కరోజైనా నిజాయితీ ఉండేందుకు అవకాశం దక్కుతుంది. అంతేకాదు మనసు కూడా ప్రశాంతంగా ఉంటుంది. అలాగే మీ పిల్లలు కూడా ఇలాంటి వాటి నుండి నేర్చుకోవచ్చు.

సైలెన్స్ అనేది మంచి భాష..

ఈ ప్రపంచంలో నిశ్శబ్దం లేదా మౌనం (సైలెన్స్) కంటే మంచి భాష మరొకటి లేదు! మనం నిశ్శబ్దంగా ఉండటానికి మరియు మన గురించి మనం అనుభూతి చెందేందుకు కూడా ఎంతగానో ఉపయోగపడుతుంది.

సైలెన్స్ డే స్టేటస్..

మీరు ఈరోజు ఎందుకు మౌనంగా ఉన్నారో మీ ఇంట్లో కుటుంబసభ్యులకు, మరియు స్నేహితులకు, మీ సహోద్యోగులకు తెలియజేసేందుకు మీ వాట్సాప్ స్టేటస్ లో సైలెన్స్ డే స్టేటస్ పెట్టండి. అలాగే మీ ఫోన్ లాక్ స్క్రీన్ లో కూడా అధికారిక సైలెన్స్ డే స్టేట్ మేంట్ గా మార్చండి. అప్పుడే వారే అర్థం చేసుకుంటారు.

మౌనంగా ఉండేందుకు..

మీరు ఈరోజు మౌనంగా ఉండాలనుకుంటే ముందుగా ప్లాన్ చేసుకుంటే, దీని వల్ల మీ మనసులో ఏదో తెలియని ఉత్తేజం కలుగుతుంది. అంతేకాదు ఆ రోజంతా మీరు చాలా ఆనందంగా ఉండే అవకాశం ఉంది.

స్వేచ్ఛా హక్కు..

మీరు మాట్లాడటం లేదా మౌనం ఉండటం అనేది పూర్తిగా మీ ఇష్టం. ఎందుకంటే అలాంటి స్వేచ్ఛ మీకు ఉందని గుర్తుంచుకోండి. ఒకవేళ మిమ్మల్ని ఎవరైనా ఇబ్బంది పెడితే వారిపై ఫిర్యాదు చేసేందుకు కూడా వెనుకాడొద్దు.

టేప్ లను వాడొద్దు..

సైలెన్స్ డే అని చెప్పి మీరు నోటికి డక్ట్ టేప్ వంటి వాటిని అస్సలు ఉపయోగించకుండా. మీరు మౌనంగా ఉన్నట్లు ఇతరులకు తెలిసేలా మీ చొక్కాపై సైలెన్స్ డే అని అర్థం వచ్చేలా ఏదైనా రాసి ఉంచండి.