శరీరం ఎదుగుదలకు తగినంత ఐరన్!

Baby

oi-Nageswara

By B N Sharma

| Published: Thursday, November 17, 2011, 17:26 [IST]

పసిబిడ్డల ఎదుగుదలకు ఐరన్ చాలా అవసరం. ఇది మొత్తం శరీరానికి ఆక్సిజన్ ను అందిస్తుంది. ఐరన్ లోపం కారణంగా పిల్లల్లో రక్తహీనత ఏర్పడవచ్చు. ఎదిగే వయసుకు అనుగుణంగా పిల్లల శరీరానికి ఐరన్ కావలసి ఉంటుంది. కానీ ఈ అవసరం ఎప్పుడూ ఒకేలా ఉండదు. వయసును బట్టి మారుతూ వుంటుంది. ఉదాహరణకు పిల్లలకు 6 నెలల నుండి 7 సంవత్సరాల వయసు బాగా ఎదుగుదల చూపుతుంది.

ఈ వయసులో వారికి ఐరన్ అవసరం ఎక్కువగా వుంటుంది. ఆరోగ్యంగా ఉన్న ఒక తల్లికి అప్పుడే పుట్టిన ఆరోగ్యకరమైన బిడ్డకు తల్లిపాల ద్వారా ఐరన్ లభిస్తుంది. తల్లి పాలల్లోనే 4 నుండి 6 నెలల వరకు బిడ్డకు కావల్సినంత ఐరన్ లభిస్తుంది. 7 నుండి 12 నెలల వయసున్న శిశువుకు ప్రతి రోజూ 7 మిల్లీ గ్రాముల ఐరన్ అవసరం ఉంటుంది. అదేవిధంగా 1 నుండి 3 సంవత్సరాల వయసు ఉన్న శిశువుకు ప్రతిరోజూ 11 మిల్లీ గ్రాముల ఐరన్ అవసరం ఉంటుంది.

ఈ రకంగా వయసు పెరుగుతున్న కొలది శరీరానికి ఐరన్ పరిమాణం అధికంగా వుండాలి. అపుడే శారీరక ఎదుగుదల సక్రమంగా వుంటుంది. ఘన ఆహారం ఇవ్వటం మొదలు పెడితే వీరు తినే ఆహార పదార్ధాలలోనే సహజంగా ఐరన్ వుండే పదార్ధాలు ఇవ్వాలి.