హోటల్ స్టైల్ ‘పొడి ఇడ్లీ’ ఇంట్లోనే.. ఇలా చేసుకొని తింటే, నా సామిరంగా టేస్ట్ అదిరిపోతుందంతే!

మసాలా ఇడ్లీ, తవా ఇడ్లీ, కారం ఇడ్లీ, ఘీ ఇడ్లీ ఇలా ఎన్నో రకాల ఇడ్లీలు తినే ఉంటారు. కానీ ఎప్పుడైనా హోటల్ స్టైల్‌లో పొడి ఇడ్లీ ఎప్పుడైనా తిన్నారా? మిగిలిపోయిన ఇడ్లీలతో చేసే ఈ పొడి ఇడ్లీ రుచి అమోఘంగా ఉంటుంది. ఒక్కసారి వాటిపై కొంచెం నెయ్యి తగిలించి తింటే ఆ రుచి ఇంకా వేరే లెవెల్ అని చెప్పుకోవచ్చు. ఇది చదువుతుంటేనే నోట్లో నీళ్లు ఊరుతున్నాయి కదూ. అయితే ఈ ఇడ్లీని ఎలా చేసుకోవాలి? దానికి కావాల్సిన పదార్థాలు ఏంటి అనేది ఈ స్టోరీలో తెలుసుకుందాం.

పొడి ఇడ్లీ చేయడానికి కావలసిన పదార్థాలు:

మిగిలిపోయిన ఇడ్లీలు (చిన్న ముక్కలుగా కోసినవి)
నూనె
ఆవాలు
మినపప్పు
కరివేపాకు
పప్పుల పొడి (ధాల్, చనాలు మొదలైనవి)
సన్నగా తరిగిన కొత్తిమీర
రుచికి తగినంత ఉప్పు
రుచికి తగినంత కారం

తయారీ విధానం:

ముందుగా ఒక పాన్‌ను స్టవ్‌పైన పెట్టుకోవాలి. ఆ పాన్ వేడెక్కిన తరువాత దానిపై నూనె పోసుకోవాలి. నూనె వేడయ్యాక దానిపై ఆవాలు వేసుకోవాలి. ఆ తరువాత మినపప్పు, కరివేపాకులు కూడా వేసుకొని కాసేపు వేయించుకోవాలి. ఇప్పుడు చిన్న చిన్న ముక్కలుగా కోసుకొని పెట్టుకున్న ఇడ్లీలు వేసుకోవాలి.

ఇడ్లీలు బాగా ఫ్రై అయ్యాక.. ఆ ఇడ్లీల ఫ్రైతో పప్పుల పొడి, రుచికి తగినంత కారం, రుచికి తగినంత ఉప్పు వేసుకొని బాగా కలుపుకోవాలి. ఆ తరువాత దానిలో సన్నగా తరిగిన కొత్తిమీర వేసుకుంటే పొడి ఇడ్లీ సిద్ధమైనట్లే. వీటిని ఓ ప్లేట్‌లో సర్వ్ చేసుకుంటే ఎంతో రుచికరమైన పొడి ఇడ్లీ సిద్ధమైనట్లే. దీనిపై ఒక్క చుక్క నెయ్యి వేసుకొని తింటే.. నా సామిరంగా నాలుక లాపలపలాడాల్సిందే.