కొన్ని రోజుల్లోనే శరీరంలో అద్భుతాలు చేసే జొన్న దిబ్బ రొట్టె..షుగర్ పేషెంట్లు కూడా తినొచ్చు,ఎలా చేయాలంటే

తెలుగు రాష్ట్రాల్లో ఎంతో ప్రాచుర్యం పొందిన, రుచికరమైన, ఆరోగ్యకరమైన అల్పాహారం జొన్న దిబ్బరొట్టె. ఇది జొన్నలతో తయారుచేసే ఒక రకమైన మందపాటి రొట్టె. బియ్యం,గోధుమలతో పోలిస్తే జొన్నలు ఎక్కువ ఆరోగ్య ప్రయోజనాలను కలిగి ఉండటం వల్ల ఈ దిబ్బరెట్టెను తీసుకోవడం ఆరోగ్యానికి ఎంతో మంచిది. ఈ రుచికరమైన జొన్న దిబ్బరొట్టెను ఇంట్లోనే చాలా సులభంగా తయారుచేసుకోవచ్చు. జొన్న దిబ్బరొట్టె తయారీకి కావలసిన పదార్థాలు, తయారీ విధానం ఇక్కడ చూడండి.

జొన్న దిబ్బరొట్టె తయారుచేయడానికి కావలసిన పదార్థాలు

జొన్న పిండి- 2 కప్పులు
మినప పిండి- 1/2 కప్పు
బియ్యం రవ్వ లేదా ఇడ్లీ రవ్వ- 1/2 కప్పు
ఉల్లిపాయ- 1 చిన్నది
పచ్చిమిర్చి - 2-3
కొత్తిమీర- కొద్దిగా
జీలకర్ర- 1/2 టీ స్పూన్
అల్లం వెల్లుల్లి పేస్ట్- 1/2 టీ స్పూన్
ఉప్పు - రుచికి తగినంత
నూనె లేదా నెయ్యి- కాల్చడానికి తగినంత
నీరు - పిండి కలుపుకోవడానికి తగినంత

జొన్న దిబ్బరొట్టె తయారీ విధానం

-ఒక పెద్ద గిన్నెలో జొన్న పిండి,మినప పిండి వేసుకోవాలి. మీరు మినపప్పును నానబెట్టి రుబ్బుకుని వేసుకుంటుంటే ముందుగా దానిని మెత్తగా రుబ్బుకుని ఈ పిండిలో కలపాలి.

-మీరు బియ్యం రవ్వ లేదా ఇడ్లీ రవ్వను ఉపయోగిస్తుంటే వాటిని కూడా ఈ పిండిలో వేసుకోవాలి. ఇది దిబ్బరెట్టెకు కొంచెం గట్టిదనం, క్రిస్పీనెస్ ఇస్తుంది.

-తర్వాత సన్నగా తరిగిన ఉల్లిపాయ, పచ్చిమిర్చి, కొత్తిమీర, జీలకర్ర, అల్లం వెల్లుల్లి పేస్ట్ వేసి బాగా కలపాలి.

-రుచికి తగినంత ఉప్పు వేసి మరొకసారి బాగా కలపాలి.

-కొద్ది కొద్దిగా నీరు పోసుకుంటూ పిండిని మరీ గట్టిగా కాకుండా మరీ పలుచగా కాకుండా దోశ పిండి కంటే కొంచెం చిక్కగా కలుపుకోవాలి. పిండి ఉండలు లేకుండా బాగా కలపడం ముఖ్యం.

-కలిపిన పిండిని కనీసం 15-20 నిమిషాలు నాననివ్వాలి. దీనివల్ల పిండి బాగా కలిసి దిబ్బరెట్టె మెత్తగా వస్తుంది.

-ఇప్పుడు స్టవ్ మీద మందపాటి పెనం లేదా నాన్ స్టిక్ పాన్ పెట్టి వేడి చేయాలి.

-పెనం బాగా వేడెక్కిన తర్వాత పెనం మీద కొద్దిగా నూనె లేదా నెయ్యి వేసి గరిటెడు పిండిని తీసుకొని పెనం మధ్యలో మందపాటిగా వేయాలి. దీనిని దోశలాగా పలుచగా రుద్దకూడదు. సుమారు 1/2 నుంచి 3/4 అంగుళం మందంలో ఉండేలా చూసుకోవాలి.

-దిబ్బరెట్టె చుట్టూ, పైన కొద్దిగా నూనె లేదా నెయ్యి వేయాలి.

-పెనం మీద మూత పెట్టి 5-7 నిమిషాలు తక్కువ మంటపై ఉడికించాలి. దీనివల్ల లోపల పిండి బాగా ఉడుకుతుంది.

Healthy breakfast: ఉదయం బ్రేక్‌ ఫాస్ట్‌ కు ఇది చాలు..ఈ దోశ తింటే డాక్టర్ అవసరం లేదు,ఎలా చేయాలంటే

-తర్వాత మూత తీసి దిబ్బరెట్టెను నెమ్మదిగా తిప్పి మరోవైపు కూడా బంగారు రంగు వచ్చే వరకు కాల్చుకోవాలి. అవసరమైతే మరికొద్దిగా నూనె లేదా నెయ్యి వేసుకోవచ్చు.

-రెండు వైపులా బాగా కాలిన తర్వాత దిబ్బరెట్టెను ప్లేట్‌లోకి తీసుకొని మీకు ఇష్టమైన పచ్చడి, పెరుగు లేదా సాంబార్‌తో వేడి వేడిగా తింటే నోట్లో బ్లాస్టే