నో మిల్క్, నో షుగర్..ఎక్కువ రోజులు నిల్వ ఉండే సూపర్ టేస్టీ రవ్వ లడ్డు..ఈజీగా ఎలా చేసుకోవాలంటే

పాలు పంచదార లేకుండా చేసే రవ్వ లడ్డు టేస్ట్ ఒక్కసారి చూసినోళ్లు మళ్లీ మళ్లీ తినాలని కోరుకుంటారు. దీని రుచి అమోఘం,అద్భుతం. అంతేకాకుండా దీనిని తయారుచేయడం చాలా ఈజీ. అంతేకాకుండా ఎక్కువ రోజులు నిల్వ ఉంటాయి. చిన్న పిల్లలకు కూడా ఈ లడ్డు చాలా బాగా నచ్చుతుంది. పాలు,పంచదార లేకుండా నోట్లో కరిగిపోయేంత మెత్తగా ఉండే రవ్వ లడ్డు తయారుచేసుకోడానికి కావాల్సిన పదార్థాలు, తయారీ విధానం ఇక్కడ చూడండి.

కావలసిన పదార్థాలు
-బొంబాయి రవ్వ
-పటిక బెల్లం
-నెయ్యి
-జీడిపప్పు
-ఎండుద్రాక్ష
-పచ్చి కొబ్బరి తురుము
-యాలకల పొడి
-మిల్క్ పౌడర్

తయారీ విధానం

-ముందుగా ఒక కప్పు పటిక బెల్లం మిక్సీ గిన్నెలో వేసి మెత్తని పౌడర్ లా గ్రైండ్ చేసుకోవాలి.

-తర్వాత స్టవ్ మీద కాడాయి పెట్టి అందులో పావు కప్పు నెయ్యి వేసి వేడి చేశాక ఇందులో గుప్పెడు జీడిపప్పు వేసి సగం పైకి వేగిన తర్వాత ఇందులో గుప్పెడు ఎండుద్రాక్ష వేసి అవి ఉబ్బేవరకు వేయించుకొని తర్వాత ఓ ప్లేట్ లోకి తీసుకొని పక్కనపెట్టుకోవాలి.

-ఇప్పుడు స్టవ్ మీద ఉన్న కడాయిలోని నెయ్యిలోనే 1 కప్పు సన్నని బొంబాయి రవ్వ వేసి కలుపుతూ వేయించుకోవాలి. రవ్వ రంగు మారడం మొదలైన సమయంలో అందులో అరకప్పు పచ్చి కొబ్బరి తురుము వేసి రెండూ గోధుమ బంగారు రంగులోకి మారేదాకా వేయించుకోని తర్వాత ఓ ప్లేట్ లోకి తీసి పక్కనపెట్టుకోండి.

Rava Pongal: కర్ణాటక స్టైల్ రవ్వ పొంగలి..టేస్ట్ కి ఎవ్వరైనా ఫిదా అవ్వాల్సిందే,ఆరోగ్యం కూడా..ఎలా చేసుకోవాలంటే

-ఇప్పుడు స్టవ్ మీద కడాయిలో ముందుగా గ్రైండ్ చేసిన పటిక బెల్లం పొడి ముప్పావు కప్పు వేసి ఇందులోనే అరకప్పు నీళ్లు కూడా పోసి తక్కువ మంట మీద ఉడికించుకోవాలి. నూనెలా జిడ్డుగా పాకం మారిన తర్వాత కడాయిని స్టవ్ మీద నుంచి దించేసి అందులో పావు స్పూన్ యాలకల పొడి, వేయించిన రవ్వ మొత్తం ఇందులో వేసి కలిపి 10 నిమిషాలు అలా వదిలేయాలి.

-రవ్వ పాకం మొత్తాన్ని పీల్చుకొని కొంచెం మెత్తగా అయ్యాక అందులో వేయించిన జీడిపప్పు,ఎండుద్రాక్ష,2-3 టేబుల్ స్పూన్ల మిల్క్ పౌడర్ వేసుకొని బాగా కలుపుకోవాలి. తర్వాత వాటిని లడ్డుల్లా చేసుకోవాలి. అంతే టేస్టీ రవ్వ లడ్డు రెడీ. వారం రోజుల వరకు ఇవి నిల్వ ఉంటాయి.