ఆలూ ఆమ్లెట్: హెల్తీ అండ్ టేస్టీ

ఆలుగడ్డలు కనిపించగానే కరకరలాడే చిప్స్ కళ్లముందు మెదులుతుంటాయి. లేదంటే కమ్మటి వేపుడు గుర్తుకొస్తుంది. టమోట, వంకాయ కూరల్లో రెండు ఆలుగడ్డలు వేసుకోవడం కూడా రొటీనే. ఇంకా ఏం చేసుకోవచ్చు అంటారా... కొంచెం కొత్తగా, వెరైటీగా ఉండే ఆలుగడ్డ మరియు ఎగ్ కాంబినేషన్ తో వెరైటీగా ఒక సైడ్ డిష్ ను రుచికరంగా తయారుచేసుకోవచ్చు.

అదేంటంటే, ఆలూ ఆమ్లెట్. సాధారణంగా ఆమ్లెట్ ను చాలా రకాలుగా వండుతారు. చాలా ఆకలిగా ఉన్నప్పుడు చిటికెలో తయారు చేసుకొని తినగలిగే అల్పాహారం ఎగ్ ఆమ్లెట్. డైయట్ ను పాటించే వాళ్ళు పచ్చసొన ఫాట్, కొలెస్ట్రాల్ శాతం అధికం అనుకొనే వాళ్ళు ఎగ్ వైట్ తో ఆమ్లెట్ చేసుకొని తినడం వల్ల ఆరోగ్యం. అయితే మరింత టేస్టీగా మరిన్ని పోషకాలు, క్యాలరీలు శరీరానికి అందివ్వాలంటే అందులో ఆలూ కూడా జత చేసి ఆమ్లెట్ తయారు చేసుకొని తినొచ్చు. ఇది పిల్లలకూ పెద్దలకూ మంచి పౌష్టికాహారం. అల్పాహారం. మరి ఈ స్పెషల్ సైడ్ డిష్ ను ఎలా తయారుచేయాలో చూద్దాం..

తయారుచేయు విధానం:
1. ముందుగా ఆలుగడ్డల్ని ఉడకబెట్టి తొక్క తీసి ముక్కలు కోసుకుని పక్కన పెట్టుకోవాలి.
2. ఒక గిన్నెలో కోడి గుడ్ల సొన వేసి బాగా గిలకొట్టాలి.
3. తర్వాత అందులోనే ఉప్పు, మిరియాలపొడి, వెన్న,ఉల్లిపాయ ముక్కలు, పాలు వేసి మళ్లీ గిలకొట్టాలి.
4. చివరిగా ఉడికించిన ఆలుగడ్డ ముక్కల్ని వేసి బాగా కలిపి వెడల్పాటి గిన్నెలో వేసి ఓవెన్‌లో పెట్టి బేక్ చేయాలి. లేదంటే దళసరి పెనంపై ఆమ్లెట్‌లా వేసుకున్నా బాగుంటుంది. అంతే హెల్తీ న్యూట్రీషియన్ ఆలూ ఆమ్లెట్ రెడీ.