చిల్లీ చికెన్ బిట్స్ : వింటర్ స్పెషల్

చిల్లీ చికెన్ బిట్స్ స్పైసి చికెన్ రిసిపి. ఇది ఒక ఫర్ఫెక్ట్ పార్టీ స్నాక్ ఏ కార్యక్రమానికైనా ఈ స్నాక్ ను మీరు తయారుచేసుకోవచ్చు . డ్రింక్స్ తో పాట్ తీసుకొనే మంచి స్నాక్స్ రిసిపి.

చికెన్ అంటే ఎక్కువ ఇష్టం ఉన్నవారు. ఇలాంటి సింపుల్ వంటలను తయారుచేసుకోవచ్చు. దీన్ని తయారుచేయడం కూడా చాలా సులభం మరియు చాలా తక్కువ పదార్థాలతో దీన్ని తయారుచేస్తారు. మరి ఈ సింపుల్ అండే టేస్టీ చిల్లీచికెన్ ఎలా తయారుచేయాలో చూద్దాం...

కావల్సిన పదార్థాలు:

ఎముకల్లేని చికెన్ ముక్కలు: 300grms
గుడ్డు: 1
మొక్కజొన్న పిండి : 1tbsp
మైదా: 11/2tbsp
ధనియాలపొడి: 1/2tbsp
జీలకర్రపొడి : 1/2tbsp
కారం: 1tsp
మిరియాలపొడి: 1/2tsp
గరం మసాలా: 1/2tsp
నూనె: వేయించడానికి సరిపడా
అల్లం, వెల్లుల్లి ముక్కలు: 1tsp
ఉల్లికాడల తరుగు: 1cup
పచ్చిమిర్చి ముక్కలు: 1tsp
టమోటో కెచప్: 1/2cup
నీళ్ళు: 1cup
ఉప్పు: రుచికి తగినంత

తయారుచేయు విధానం:
1. ముందుగా ఓ గిన్నెలో ముక్కలు, గుడ్డుసొన, ధనియాలపొడి, జీలకర్రపొడి, కారం, గరం మసాలా, మిరియాలపొడి, మైదా మొక్కజొన్న పిండి, కొత్తిమీర తరుగు, తగినంత ఉప్పు తీసుకుని బాగా కలపాలి.
2. తర్వాత పాన్ లో నూనె తీసుకుని ఈ చికెన్ ముక్కల్ని అందులో వేసి ఎర్రగా వేయించుకుని తీసుకోవాలి.
3. ఇప్పుడు మరో బాణలిలో రెండు టేబుల్ స్పూన్ల నూనెను వేడి చేయాలి. తర్వాత అల్లం, వెల్లుల్లి, పచ్చిమిర్చి ముక్కల్ని కూడా వేసి వేయించాలి.
4. రెండు మూడు నిమిషాల తర్వాత టమోటో కెచప్, ముందుగా వేయించుకున్న చికెన్ ముక్కల్ని వేసి వేయించాలి. కొద్దిగా నీళ్ళు చల్లి వేయించి రెండు, మూడు నిమషాల తర్వాత దింపేస్తే సరిపోతుంది.