ఘుమఘుమలాడే మటన్ పులావ్ రిసిపి

మటన్ పులావ్ ఒక డిఫరెంట్ నాన్ వెజిటేరియన్ రిసిపి. ఈ మటన్ రిసిపి కాంబినేషన్ బాస్మతి రైస్ మరియు మాంసంతో తయారుచేస్తారు. అయితే ఇది బిర్యానీ మాత్రం కాదు. బిర్యానీ రిసిపిలకు, పులావ్ పూర్తిగా డిఫరెంట్ గా ఉంటుంది. మటన్ పులావ్ లో పదార్థాలు చూడటానికి సిమిలర్ గా ఉండవచ్చు కానీ బిర్యానీ, పులావ్ కు వంట వండే విధానంలో చాలా వ్యత్యాసం ఉంటుంది.

పులావ్ రిసిపి తయారుచేయడం చాలా సులభం మరియు మంచి రుచి, ఫ్లేవర్ తో తయారవుతుంది. మాంసాహార ప్రియులు మటన్ పులావ్ ను టేస్ట్ చేయాలంటే ఈక్రింది పద్దతిని ఫాలో అవ్వండి...

తయారుచేయు విధానం:
1. ముందుగా బాస్మతి బియ్యాన్ని అరగంట ముందు నాన పెట్టుకోవాలి.
2. గసగసాలు నూనె లేకుండా వేపి ప్రక్కన పెట్టుకోవాలి.
3. ధనియాలు, పచ్చిమిరపకాయలు, అల్లం, వెళ్ళుళ్ళి గ్రైండ్ చేసుకోవాలి.
4. గసగసాలు, పచ్చికొబ్బరి గ్రైండ్ చేసుకోవాలి
5. ఉల్లిపాయలను తరిగి ప్రక్కన పెట్టుకోవాలి.
6. పూదీన, కొత్తిమీర కడిగి పెట్టుకోవాలి.
7. మటన్ సుభ్రంగా కడిగి అందులో పుసుపు, ఉప్పు వేసి మూడు విజిల్స్ వచ్చే వరకు కుక్కర్లో పెట్టుకోవాలి.
8. ఒక పెద్ద గిన్నెను స్టౌ మీద పెట్టి అందులో నెయ్యి వేసి ఉల్లిపాయముక్కలు, గ్రైండ్ చేసి పెట్టుకున్న ధనియాలు, పచ్చిమిరపకాయలు, అల్లం వెళ్ళుళ్ళి పేస్ట్ వేసి వేగనివ్వాలి. ఇవి వేగుతుండగా జీడిపప్పు, పుదీన, కొత్తిమీర, గ్రైండ్ చేసి పెట్టుకున్న పచ్చికొబ్బరి, గసగసాల పేస్ట్, బిర్యాని ఆకు, పెరుగు వేసి కొంచెం నూనె వేసి బాగ వేగనివ్వాలి.
9. తరవాత ఉడికించి పెట్టుకున్న మటన్ వేగుతున్నమసాలలో వేసి కలిపి, నాన పెట్టుకున్న బాస్మతి బియ్యాని కూడ వేసి నాలుగు గ్లాసుల నీళ్ళు లేదా కొబ్బరి పాలు వేసుకుని నాలుగు వైపుల కలిపి ఉప్పు, కారం రుచి చూసి, కావలనిపిస్తే మరి కొంచెము వేసుకుని, చిన్న మంట మీద పెట్టి వుడకనివ్వాలి.
10. పదిహేను నిమషాలు తరవాత దించుకోవాలి. అంతే! ఎంతో రుచిగా వుండే మటన్ పులావ్ రెడీ! ఈ పులావ్ని సాలాడ్తో తింటే చాల రుచిగా వుంటుంది.