నోరూరించే మంగోలియన్ చికెన్ రిసిపి

మీరు ఇంట్లో చైనీస్ ఫుడ్ తయారుచేసుకోవాలనుకుంటున్నారా? మరి అయితే ఈ స్వీట్ అండ్ స్పైసీ చికెన్ మంగోలియన్ చికెన్ రిసిపిని ట్రై చేయండి. మంగోలియన్ చికెన్ రిసిపి ఫర్ ఫెక్ట్ ఏషియన్ డిష్. ఇది కొద్దిగా తీయ్యగా, పుల్లగా మరియు స్పైసీగా ఉంటుంది. ఈ రిసిపిని ఒరిజినల్ గా బీఫ్ తో తయారుచేస్తారు. అయితే ఇక్కడ చికెన్ లవర్స్ కోసం కొంచెం వెరైటీ టేస్ట్ అంధివ్వడానికి ఇలా తయారుచేయబడింది.

మంగోలియన్ చికెన్ రిసిపి తయారుచేయడానికి, అంత ఎక్కువ పదార్థాలు అవసరం లేదా. ఎందుకంటే ఈ చికెన్ రిసిపి మొత్తం సాస్ లతోనే ముడిపడి ఉంది. ఇంట్లో ఈ క్రింది లిస్ట్ లోని సాస్ లు ఉంటే, మంగోలియన్ చికెన్ రెడీ అయినట్లే. ఇంట్లో లేకపోయినా మార్కెట్లో అందుబాటులో ఉన్నాయి. మరి ఈ స్పెషల్ మంగోలియన్ చికెన్ రిసిపి ఎలా తయారుచేయాలో చూద్దాం...

కావల్సిన పదార్థాలు:
చికెన్: 500grm(బోన్ లెస్ చికెన్)
కార్న్ స్ట్రాచ్: ½cup(కోటింగ్ పూత కోసం)
వెల్లుల్లి: 1tbsp (చిన్న ముక్కలుగా కట్ చేసుకోవాలి)
ఉల్లిపాయ : 1 (చిన్న ముక్కలుగా కట్ చేసుకోవాలి)
స్ప్రింగ్ ఉల్లిపాయలు: 2 (చిన్న ముక్కలుగా తరిగి పెట్టుకోవాలి)
నల్ల మిరియాలు పొడి: 1tsp
Hoisin సాస్: 2tbsp
సోయా సాస్: 2tbsp
ఒయిస్ట్రెస్ సాస్: 1tbsp
రెడ్ చిల్లీ ప్లేక్స్: 1tsp
ఉప్పు: రుచికి సరిపడా
చక్కెర: 1tsp
నూనె: 1tbsp (స్టైర్ ఫ్రై చేయడానికి)
నూనె: 2cups(డీప్ ఫ్రై చేయడానికి)
నీళ్ళు: 1cup

తయారుచేయు విధానం:
1. ముందుగా చికెన్ ముక్కలను శుభ్రంగా కడిగి పక్కన పెట్టుకోవాలి.
2. తర్వాత కార్న్ స్ట్రాచ్ ను ఒక ప్లేట్ లో స్ప్రెడ్ చేయాలి. చికెన్ ముక్కలను బాగా ఇటు, అటు పొర్లించడం వల్ల బాగా చికెన్ ముక్కలకు స్టార్చ్ బాగా పడుతుంది.
3. తర్వాత డీప్ ఫ్రైయింగ్ పాన్ లో నూనె వేసి కాగనివ్వాలి, మీడియం మంట పెట్టి నూనె కాగిన తర్వాత అందులో చికెన్ ముక్కలను వేసి గోల్డెన్ బ్రౌన్ కలర్ వచ్చే వరకూ ఫ్రై చేసుకోవాలి.
4. ఒక్కసారి చేసిన తర్వాత చికెన్ ను పక్కన పెట్టుకోవాలి.
5. ఇప్పుడు ఒక మిక్సింగ్ బౌల్లో సోయా సాస్, ఓయిస్ట్రెస్, hoisin sauce, రెడ్ చిల్లీ ప్లేక్స్ మరియు షుగర్ వేసి బాగా మిక్స్ చేసి పక్కన పెట్టుకోవాలి.
6. తర్వాత పాన్ లో నూనె వేసి, అందులో ఉల్లిపాయ ముక్కలు వేసి మీడయం మంట మీద ఫ్రై చేసుకోవాలి.
7. ఇప్పుడు అందులోనే కట్ చేసుకొన్ని వెల్లుల్లి మరియు స్ప్రింగ్ ఆనియన్ ముక్కలు వేసి 2-3నిముషాలు వేగించుకోవాలి.
8. తర్వాత అందులోనే బ్లాక్ పెప్పర్ పౌడర్ మరియు ఉప్పు వేసి కలపాల. ఇప్పుడు అందులోనే మిక్స్ చేసి పెట్టుకొన్న సాస్ మిశ్రమాన్ని కూడా వేసి మిక్స్ చేసి 5నిముషాలు ఉడికించుకోవాలి.
9. సాస్ చిక్కగా మారుతుండగా అందులో ముందుగా ఫ్రై చేసి పెట్టుకొన్న చికెన్ ముక్కలు వేసి బాగా మిక్స్ చేయాలి. ఇలా మిక్స్ చేసి రెండు నిముషాలు ఉడికిన తర్వాత స్టౌ ఆఫ్ చేసి, సర్వ్ చేయాలి. అంతే స్టైర్ ఫ్రై మంగోలియన్ చికెన్ రెడీ. ఇది వేడి వేడి అన్నం లేదా నూడిల్స్ కు ఫర్ ఫెక్ట్ కాంబినేషన్ .